Türkiyədə 11 min illik məbəd tapıldı
Mardin vilayətinin Darkeçid rayonunda 11 min 300 il əvvəlinə aid məbəd tapılıb.
“Ölkə.Az” TRT-yə istinadən xəbər verir ki, Mardin Muzey Müdirliyi tərəfindən 2012-ci ildə başlanan arxeoloji qazıntı davam edir.
Yeni aşkarlanan məbəd neolit dövrünə aid edilir. Orada 4 qəbir daşı yer alır. 80 metr uzunluğundakı məbəd Şablıurfadakı Göbəklitəpə ilə oxşar xüsusiyyətlərə malikdir.
Qeyd edək ki, Darkeçid rayonu tarix boyunca Şumer, Akkad, Babil, Xet, Assuriya, Urartu, Roma, Abbasi, Səlcuq və Osmanlı sivilizasiyalarının da yer aldığı ümumilikdə 25 mədəniyyətə ev sahibliyi edib.
Ölkə.Az
