Türkiyədə Heydər Əliyev adına tələbə yataqxanası istifadəyə verildi

Türkiyədə Heydər Əliyev adına tələbə yataqxanası istifadəyə verildi
00:59
21.10.2018
2328
Dünya
A
Oktyabrın 20-də Türkiyənin Kayseri şəhərində Heydər Əliyev Fondu və Abdullah Gül Vəqfinin birgə təşkilatçılığı ilə Abdullah Gül Universitetinə məxsus təhsil kompleksində Heydər Əliyev adına tələbə yataqxanasının açılışı olub.

"Ölkə.Az" AzərTac-a istinadən xəbər verir ki, Azərbaycan Respublikası Prezidentinin ictimai-siyasi məsələlər üzrə köməkçisi–şöbə müdiri Əli Həsənov, Türkiyənin 11-ci Prezidenti Abdullah Gül, Kayseri vilayətinin rəhbəri Süleyman Kamçı, Azərbaycan, Türkiyə və Rusiya deputatları, Abdullah Gül Universitetinin professor-müəllim heyəti və tələbələri, QHT və KİV təmsilçiləri tədbirdə iştirak ediblər.

Əvvəlcə ulu öndərlər Heydər Əliyevin və Mustafa Kamal Atatürkün xatirələri bir dəqiqəlik sükutla yad olunub.

Sonra Azərbaycanın və Türkiyənin dövlət himnləri səsləndirilib.

Abdullah Gül Vəqfinin sədri Mustafa Çıkrıkçıoğlu rəhbərlik etdiyi qurumun məqsədlərindən danışıb. O, ümummilli lider Heydər Əliyevin xidmətlərindən bəhs edərək universitetin tələbə yataqxanasına Ulu Öndərin adının verildiyini söyləyib. Bildirib ki, məqsəd onun adının əbədiləşdirilməsidir.

Milli Məclisin deputatı Şəmsəddin Hacıyev ümummilli lider Heydər Əliyevin Azərbaycan xalqı qarşısındakı xilaskarlıq missiyasından, türk dünyasının inkişafı üçün göstərdiyi səylərdən, o cümlədən Azərbaycan-Türkiyə münasibətlərinin inkişafı naminə xidmətlərindən bəhs edib. Bildirib ki, belə bir möhtəşəm universitetin tələbə yataqxanasına Heydər Əliyevin adının verilməsi Ulu Öndərin şəxsiyyətinə göstərilən ehtiramdır.

Rusiya Federasiyası Dövlət Dumasının deputatı Dmitri Savelyev və Dumanın məsul əməkdaşı Ramin Qasımov Heydər Əliyev şəxsiyyəti barədə fikirlərini bildiriblər. Dmitri Savelyev diqqətə çatdırıb ki, keçmiş SSRİ rəhbərliyində hər zaman prinsipiallığı, qətiyyəti, işgüzarlığı ilə seçilən Heydər Əliyev nəhəng siyasi xadim kimi tarixdə ad qazanıb.

Azərbaycan Prezidentinin köməkçisi Əli Həsənov çıxış edərək deyib ki, bu gün Kayseridə keçirilən mühüm tədbirlər Türkiyə ilə qardaşlıq münasibətlərimizin göstəricisidir. Ulu öndər Heydər Əliyevin Türkiyə dövlətinin banisi Mustafa Kamal Atatürkün “Azərbaycanın sevinci sevincimiz, kədəri kədərimizdir” ifadəsindən qaynaqlanaraq “Bir millət, iki dövlət” fikri ilə Azərbaycan və Türkiyə üçün tarixi əhəmiyyət daşıyan inkişaf strategiyasının təməlini qoyduğunu diqqətə çatdıran Əli Həsənov vurğulayıb ki, Bakı-Tbilisi-Ceyhan neft kəməri və yenicə istifadəyə verilən “Star” neft emalı zavodu bu təməlin mühüm nəticələrindəndir. Əli Həsənov əminliklə bildirib ki, bu yataqxanada yaşayan tələbələr ulu öndərlər Heydər Əliyevin və Mustafa Kamal Atatürkün öz vətənləri və xalqları naminə yaşadıqları fədakar həyatı özlərinə örnək götürəcəklər.

Türkiyənin 11-ci Prezidenti Abdullah Gül çıxışında deyib ki, Heydər Əliyev həyatının bütün dövrlərində yorulmaz fəaliyyət göstərib. Ulu Öndərin müəyyən etdiyi inkişaf strategiyasının Prezident İlham Əliyev tərəfindən uğurla davam etdirildiyini diqqətə çatdıran Abdullah Gül qeyd edib ki, Azərbaycana hər səfərində böyük inkişafın şahidi olur. O, Azərbaycan Prezidenti İlham Əliyevin və Türkiyə Prezidenti Rəcəb Tayyib Ərdoğanın iştirakı ilə İzmir şəhərində “Star” neft emalı zavodunun istifadəyə verilməsini iki qardaş ölkənin tarixi uğuru adlandırıb.

Tədbirdə digər çıxış edənlər ümummilli lider Heydər Əliyevin qurub-yaratmaq eşqindən, həyata keçirdiyi böyük layihələrdən, onun prinsipiallığından danışıblar. Diqqətə çatdırılıb ki, Heydər Əliyev şəxsiyyəti tarixin bütün dövrlərində ehtiramla yad olunacaq, onun şəxsiyyətinə hər zaman ehtiram göstəriləcək.

Mərasim keçirilən salonda ümummilli lider Heydər Əliyevin mənalı həyatını və çoxşaxəli siyasi fəaliyyətini əks etdirən kitablar və fotolar sərgilənirdi.

Heydər Əliyev adına tələbə yataqxanası 9 min kvadratmetr ərazini əhatə edir. Üç blokdan ibarət yataqxanada 375 tələbə yaşayacaq. Bu müasir yataqxanada tələbələrin rahat yaşayışı üçün hər cür şərait yaradılıb.

Ölkə.Az

ŞƏRH YAZ
0

5 qardaş birləşib “Lamborghini” istehsal etdi — FOTO / VİDEO

5 qardaş birləşib “Lamborghini” istehsal etdi
10:25
Bu gün
1640
Dünya
A
İraqın Süleymaniyyə şəhərinin Ranya rayonundakı emalatxanada işləyən beş qardaş dünyanın ən lüks avtomobillərinin oxşarını istehsal edir.

 “Ölkə.Az” xəbər verir ki, emalatxananın sahibi Kamal Səlim bu işə 2010-cu ildən başladıqlarını bildirib. Qardaşlar əsasən “Lamborghini” üslublu avtomobillərə üstünlük verirlər.

“İndiyə qədər 7 avtomobilin oxşarını hazırladıq. Ən əsas işimiz 40 min dollara “Lamborghini” istehsal etmək olub”, - deyə Kamal qeyd edib.

Qardaşlar mühərrik, sürətlər qutusu və təkər kimi bəzi vacib ehtiyat hissələrindən başqa digər detalları öz imkanları hesabına istehsal edirlər. Səlim bildirib ki, 7 ay ərzində bir avtomobili hazırlamaq mümkündür:

“Maşınların tərzi bir-birindən fərqlidir. Daha çox idman və lüks üslublu maşınlara üstünlük veriri. Adi avtomobili 3 aya hazırlamaq olar. “Lamborghini” kimi maşınların dizaynı isə çətin olduğu üçün 1 ilə qədər vaxt aparır”.

Kamal eyni zamanda bildirib ki, bir avtomobili satış qiymətinin 30 faizinə qədər məbləğlə əldə etmək mümkündür:

“Maşınları sınaqdan keçiririk və satmırıq”.

 

Hikmət Həsənov
Ölkə.Az

ŞƏRH YAZ
0

Peruda qəzada gənc futbolçular öldülər

Peruda qəzada gənc futbolçular öldülər
01:30
Bu gün
1841
Dünya
A
Peruda yol qəzası nəticəsində futbol üzrə uşaq komandasının yeddi üzvü ölüb.

"Ölkə.Az" xəbər verir ki, hadisə ölkənin şimalında baş verib. 

Uşaqların olduğu avtobusun sürücüsü idarəetməni itirib və nəticədə nəqliyyat vasitəsi dərəyə aşıb. 

Yeddi uşaq hadisə yerində ölüb, 11 nəfər xəstəxanaya yerləşdirilib. Onlardan doqquz nəfərin vəziyyəti ağır kimi qiymətləndirilir.

Ölkə.Az

ŞƏRH YAZ
0
BAĞLA