Türkiyədə dəhşətli görüntülər
Türkiyənin Muğla vilayətində dəhşətli görüntülər meydana gəlib.
"Ölkə.Az" xəbər verir ki, küçədə yüksək sürətlə hərəkət edən avtomobilin arxasına iti bağlayıblar. Maşın sürətlə hərəkət etdikcə it yolda çala-çuxura çırpılaraq yaralanıb.
Yoldan ötən insanlar avtomobili saxlayıblar. İnsanlar maşının sürücüsünü əməlindən daşındırmaq istəsələr də buna nail ola bilməyiblər. Bu zaman əraziyə polis çağrılıb.
Polis itin sahibini bölməyə aparıb. Onun ifadəsi alınıb və məhkəməyə aparılıb. Məhkəmənin qərarı ilə həmin şəxsə pul cəzası kəsilib.
Yaralı it isə veterinara aparılıb. Onun yaralarına dərman vurulub.
Hadisə yoldan ötən insanlar tərəfindən telefon vasitəsilə çəkilib. Görüntülər sosial şəbəkələrdə paylaşılıb. İnsanlar kütləvi şəkildə itə əzab verən şəxsi pisləyiblər.
Ziya Səccad
Ölkə.Az
