“Türkiyə və Rusiya arasında viza rejimi aradan qaldırılmalıdır” — Ərdoğan

“Türkiyə və Rusiya arasında viza rejimi aradan qaldırılmalıdır”
00:14
14.11.2017
748
Dünya
A
“Türkiyə ilə Rusiya əlaqələrini daha da möhkəmlətməlidir. Bunun üçün iki ölkə arasında viza rejimi aradan qaldırılmalıdır”.

“Ölkə.Az” xəbər verir ki, bu barədə Türkiyə prezidenti Rəcəb Tayyib Ərdoğan rusiyalı həmkarı Vladimir Putin ilə Soçidə keçirilən görüşdan sonra keçirilən mətbuat konfransında çıxışı zamanı deyib. Onun sözlərinə görə, viza rejiminin ləğvi iki ölkənin bütün sahələrində, əsasən də ticarətdə böyük uğurlara səbəb olacaq.

“Türkiyə və Rusiya arasında münasibətlərin bu qədər yüksək səviyyəyə qalxmasından məmnunluq duyuruq. Bu il ərzində Putinlə 6-cı görüşmümüzü gerçəkləşdirdik. Biz o fikirdəyik ki, ölkələr və xalqlar bütün istiqamətlərdə əməkdaşlığı daha da dərinləşdirməli və daha sıx əməkdaşlıq etməlidirlər. Siyasi dialoqlarımızla paralel iqtisadi məsələlər də müzakirə olundu. Aradan keçən vaxt ərzində ticarət sahəsində yaranmış problmelər həll edildi. Pomidor, nar, badımcan və s. kimi kənd təsərrüfat məhsulları problemsiz Rusiya bazarına daxil oldu”, - deyə Ərdoğan bildirib.

Qeyd edək ki, Soçidə Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında görüş başa çatıb. İki ölkə rəhbəri arasında danışıqlar 4 saatdan çox davam edib. 

Xatırladaq ki, Soçidə Rusiya prezidenti Vladimir Putinlə Türkiyə prezidenti Rəcəb Tayyib Ərdoğan arasında kiçik tərkibdə görüş keçirilib. Bu Ərdoğanla Putinin 2017-ci ildə 6-cı görüşüdür. Bu il ərzində iki ölkə rəhbəri 13 dəfə telefonla danışıblar.

Ziya Səccad
Ölkə.Az

ŞƏRH YAZ
0

Türkiyə ordusu: "Afrində 300 terrorçu məhv edilib"

Türkiyə ordusu:
11:38
Bu gün
286
Dünya
A
Türkiyə ordu baş qərargahı "Zeytin Dalı" əməliyyatı ilə bağlı yeni açıqlama verib.

"Ölkə.Az" xəbər verir ki, açıqlamaya əsasən, 20 yanvar tarixindən başlayan əməliyyat çərçivəsində ən azı 260 terrorçu məhv edilib. Bununla yanaşı türk ordusu da şəhid verib.

Ordu qərargahının açıqlamasında deyilir: "Əməliyyat çərçivəsində 23 yanvar tarixində terrorçularla toqquşma zamanı bir əskərimiz şəhid olub, digəri isə yaralanıb. Bu günə qədər ən azı 260 terrorçu məhv edilib. Əməliyyat davam edir".

Hikmət Həsənov
Ölkə.Az

ŞƏRH YAZ
0

Liviyada terror aktı — 33 ölü

Liviyada terror aktı
09:45
Bu gün
276
Dünya
A
Liviyanın Benqazi şəhərində dalbadal terror aktı törədilib.

"Ölkə.Az" xəbər verir ki, insident nəticəsində 33 nəfər həlak olub, 70 nəfər xəsarət alıb.

Əvvəlcə 28 nəfərin öldüyü barədə xəbər yayılmışdı. Amma  xəstəxanaya yerləşdirilən yaralılardan 5 nəfər də keçindiyi üçün ölü sayı artıb. Həlak olanlar arasında polis əməkdaşları və mülki vətəndaşlar da var.

Qeyd edilir ki, xəsarət alanların çoxunun vəziyyəti ağırdır. Liviya əks-kəşfiyyatının direktoru Mahdi Falah da terror aktı nəticəsində xəsarət alıb.

Qeyd edək ki, terror aktı dünən törədilib. Benqazi şəhərində qeydiyyat idarəsi və məscid yaxınlığında avtomobilə quraşdırılmış bomba işə düşüb. Hadisə yerinə polis, təcili tibbi yardım gələndə ikinci avtomobil də partlayıb.

Hikmət Həsənov
Ölkə.Az

ŞƏRH YAZ
0
BAĞLA