Türkiyə telekanalında İlham Əliyevin prezidentliyinin 15 illiyi ilə bağlı süjet — VİDEO

Türkiyə telekanalında İlham Əliyevin prezidentliyinin 15 illiyi ilə bağlı süjet
22:04
15.10.2018
4003
Siyasət
A
Türkiyənin “Haber Global” telekanalı Azərbaycan prezidenti İlham Əliyevin Azərbaycan dövlətinin başçısı postundakı 15 illik fəaliyyəti ilə bağlı süjet hazırlayıb.

"Ölkə.Az" xəbər verir ki, ölkəmizin nailiyyətlərini təsvir etmək üçün 2003 və 2018-ci illəri müqayisə edən telekanal qeyd edib ki, İlham Əliyev ümummilli lider Heydər Əliyev tərəfindən göstərilən inkişaf strategiyasını yaradıcı şəkildə davam etdirir və Azərbaycanı regionun güclü ölkələrindən birinə çevirib.

Belə ki, “Haber Global” Azərbaycan iqtisadiyyatının 3,2 dəfə, qeyri-neft sektorunun 2,8 dəfə, sənaye istehsalının 2,6 dəfə, kənd təsərrüfatının 1,7 dəfə, qeyri-neft ixracının 4,1 dəfə artmasına diqqət çəkib.

Azərbaycanda valyuta ehtiyatları 1,8 milyard dollardan 46 milyard dollara qədər artıb. 2003-2018-ci illərdə ölkə iqtisadiyyatına 250 milyard dollar investisiya yatırılıb.

Enerji sahəsində nailiyyətlər vurğulanır, artıq həyata keçirilən böyük enerji layihələri qeyd edilir: Xəzər və Aralıq dənizlərini birləşdirən Bakı-Tbilisi-Ceyhan əsas ixrac neft kəməri (2006-cı il) və Bakı-Tbilisi-Ərzurum qaz boru kəməri (2007-ci il).

Telekanal dəyəri 40 milyard dollardan çox olan “Cənub Qaz Dəhlizi” miqyaslı layihəsinə, onun bir hissəsi sayılan Trans-Anadolu qaz boru kəmərinin (TANAP) açılış mərasiminə və cədvəl üzrə icrasına başlanılan Trans-Adriatik boru kəməri layihəsinə (TAP) diqqət çəkib.

Süjetdə ötən il “Əsrin müqavilıəsi”nin müddətinin 2050-ci ilədək uzadılmasını xatırladılır (1994-cü il sentyabrın 20-də Bakıda “Xəzər dənizinin Azərbaycan sektorunda “Azəri”, “Çıraq” yataqlarının dərinlikdə yerləşən hissəsinin birgə işlənməsi və hasil olunan neftin pay şəklində bölüşdürülməsi” müqaviləsi imzalanıb).

Telekanal 2017-ci il oktyabrın 30-da açılış mərasimi keçirilmiş Bakı-Tbilisi-Qars dəmir yolu marşrutunu misal gətirərək, beynəlxalq nəqliyyat arteriyaları haqqında danışır.

 “Azərkosmos” ASC-nin açılışı (2010-cu il) və Azərbaycan tərəfindən üç peykin buraxılmasına diqqət yetirilir: 2013-cü ildə orbitə ilk Azərbaycan telekommunikasiya peyki olan “Azerspace-1”, 2014-cü ildə “Azersky”, bu ilin sentyabrında isə daha bir telekommunikasiya peyki olan “Azerspace-2” buraxılıb.

Süjetdə qeyd edilir ki, İlham Əliyevin hakimiyyəti dövründə Azərbaycan Silahlı Qüvvələri planetin 50 ən güclü ordusu sırasına daxil olub.

2016 və 2018-ci illərdə Azərbaycan ordusu Ermənistan tərəfindən cəbhə xəttində növbəti hərbi təxribatla üzləşdi, əks-hücuma keçdi və torpaqlarının bir hissəsini işğaldan azad etdi.

“Haber Global” qeyd edib ki, 15 il ərzində Ermənistan işğalçı kimi tanınıb, beynəlxalq təşkilatlar isə işğal 

Azərbaycanın beynəlxalq nüfuzu artır. Belə ki, 2011-ci ildə Azərbaycan 155 dövlətin dəstəyi ilə BMT Təhlükəsizlik Şurasının qeyri-daimi üzvü seçilib.

Süjetdə qeyd edilib ki, Odlar yurdu göstərilən müddətdə bir sıra beynəlxalq yarışlara ev sahibliyi edib, bunlara misal kimi “Eurovision” (2012-ci il), tarixdə ilk Avropa oyunları (2015-ci il), IV İslam Həmrəyliyi oyunlarını (2017-ci il) göstərmək olar.

2016-cı ildən Bakıda hər il “Formula-1” yarışları təşkil edilir, 2020-ci ildə isə Azərbaycan paytaxtında futbol üzrə Avropa çempionatının oyunları keçiriləcək. 

Telekanal qeyd edib ki, İlham Əliyevin hakimiyyəti dövründə Azərbaycan və Türkiyə qardaşlığı daha da möhkəmlənib.

Süjetdə Azərbaycan prezidentinin həyat yoldaşı, Birinci vitse-prezident Mehriban Əliyevanın ölkənin həyatında aktiv rolundan və İlham Əliyevin övladlarından – qızları Leyla, Arzu və oğlu Heydər Əliyevdən danışılır.

Ölkə.Az

ŞƏRH YAZ
1

BMT-nin parlament dinləmələrində Dağlıq Qarabağ münaqişəsini qaldırılıb

BMT-nin parlament dinləmələrində Dağlıq Qarabağ münaqişəsini qaldırılıb
21:23
Bu gün
377
Siyasət
A
Milli Məclisin deputatları Şahin İsmayılov və Kamran Bayramov Birləşmiş Millətlər Təşkilatının (BMT) və Parlamentlərarası İttifaqın (PAİ) birgə təşkilatçılığı ilə BMT-nin Nyu-York şəhərindəki baş qərargahında “Multilateralizmə qarşı yaranan problemlərə parlamentlərin cavabı” mövzusunda keçirilən illik parlament dinləmələrində iştirak ediblər.

“Ölkə.Az”ın “Report”a istinadən məlumatına görə, dünyanın 60 ölkəsindən 200-dən artıq parlament üzvünün, habelə BMT-nin yüksək vəzifəli şəxslərinin və ekspertlərinin iştirak etdiyi dinləmələrdə multilateralizm qarşısında duran problemlər, onların həlli yolları və bu istiqamətdə milli parlamentlərin rolu sahəsində geniş müzakirələr aparılıb.

Dinləmələr BMT Baş Assambleyasının 73-cü sessiyasının prezidenti Maria Fernanda Espinoza Qarsesin və PAİ-nin prezidenti Qabriela Kuevas Barronun giriş nitqləri ilə başlayıb, tədbirdə xüsusi qonaq qismində iştirak edən BMT-nin baş katibi Antonio Qutereş çıxış edib. Sonra dinləmələr panel müzakirələri ilə davam etdirilib. BMT-nin baş katibi müasir dönəmdə qloballaşan dünyada multilateralizm sisteminin artıq fərqli olduğunu, bu baxımdan BMT-nin və onun ixtisaslaşdırılmış qurumlarının fəaliyyətinin təkmilləşdirilməsinin və bu sahədə əsaslı islahatların həyata keçirilməsinin vacibliyini bildirib.

Tədbirin panel müzakirələri çərçivəsində bir sıra məsələlər, o cümlədən multilateralizmin qlobal və milli ölçülərdə əhəmiyyəti, onun təşviqində parlamentlərin rolu və maliyyələşdirilməsində mövcud olan boşluqlar, BMT-nin münaqişələrin qarşısının alınması, nizama salınması və sülhməramlı fəaliyyətinin səmərəliliyinin artırılması, bununla bağlı təşkilatın Baş Assambleyasının fəaliyyətinin canlandırılması, Təhlükəsizlik Şurasında islahatların həyata keçirilməsi üzrə geniş fikir mübadiləsi aparılıb, çoxsaylı çıxışlar edilib.

Panel müzakirələrində çıxış edən Milli Məclisin deputatları BMT-nin fəaliyyətinin gücləndirilməsi, dünyada nüfuzunun artırılması məqsədilə təşkilatın nizamnaməsində nəzərdə tutulmuş bütün məqsəd və prinsiplərə, xüsusilə də dövlətlərin ərazi bütövlüyü, suverenliyi, beynəlxalq səviyyədə tanınmış sərhədlərinin toxunulmazlığı prinsiplərinə bütün üzv-dövlətlər tərəfindən ciddi əməl olunmasının zəruriliyini vurğulayıb, təşkilatın Təhlükəsizlik Şurasının qətnamələrinin dərhal və qeyd-şərtsiz yerinə yetirilməsi üzrə üzv-dövlətlərin öhdəliklərinin icrasının əhəmiyyətini qeyd ediblər.

Deputatlar həmçinin tədbir iştirakçılarının diqqətini Ermənistan-Azərbaycan Dağlıq Qarabağ münaqişəsinə, Ermənistan tərəfindən torpaqlarımızın işğalına, bir milyon soydaşımızın qaçqın və məcburi köçkün vəziyyətinə düşməsi faktına cəlb edərək, işğal olunmuş Azərbaycan ərazilərindən işğalçı qüvvələrin tam, dərhal və qeyd-şərtsiz çıxarılmasını tələb edən BMT Təhlükəsizlik Şurasının 4 qətnaməsinin 26 ildən artıqdır ki, Ermənistan tərəfındən icra olunmadığını xüsusi vurğulayıblar. Bununla əlaqədar Milli Məclisin deputatları BMT strukturunda həyata keçiriləcək islahatlar çərçivəsində Təhlükəsizlik Şurasının qətnamələrinin icrası mexanizminin təkmilləşdirilməsi, həmin sənədlərin icrasından imtina edən və ya yayınan üzv-dövlətlərə qarşı sərt cəza tədbirlərinin, o cümlədən ciddi sanksiyaların tətbiq edilməsi təklifi ilə çıxış ediblər.

Dinləmələrdə həmçinin BMT-də və üzv-dövlətlərdə gender bərabərliyi, kütləvi informasiya və kommunikasiya vasitələrinin müasir multilateralizm sisteminə təsiri və digər mövzular ətrafında da müzakirələr aparılıb.

Tədbirdə Azərbaycan Respublikasının BMT yanında daimi nümayəndəliyinin əməkdaşları da iştirak edib.

Ölkə.Az

ŞƏRH YAZ
0

Brüsseldə Ümumavropa Qarabağ mitinqi keçiriləcək — VİDEO

Brüsseldə Ümumavropa Qarabağ mitinqi keçiriləcək
16:06
Bu gün
1836
Siyasət
A
Diasporla İş üzrə Dövlət Komitəsi dünya azərbaycanlılarına müraciət edib.

"Ölkə.Az" bildirir ki, müraciətdə deyilir:

“Əziz həmvətənlər, dəyərli soydaşlar!

Azərbaycan xalqı hər zaman ümummilli məsələlərdə birlik və bərabərlik nümayiş etdirib. Xaricdə yaşayan soydaşlarımız Azərbaycanın haqq səsinin dünyaya çatdırılmasında daim fəallıq göstərərək Azərbaycanı narahat edən problemlərə biganə qalmayıblar. 

Hər birimizə məlum olduğu kimi, Xocalı soyqırımının 27-ci ildönümü ərəfəsindəyik. Bununla əlaqədar olaraq, dünyanın müxtəlif ölkələrində fəaliyyət göstərən Azərbaycan diaspor təşkilatlarının təşəbbüsü ilə 23 fevralda, yerli vaxtla saat 14:00-da Avropanın siyasi mərkəzi olan Brüsseldə Ümumavropa Qarabağ mitinqi keçiriləcək.

Mitinq zamanı yüzlərlə soydaşımız “Azərbaycan sülh istəyir!”, “Qarabağa geri qayıtmaq istəyirik!” “Xocalıya ədalət!”, “Dilqəm və Şahbaza azadlıq!” şüarları ilə Avropa Parlamentinə və digər nüfuzlu beynəlxalq təşkilatlara çağırış edəcəklər.

Əziz soydaşlarımız, Sizləri mitinqdə fəal olmağa, haqq səsimizin beynəlxalq aləmə çatdırılmasında aktiv iştirak etməyə çağırırıq. 

Dəyərli həmvətənlərimiz, bu, həm Xocalı soyqırımı qurbanlarının, həm də şəhidlərimizin müqəddəs ruhları qarşısında mənəvi borcumuzdur”.

Ölkə.Az

ŞƏRH YAZ
0
BAĞLA