Türkiyədə deputata hücum: Millət vəkilinin qardaşı öldü

"Ölkə.Az" xəbər verir ki, hadisə nəticəsində yaralanan 13 nəfərdən 4-ü yerləşdirildiyi xəstəxanada həyatını itirib. 

Türkiyə prezidenti Rəcəb Tayyib Ərdoğan da məsələyə münasibət bildirib: "PKK-HDP terror təşkilatı millət vəkilimizin qardaşını öldürdü, ailədən bir neçə nəfəri isə yaraladı. Ancaq millətimizin hüzurunu qaçırmağa heç kimin haqqı yoxdur". 

***

Türkiyənin hakim Ədalət və İnkişaf Partiyasının (AKP) deputatı İbrahim Halil Yıldız və onunla birlikdə seçki kampaniyası aparan partiya üzvlərinə hücum olub.

“Ölkə.Az” xəbər verir ki, bu barədə Türkiyə mətbuatı məlumat yayıb. Bildirilir ki, hadisə Şanlıurfada baş verib. Naməlum şəxslər hücum zamanı odlu silah, bıçaq və dəyənəkdən istifadə edib.

İnsident nəticəsində 3 nəfər ölüb, 8 nəfər yaralanıb. Ölənlərdən biri, yaralananlardan dördü isə Halil Yıldızın qardaşıdır.

Ölkə.Az