Türkiyə və İran sövdələşməsindən Azərbaycan nə qazana bilər? — VACİB AÇIQLAMALAR

Türkiyə və İran sövdələşməsindən Azərbaycan nə qazana bilər?
21:45
04.10.2017
733
Analitika
A
Azərbaycanlı mütəxəssislər düşünürlər ki, bu anlaşma həm siyasi, həm də iqtisadi baxımdan region üçün çox önəmlidir.

Türkiyə prezidenti İranda rəsmi səfərdədir.

“Ölkə.Az” xəbər verir ki, Ərdoğan iranlı həmkarı ilə qarşılıqlı ticarət müqaviləsini imzalayıb. Müqaviləyə əsasən iki ölkə arasında ticarət milli valyuta əsasında aparılacaq. Bundan başqa iki dövlət arasında gömrük mövzusunda bəzi çətinlikləri həll etmək üçün 3 gömrük qapısı 24 saat xidmət edəcək.

İki ölkə arasında investisiyaları asanlaşdırmaq üçün İran tərəfi türk səhmdarlara lazım olan şəraiti yaradacaq. Türkiyə tərəfi İrandan daha çox təbii qaz almaq istədiyini bildirib.

Azərbaycanlı mütəxəssislər düşünürlər ki, bu anlaşma həm siyasi, həm də iqtisadi baxımdan region üçün çox önəmlidir. Bu razılaşmanın həm də Azərbaycan üçün də böyük əhəmiyyəti var. Politoloq Elxan Şahinoğlu “Ölkə.Az”a açıqlamasında bildirib ki, Türkiyə və İranın ticarət razılaşması siyasi baxımdan önəmlidir.

“Hər iki dövlət separatçılığın əleyhinə çıxış edir. Azərbaycan da separatçılığın hədəfinə çevrilən ölkələrdəndir. Yəni əgər hər iki dövlət separatçılığı pisləyib, Şimali İraqa qarşı çıxırlarsa, bu siyasəti Dağlıq Qarabağ məsələsində də ortaya qoymalıdırlar. Bundan başqa, Türkiyə Azərbaycanın strateji müttəfiqidir. İranın da sözdə Azərbaycan ərazi bütövlüyünü dəstəkləmələrilə bağlı açıqlamaları var. Kürdüstan məsələsindən sonra İranın Azərbaycana dəstəyi daha da artmalıdır. Bu baxımdan əlbəttə ki, İranın Türkiyə ilə təmaslarının yaxşılaşması müsbət haldır. Digər tərəfdən də, Azərbaycan, İran, Türkiyə formatı var. Bu format təcrübəsində də Türkiyənin İranla əlaqələrinin genişlənməsi Azərbaycan üçün də xeyirlidir. Çünki Azərbaycan da bu halqada üçüncü oyunçudur”, - deyə E. Şahinoğlu bildirib. 

Millət vəkili, iqtisadçı ekspert Vahid Əhmədov da “Ölkə.Az”a açıqlamasında bildirib ki, Türkiyə və İran arasında ticarət razılaşması böyük əhəmiyyət kəsb edir.

“Bu həm region və həm də Azərbaycan üçün müsbət haldır. Çünki hər iki ölkə İslam dövlətidir və həm də, bizim yaxın qonşumuzdur. Bu baxımdan həmin dövlətlər arasında iqtisadi əlaqələrin genişlənməsi və ticarətin inkişafı bizim üçün də yaxşı haldır. Azərbaycan da bu razılaşmadan bəhrələnə bilər. Azərbaycanın həm İran, həm də Türkiyə ilə yüksək səviyyədə iqtisadi münasibətləri var”, - deyə V. Əhmədov bildirib.

Ziya Səccad
Ölkə.Az

ŞƏRH YAZ
0

Polisin bu səlahiyyəti “ASAN Xidmət”ə verilə bilər

Polisin bu səlahiyyəti “ASAN Xidmət”ə verilə bilər
12:45
02.07.2018
4717
Analitika
A
Azərbaycan Sığortaçılar Assosiasiyası (ASA) İctimai Birliyinin təşəbbüsü ilə qurumun, Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) və İcbari Sığorta Bürosunun (İSB) üçtərəfli görüşü keçirilib.

"Ölkə.Az"ın “Report”a istinadən məlumatına görə, görüşdə ASA-nın sədri Mustafa Abbasbəyli, “ASAN Xidmət” sədrinin müşaviri, Elektron Hökümət və Rəqəmsal İnnovasiyalar şöbəsinin müdiri Ceyhun Salmanov və İSB-nin icraçı direktoru Rəşad Əhmədov iştirak ediblər.

Tərəflər əsasən avtonəqliyyat hadisələri zamanı yol polisinin verdiyi 4 saylı arayışın “ASAN Xidmət”də verilməsini müzakirə edib. ASA-nın sədri bildirib ki, yol-nəqliyyat hadisəsi zamanı 4 saylı arayışın verilməsinin gecikdirilməsi, bilavasitə, sığorta ödənişlərinin gecikməsinə səbəb olur. Bu isə sığortalıların sığortaya və sığorta şirkətlərinə olan inam və etimadın zəifləməsinə gətirib çıxarır. Məsələnin sosial əhəmiyyətliliyini vurğulayan M.Abbasbəyli 4 saylı arayışın "ASAN Xidmət"də təqdim edilməsi sığorta hadisələri hesab olunan hallar üzrə operativ qaydada sığorta ödənişlərinin verilməsi ilə nəticələnəcəyini və bununla da, sığorta bazarından məmnun müştərilərin sayını artıracağını qeyd edib. Bu məsələdə İSB-nın mövcud elektron sistem infrastrukturunun faydalı olacağı diqqətə çatdırılıb.

Bununla yanaşı, səfər sığortasının "Asan Visa" vasitəsilə elektron qaydada təmin edilməsi təklif edilib. Ölkəyə səfər sığortası olmadan səyahət edən və ölkədən gedən şəxslərin bu yolla səfər sığortasını asanlıqla əldə edə biləcəyi qeyd edilib. Eyni qaydada, səfər sığortasının səyahətdə olan şəxslərin gözlənilməz hadisələr zamanı onları kompensasiya etməsi, hətta ölüm hallarında belə repatriasiya xərclərini qarşılaması baxımından sosial yönümlü bir məhsul olduğunu nəzərə alınaraq, bu addımın ictimaiyyət üçün təşviqedici xarakter daşıdığı bildirilib.

Görüşün yekununda təklif edilən məsələlər üzrə İşçi qrupunun yaradılması və bu sahədə işlərin görülməsi nəzərdən keçirilib. 

ŞƏRH YAZ
0

“Ya pul verin, ya da hərbi bazalarınızı yığışdırın” — Yerevan Rusiyaya eyham vurur

“Ya pul verin, ya da hərbi bazalarınızı yığışdırın”
22:04
19.06.2018
7833
Analitika
A
Politoloq Stepan Qriqoryana inansaq, Ermənistan Gümrüdə Rusiya hərbi bazasının yerləşdiyi torpaq sahəsinə görə icarə haqqını artırmağa hazırlaşır.

"Ölkə.Az" Virtualaz.org-a istinadən xəbər verir ki, Qriqoryan baş nazir Nikol Paşinyanın həyat yoldaşının baş redaktoru olduğu “Haykakan jamanak” qəzetində dərc etdirdiyi və Ermənistan-Rusiya münasibətlərinə həsr olunmuş məqaləsində hesab edir ki, Rusiya hərbi bazaları üçün təmənnasız və müddətsiz torpaq sahəsi ayrılması ədalətsiz və misli görünməmiş hadisədir. O qeyd edir ki, hətta Rusiyaya heç də az “sadiq” olmayan Belarus, Tacikistan və Qırğızıstan da öz ərazilərində Rusiya hərbi bazalarının yerləşdirilməsinin müqabilində xeyli məbləğdə pul alırlar.

Metsamor AES-in Rusiyanın ixtiyarına verilməsi, bir sıra iri sənaye obyektlərinin və az qala ölkənin bütün energetika sisteminin Rusiyaya “hədiyyə” edilməsi ona gətirib çıxarıb ki, Ermənistan regionda bütün əsas “kozır”larını həmişəlik itirib. Eyni zamanda, Ermənistanda mövqelərini xeyli möhkəmləndirdikdən sonra Rusiya atom yanacağının qiymətlərini kəskin qaldırıb və atom-elektrik stansiyasının bağlanmasından əldə edə biləcəyi bütün üstünlüklərdən istifadə etməyə çalışır.

“Rusiya AES-in bağlanmasına kompensasiya olaraq Aİ-nin Ermənistana təqdim etməyə hazır olduğu maliyyə dəstəyini əlinə keçirməyə hazırlaşır. Müxtəlif dəyərləndirmələrə görə, bu yardım 500 milyon dollar təşkil edə bilər. Bundan sonra, faktiki olaraq, Türkiyənin Metsamor AES-in bağlanması tələbini yerinə yetirdikdən sonra Moskva Ankaradan Rusiya-Türkiyə münasibətlərinin digər sahələrində bir sıra güzəştlərə nail olacaq”, - politoloq bildirir.

Müəllifin əlində olan məlumatlara əsasən, Rusiya erməni maraqlarını hesaba almayaraq, Qarabağ münaqişəsinin tənzimlənməsi məsələsində Azərbaycana kifayət qədər güzəştə getməyə hazırdır. Bir şərtlə ki, Azərbaycan da Moskvaya güzəştə getsin.

“Rusiyanın niyyətləri özünü keçmiş SSRİ ərazisində mövcud olan “tanınmamış dövlətlər”ə münasibətinin analizində də görünür. RF-nin konsulluq xidmətləri Dnestryanının, Abxaziyanın və Cənubi Osetiyanın sakinlərinə tamamilə sərbəst şəkildə Rusiya vətəndaşlıq pasportları paylayır. Bu ərazilərin liderləri Moskvada dövlət səviyyəsində qəbul edilirlər. Bunu Rusiya tərəfindən açıq dəstəkdən məhrum olunmuş Dağlıq Qarabağ Respublikasının rəhbərliyi barədə demək mümkün deyil. Eyni zamanda, Ermənistan hakimiyyəti Rusiyanı özünün yeganə strateji tərəfdaşı hesab etməkdə davam edir”, - C.Qriqoryan hiddətini bildirir.

Ölkə.Az

ŞƏRH YAZ
0
BAĞLA