Türkiyədə batan gəminin azərbaycanlı kapitanının meyiti tapıldı

Türkiyədə batan gəminin azərbaycanlı kapitanının meyiti tapıldı
13:25
20.01.2019
5176
Dünya
A
Qara dənizdə “Volgabalt 214” gəmisinin qəzaya uğraması nəticəsində itkin düşmüş Azərbaycan vətəndaşı, gəmi kapitanı Turbat Kamil oğlu İsmayılovun meyiti tapılıb.

Bu barədə “Ölkə.Az”a Dövlət Dəniz Agentliyinin mətbuat xidmətindən məlumat verilib.

Bildirilir ki, Vanuatu bayrağı altında üzən “NURS” quru yük gəmisi Rusiya Federasiyasının Tuapse limanından 48 mil qərbə “Volqo Balt 214” gəmisinə aid içərisində bir cəsəd olan xilasedici qayıq aşkar edib.

Hava şəraiti əlverişli olmadığından cəsədi qayıqdan götürmək və qayığı sudan qaldırmaq mümkün olmayıb. “NURS” quru yük gəmisi qayığı yedəyə götürərək Rusiyanın Novorosiysk limanına istiqamət alıb.

Limana çatan quru yük gəmisindən götürülən cəsədin şəxsiyyətinin müəyyən edilməsi prosesi həyata keçirilir.

Cəsədin Azərbaycan vətəndaşı – gəmi kapitanı İsmayılov Turbat Kamil oğluna məxsus olduğu qeyd edilir.

Xatırladaq ki, “Volgabalt 214” gəmisi yanvarın 7-də Qara dənizdə batıb.

Gəmidə 13 nəfər heyət üzvü olub. Onlardan on biri Ukrayna, ikisi Azərbaycan vətəndaşı olub.

Qəza nəticəsində altı nəfər, o cümlədən, Azərbaycan vətəndaşları İbrahimov Məmmədəli Surxay oğlu və İsmayılov Türbət Kamil oğlu həyatını itirib.

Ölkə.Az

ŞƏRH YAZ
0

"YouTube"-da təlim videolarını izlədi, almaz TAPDI

12:45
Bu gün
326
Dünya
A
Amerikanın Arkanzas ştatında "Almaz krater" parkına gələn şəxs 3,72 karat ağırlığında almaz tapıb.

"Ölkə.Az" Rusiya mətbuatının verdiyi məlumata istinadən  xəbər verir ki, 27 yaşlı Miranda Hollinqsed dörd il əvvəl Payk rayonunda yerləşən məşhur park haqqında öyrənib və cümə günü, 16 Avqustda ailəsi ilə birlikdə parkı ziyarət etmək qərarına gəlib.

Texas əsilli qadın kölgədə oturduğunu və "YouTube"-da qızıl axtarışına dair təlimat videolarına baxdığını xatırlayıb.

"Mən bir saniyə uşaqlara yayındım, sonra baxışlarımı aşağıya yönəltim və onu bir topa yığılmış daşın arasında gördüm", — deyə o bildirib.

Qadın almazı park əməkdaşlarının tapıntı üzrə qeydə alma xüsusi mərkəzinə aparıb. Onlar belə qərara gəlib ki, almaz yalnız yağış sayəsində torpağın üst səthində çıxa bilər.

Ənənəyə görə amerikalı qadın oğlu ilə birlikdə qiymətli daşa Caro Avenger (Karo Qisasçı) adını verib. O, qeyd edib ki, daşa verilən adın ilk hissəsini onun uşağı fikirləşib və ikinci hissəsini isə, super qəhrəmanlara olan sevgisini ifadə edib. İndi Hollinsed tapdığı almazı satmaq və ya bir üzük düzəltdirmək haqqında qərar verməyə tələsmir.

 Müşfiq Məmmədov
 Ölkə.Az

ŞƏRH YAZ
0

Yəmən ABŞ-a məxsus PUA-nı vurdu

Yəmən ABŞ-a məxsus PUA-nı vurdu
00:42
Bu gün
3833
Dünya
A
Yәmәn döyüşçüləri Zemar şәhәrindә ABŞ-a məxsus “MQ9” tipli pilotsuz uçan aparatı (PUA) vurublar.

“Ölkə.Az” TRT-yə istinadən xəbər verir ki, PUA-nın Yәmәndә istehsal edilәn vә yaxın zamanda ictimaiyyәtә tәqdim olunacaq bir raketlә vurulduğu açıqlanıb.

Husilәrin hәrbi mәsәlәlәr üzrә sözçüsü Yahya Seri Sәudiyyә Әrәbistanı rәhbәrliyindәki koalisiya qüvvәlәrinә müraciәt edәrәk Yәmәn hava mәkanının әvvәldәn olduğu kimi poza bilmәyәcәklәrini vә bu addımı atmadan әvvәl düşünmәlәrinin vacibliyini vurğulayıb.

“Düşmәn qüvvәlәri”nin tәyyarәlәrini mәhv edә bilәcәk gücә malik olduqlarını bildirәn Seri növbəti günlәrdә ciddi sürprizlәrin yaşanacağını açıqlayıb.

Qeyd edək ki, S.Ərəbistanı rəhbərliyindəki koalisiya qüvvələri 5 ildir Yəmənə hücumlar təşkil edir. Toqquşmalar nәticәsindә minlərlə insan həyatını itirib.

Ölkə.Az

ŞƏRH YAZ
0
BAĞLA