Türkiyə Təhlükəsizlik Şurası kürdlərin referendumunu qeyri-qanuni adlandırıb — VİDEO

Türkiyə Təhlükəsizlik Şurası kürdlərin referendumunu qeyri-qanuni adlandırıb
00:53
23.09.2017
168
Dünya
A
Türkiyə Təhlükəsizlik Şurası Şimali İraq Kürd Muxtariyyatının referendumunu qeyri-qanuni və qəbuledilməz adlandırıb.

“Ölkə.Az” xəbər verir ki, bu barədə prezident Rəcəb Tayyib Ərdoğanın sədrliyi ilə Türkiyə Təhlükəsizlik Şurasının iclasının yekununa dair bəyanatda bildirilir. Qeyd edilib ki, referendum baş tutduğu halda, Türkiyə beynəlxalq hüququ müdafiə edəcək. 

Türkiyə vaxtı ilə saat 21:30-da başlayan iclasa qatılan Ərdoğan bildirib ki, bu referendum İraqda yaşayan xalqların təhlükəsizliyini şübhə altına atır.

“İraqın xalqları -   ərəblər, kürdlər, türkmənlər yalnız vahid ölkə çərçivəsində sülhdə yaşaya bilərlər. Referendumun nəticələri olduqca mənfi fəsadlar verə bilər”, - deyə Ərdoğan bildirib. 

Bəyanatda həmçinin bildirilib ki, rəsmi Ankara İraq Kürdüstanı ilə İraqın mərkəzi hökuməti arasında bütün mübahisəli məsələləri konstitusiya əsasında həll etmək üçün səy göstərməyə hazırdır. Bundan başqa, vurğulanıb ki, referendumun keçirilməsi terrorla mübarizəni imkansız edəcək.

“Hazırda bölgədə terrorla mübarizə aparılır. Bu mübarizədə Türkiyə də əsas rol oynayır. Bir sıra terror təşkilatları Türkiyə dövləti üçün təhlükə mənbəyidir. Başda İŞİD, YPG, FETÖ, PKK terror təşkilatları Türkiyə üçün təhlükə yaradırlar. Onlarla mübarizə Türkiyə üçün çox vacibdir. Bu referendum isə terrorçularla mübarizədə bir sıra əngəllər yaradır”, - deyə açıqlamada bildirilib.

Qeyd edək ki, bir müddət əvvəl  Bərzaninin müşaviri Məhəmməd Hacı referendumun avqust ayına planlaşdırıldığını bildirmişdi. Lakin sonradan referendumun sentyabrın 25-nə təxirə salındığı vurğulandı. Referendum məsələsinə başda rəsmi Bağdad olmaqla, Türkiyə, İran və ABŞ kimi dövlətlər də mənfi yanaşır. Sentyabrın 16-da isə İraq parlamenti Şimali İraq Kürd Muxtariyyatının müstəqillik barədə referendum keçirməsi barədə razılıq verib. Dünya siyasətçiləri düşünürlər ki, referendum ərəfəsində və bundan sonrakı dövrlərdə İraq ərazisində böyük çaxnaşmalar olacaq.

Ziya Səccad
Ölkə.Az

ŞƏRH YAZ
0

“Niva” ilə “06”nı arxadan vurdu — Sürücülər əlbəyaxa oldu

“Niva” ilə “06”nı arxadan vurdu
22:14
21.07.2018
1286
Dünya
A
Yevlaxda iki avtomobil toqquşub.

"Ölkə.Az" ”Report”a istinadən xəbər verir ki, hadisə axşam saatlarında Mingəçevir-Xaldan avtomobil yolunda rayonun Varvara kəndi Səmtinə ayrılan istiamətdə baş verib. 

Belə ki, "Niva" markalı avtomobil "VAZ-2106" markalı maşını arxadan vuraraq avtomobili deformasiyaya uğrayıb. 

Avtomobildə olanlar yüngül xəsarətlə qurtulsa da sürücülər arasında magistralda keçən vətəndaşlar önündə əlbəyaxa davaya çata biləcək səviyyədə gərgin mübahisə yaşanıb. 

Faktla bağlı araşdırma aparılır.

Ölkə.Az

ŞƏRH YAZ
0

Gürcüstanda müxalifətçi prezidentliyə namizəd oldu

Gürcüstanda müxalifətçi prezidentliyə namizəd oldu
21:44
21.07.2018
943
Dünya
A
Gürcüstanın əsas müxalifət partiyalarından olan “Avropa Gürcüstanı” partiyası David Bakradzenin prezidentliyə namizədliyini irəli sürüb.

“Ölkə.Az” xəbər verir ki, partiya fəallarının toplantısı keçirilib. Toplantıda bu ilin oktyabrında keçiriləcək prezident seçkilərində iştirakla bağlı məsələ müzakirə olunub və D.Bakradzenin namizədliyi yekdilliklə təsdiq olunub.

Xatırladaq ki, David Bakradze 2008-2012-ci illərdə Gürcüstan parlamentinin sədri olub.

Ölkə.Az

ŞƏRH YAZ
0
BAĞLA