Türkiyədə hərbçilərin zəhərlənməsilə bağlı vacib qərar

“Ölkə.Az" xəbər verir ki, istintaq zamanı Manisada Piyada Təhsil Briqada Komandirliyinin əsgərlərinin zəhərlənməsində 6 hərbçi günahkar bilinib.

Məhkəmə bu işdə şübhəli bilinən 6 hərbçinin həbs edilməsilə bağlı qərar çıxarıb. Məhkəmənin qərarı ilə həbs edilən hərbçilər arasında zabitlər də var.

Bu qərardan sonra Türkiyədə əsgərlərin zəhərlənməsilə əlaqəli həbs edilən hərbçilərin sayı 40 nəfər olub.

Qeyd edək ki, artıq neçənci dəfədir ki, Türkiyədə əsgərlərin zəhərlənmə halları baş verir. İyunun 12-də analoji hadisə Diyarbəkir əyalətində qeydə alınmışdı. Diyarbəkir əyalətinin 7-ci korpusuna bağlı nəzarət məntəqəsində 25 əsgər qida zəhərlənməsi dioqnozu ilə xəstəxanaya yerləşdirilmişdi.

İyunun 17-də də Manisada Piyada Təhsil Briqada Komandirliyinin hərbçiləri axşam yeməyindən sonra zəhərlənib. Briqadanın rəhbəri Arif Seyhun  bildirib ki, ümumilkdə 200-dən çox hərbçi zəhərlənib. Onun sözlərinə görə, ötən gün axşam yeməyindən sonra əsgərlərdə ardı-ardına qarın ağrısı və qusma halları baş verib.

Ziya Səccad
Ölkə.Az