Türkiyə və NATO əlverişli məqam kompromisinə çatana qədər çəkişmələrə davam edəcəklər — Hərbi ekspert

Türkiyə və NATO əlverişli məqam kompromisinə çatana qədər çəkişmələrə davam edəcəklər
15:12
13.11.2017
2122
Siyasət
A
Türkiyə Rusiyadan S-400 zenit raket kompleksi aldığını rəsmən elan edib.

Türkiyənin müdafiə naziri Nurəddin Canikli bildirib ki, Biz Türkiyənin havadan müdafiə sistemini gücləndirmək üçün “S-400” raketlərini almışıq. Lakin işimiz bununla bitmir. Türkiyə havadan müdafiə sistemini daha da gücləndirmək üçün özü xüsusi təchizat istehsal edəcək. Bu sahədə işlərə başlanılıb.

Bundan əlavə nazir Canikli qeyd edib ki, Türkiyənin Rusiyadan “S-400” kompleksləri alması heç də Ankaranın NATO-dan uzaqlaşmasını və ya Rusiya ilə yaxınlaşmasını təsdiqləmir.

Türkiyənin S-400 zenit raket kompleksini alması və bundan sonra Türkiyə-NATO münasibətləri barədə hərbi ekspert Abuzər Əbilov "Ölkə.Az"a açıqlama verib:

"S-400 zenit raket kompleksi “Triumf” (NATO kodlaşdırmasında SA-21 Growler) əsasən S-300 PMZ orta bə böyük mənzilli zenit raket komplekslərinin əvəzlənməsidir. Əsasında  müasir hava-kosmik hədədflərinin məhf edilməsi durur. Qərb analitiklərinin gəldiyi qənaətə görə S-400, İskəndər OTRK və “Bastion” sahil gəmi əleyhinə raket kompleksləri ilə birlikdə çox böyük bir ərazini düşmənin həmləsindən qoruyar və hətta ona hiss olunan zərbəni də vura bilər. 2007 ci ildə istehsala qəbul olunmuş bu tip orta və uzaq mənzilli ZRK-lər Rusiya istehsalı olaraq “Almaz” Elmi İtehsalat birliyində hazırlanmışdır. S-400 kompleksi 600 km uzaqlıqda olan aerodinamik və 60 km uzaqlıqda olan taktiki ballistik başlıq hədəflərini məhf edə bilir. Kompleksə daxil edilmiş ilkin təyinetmə radarları 600 km uzaqlıqda olan hədəfləri müəyyən edə bilir. Bir neçə tip raketin istifadə edilə bilməsi, bu kompleks tərəfindən eşolonlaşdırılmış müdafiənin təmininda çox lazımlı bir amildir".

Türkiyənin S-400 zenit raket kompleksini Rusiyadan alması NATO ilə münasibətlərinə necə təsir edəcəyinə gəldikdə isə hərbi eksper bildirib ki, bu NATO Türkiyə münasibətlərini bir qədər də gərginləşdirə bilər:
 
"Gəlin biraz dərin baxaq. Yaxın günlərdə qocaman senatorlardan biri Ben Kardin prezident Donald Trampa məktub göndərərək Türkiyənin Rusiyadan S-400 kompleksləri alması fonunda Türkiyəyə sanksiyalar tədbiq etməyi təklif etmişdi. Amma bu addım onsuzda son zamanlar Türkitə-ABŞ, Türkiyə -NATO əlaqələrində həssas anlama gəlmiş gündəmi biraz da ağırlaşdıracağını yəqin ki, senator Ben Kardin düşünməyib. Bu kimi cəhdlər ABŞ hərbi bazalarını Türkiyədən başqa ölkələrə köçürülməsini gündəmə gətirib çıxarda bilər. Çünki senatorun məktubundakı “Türkiyənin ABŞ-la müttəfiq olması məsələsinə yenidən baxılmalıdır” frazası, Türkiyənin özünün də bu dövlətə olan inamının bir daha azalmasına gətirib çıxaracaq.

Sentyabr ayında ABŞ Türkiyənin  keçmiş iqtisadiyyat naziri Məhmət Zəfər Çağlayana qarşı açdığı iddialarda, onun İranla qadağan olunmuş iş birliyinin olmasını iddia edirdi. Bu iddialarda keçmiş nazirin İrana qoyulmuş sanksiyalara məhəl qoymadan, bu ölkə ilə iş birliyindən bəhs edilir. Ankara da öz növbəsində bu kimi təhdidlərdən geri çəkilmir, hətta Vaşinqtonla yüksək tonda danışmağa üstünlük verməyə başlayıb. Öz növbəsində prezident Rəcəb Tayib Ərdoğan öz dövlətinin müdafiə sənayesinin və pilotsuz uçuş texnologiyalarının inkişafını yüksək dəyərləndirərək, buna Vaşinqtondan bu kimi texnoıogiyaları ala bilmədikləri üçün məcbur olduqlarını bəyan etdi. Çağlayan haqqında qaldırılmış iddiaların Türkiyə dövlətinə qarşı hərəkət olduğunu dilə gətirdi. Ərdoğan açıq olaraq  “NATO  bizim Rusiyadan S-400 kompleksləri almamızdan acıqlanır. Bəs biz nə etməliyik? Sizimi gözləməliyik? Biz öz təhlükəsizliyimiz barədə özümüz düşünürük” dedi.

Tarixi baxımdan Türkiyə NATO ilə sıx bağlıdır. Ərdoğan əsasən Trampın seçilməsi zamanı ona böyük ümidlərlə baxırdı. Arzulanırdı ki, məhz Trampın və onun təhlükəsizlik üzrə köməkçisi general Mayk Flinn tərəfindən Türkiyə ordusunun müasirləşdirilməsinə daha çox diqqət ayrılacaq, Suriya müharibəsində Türkiyə üçün format dəyişdiriləcək və kürdlərin dəstəklənməsinə son qoyulacaq. Lakin bu baş vermədi. Flinn öz vəzifəsini Ağ evdə itirdi, ABŞ və NATO-nun hərbi yardımları ilə kürdlər Rakka şəhərini ələ keçirdilər. Bundan əlavə NATO hərbi nəqliyyat təyyarələrinin havadan mütəmadi olaraq kürdlərə hərbi ləvazimatlar və silah atması Ərdoğanı hövsələdən çıxartdı və bu qarşıdurmanın pik nöqtəsində ABŞ və NATO-nun heç gözləmədiyi halda Rusiya ilə sıx yaxınlaşaraq S-400 komplekslərinin alınacağını bəyan etdi. Çevrilişə cəhddən sonra artıq söz sahibi olmayan Türkiyə generalları da bu hərəkətlə sözsüz razılaşmalı oldular.

Hərcənd çox zaman Ərdoğan ABŞ və NATO-haqqında sərt danışmasına baxmayaraq, yaxında Türkiyənin NATO blokundan xaric olunması ilə rastlaşılacağı fikiri sadəlövhlükdür. Çünki Ərdoğanın bununla bağlı qəti fikiri yoxdur. S-400-lərin alınması isə ABŞ və NATO-nu bir növ fakt qarşısında qoyaraq,"ya siz kürdlərlə, ya da bizimlə olmalısınız. Seçim sizindir". İnandırıcı deyil ki, NATO daxilində böyük güc və özünün hər zaman irəli addımlaya bilən hərbi sənayesi olan Türkiyəni əldən buraxsın. Tərəflər hər biri üçün əlverişli məqam kompromisinə çatana qədər çəkişmələrə davam edəcəklər və heç biri iri addım atmayacaqdır".

Səxavət Məmməd
Ölkə.Az

ŞƏRH YAZ
1

Fransa XİN:""Dağlıq Qarabağ Respublikası"nı tanımırıq"

Fransa XİN:
09:12
Bu gün
723
Siyasət
A
Fransa dövləti Sent-Etyen şəhər bələdiyyəsi ilə qondarma “Dağlıq Qarabağ Respublikası”ndakı erməni separatçıları arasında imzalanan “Dostluq xartiyası”nı qəbul etmir.

"Ölkə.Az"  Report-a istinadən  xəbər verir ki,  bu barədə Fransa Xarici İşlər Nazirliyindən (XİN) bildirilib.

“Fransa dövlətinin bu məsələdə mövqeyi aydındır. Fransa “Dağlıq Qarabağ Respublikası”nı tanımır və Sent-Etyen şəhəri ilə "DQR" arasında imzalanan “Dostluq Xartiyasını”-nı qəbul etmir, - deyə XİN-dən əlavə olunub. 

ŞƏRH YAZ
0

“Hər il ölkədə 100 mindən çox uşaq doğulur, bu, bizim sərvətimizdir” — İlham Əliyev

“Hər il ölkədə 100 mindən çox uşaq doğulur, bu, bizim sərvətimizdir”
21:30
22.10.2018
2946
Siyasət
A
"Biz kənd təsərrüfatının inkişafına nail oluruq".

"Ölkə.Az"ın məlumatına görə, bunu Azərbaycan Respublikasının Prezidenti İlham Əliyev oktyabrın 22-də İmişli rayonunda Araz çayının yeni qol-kanalının açılış mərasimində çıxışı zamanı bildirib.

Dövlət başçısı deyib ki, meliorasiya ilə bağlı bir çox önəmli layihələr icra edilib: "Mən onların arasında dörd böyük su anbarını xüsusilə qeyd etmək istəyirəm. Onların sututumu 450 milyon kubmetrə bərabərdir. Əlbəttə ki, onların arasında “Taxtakörpü” və “Şəmkirçay” su anbarları xüsusi yer tutur. Yeni kanalların, beton su kanallarının çəkilişi ölkəmizdə geniş vüsət alıb və bu gün açılışına toplaşdığımız layihə onlardan biridir. Gələcək planlarımızda da meliorativ tədbirlərin görülməsi xüsusi yer tutur. Növbəti illərin Dövlət İnvestisiya proqramlarında da bu layihələr öz əksini tapacaq. Xüsusilə, gələn ilin əvvəlində qəbul ediləcək regionların sosial-iqtisadi inkişafı üzrə dördüncü Dövlət Proqramında meliorasiya tədbirlərinə xüsusi yer ayrılacaq. Əvvəlki illərdə də bu sahəyə böyük diqqət göstərmişik və qeyd etdiyim layihələr bunun əyani sübutudur. Növbəti illərdə daha böyük diqqət göstəriləcək. Çünki bu, ilk növbədə, ölkə iqtisadiyyatının şaxələndirilməsinə xidmət edir. Digər tərəfdən, başqa infrastruktur layihələrinin icrası demək olar ki, başa çatır. Biz əlbəttə ki, növbəti illərdə də yolların çəkilişi, qazlaşdırma, içməli su layihələrinin icrası ilə məşğul olacağıq. Ancaq meliorativ tədbirlərin həyata keçirilməsi, hesab edirəm ki, əsas prioritet məsələ olacaqdır".

"Biz son illərdə görülən işlərin əyani nəticələrini görürük. Çünki həm keçən il, həm də bu il 100 min hektar torpağa su gətirilib. Bu, dərhal özünü iqtisadiyyatın və kənd təsərrüfatının inkişafında göstərir. Keçən il biz 100 min hektar torpağa su gətirmişik. Mənə verilən məlumata görə, bu il 101 min hektar torpağa suyun verilməsi təmin edilir. Bunun 53 min hektarı, bax, Araz çayının yeni qolunun çəkilişi nəticəsində mümkün olacaq. Əlbəttə ki, bu, kənd təsərrüfatının inkişafına daha da böyük təkan verəcək. Hesab edirəm ki, builki göstəricilər də qənaətbəxşdir. Kənd təsərrüfatı doqquz ayda 4,3 faiz artıb, görülən və görüləcək tədbirlər nəticəsində daha da artacaq. Biz suvarma layihələrinin icrası ilə əkin sahələrimizi genişləndiririk və bu istiqamətdə əlavə tədbirlər görüləcək. Eyni zamanda, su olan yerdə məhsuldarlıq da artır. Biz bu artan məhsuldarlığı görürük. Xüsusilə, biz bunu iri fermer təsərrüfatlarının fəaliyyətində görürük. Taxılçılıq üzrə iri fermer təsərrüfatlarında məhsuldarlıq təqribən 50 sentnerə yaxındır, ya da ki, ondan çoxdur. Ona görə, həm meliorativ tədbirlər, həm kənd təsərrüfatı sahəsində aparılan çox ciddi islahatlar, elmi yanaşma, torpaqlardan düzgün analizin aparılması və fermerlərə buna uyğun olaraq tövsiyələrin verilməsi, subsidiyalarda şəffaflığın təmin edilməsi, kənd təsərrüfatı texnikasının dövlət xətti ilə ölkəmizə gətirilməsi, - qeyd etməliyəm ki, bu il 5 mindən çox, keçən il 9 mindən artıq texnika aqrolizinq xətti ilə gətirilib fermerlərə verilmişdir, - gübrələrin, yanacağın güzəştli şərtlərlə fermerlərə verilməsi, fermerlərin vergilərdən tamamilə azad olunması, - torpaq vergisi istisna olmaqla, - bütün bu tədbirlər və üstəgəl sahibkarlığın inkişafına təkan verən tədbirlər, güzəştli şərtlərlə 2 milyard manatdan çox kreditlərin verilməsi və eyni zamanda, kompleks tədbirlər nəticəsində biz kənd təsərrüfatının inkişafına nail oluruq. Mən tam əminliklə deyə bilərəm ki, növbəti illərdə bu sahədə daha da böyük irəliləyiş, uğurlar olacaqdır. Çünki əvvəlki illərdə də bu sahə inkişaf edib, ancaq hazırda ən müasir texnologiyalar, elmi yanaşma əsasında, düzgün təhlil və infrastruktur layihələrinin icrası nəticəsində biz kənd təsərrüfatını inkişaf etdirəcəyik. Bu, bizim iqtisadi gücümüzü artıracaq, qeyri-neft sektorumuzu gücləndirəcək, eyni zamanda, məşğulluğu da artıracaqdır. Çünki hazırda Azərbaycanda işsizliyin səviyyəsi 5 faizdir. Ancaq nəzərə almalıyıq ki, hər il ölkə əhalisi 100 min nəfərdən çox artır, hər il 100 mindən çox uşaq doğulur. Bu da bizim böyük sərvətimizdir, üstünlüyümüzdür. Ancaq bizim iqtisadi inkişafımız, xüsusilə iş yerlərinin yaradılması bu inkişafa uyğun şəkildə təmin edilməlidir. Ona görə, məşğulluğun artırılması daim gündəlikdə duran məsələdir", - Prezident İlham Əliyev vurğulayıb.

Ölkə.Az

ŞƏRH YAZ
0
BAĞLA