Türkiyə və Fransa ABŞ sanksiyalarına qarşı birgə mübarizə aparacaq
Türkiyənin xəzinə və maliyyə naziri Berat Albayrak fransalı həmkarı Bruno Le Merlə telefon danışığı keçirib.
"Ölkə.Az" Türkiyə mətbuatına istinadən xəbər verir ki, tərəflər iki ölkə arasında iqtisadi əməkdaşlıq məsələlərini və ABŞ-ın Türkiyəyə qarşı tətbiq etdiyi sanksiyaları müzakirə ediblər.
Nazirlər Amerikanın Türkiyəyə qarşı sanksiyaları ilə birgə mübarizə aparacaqlarına dair razılığa gəliblər.
Söhbət əsnasında Albayrak Fransa prezidenti Emmanuel Makronun və ölkənin maliyyə naziri Bruno Le Merin Türkiyəni dəstəkləyən bəyanatlarına görə təşəkkürünü bildirib.
Nazirlər avqustun 27-də Parisdə görüşəcəklərinə dair razılıq əldə ediblər.
Ölkə.Az
