Türkiyədə iki siyasətçinin millət vəkili statusu ləğv edildi
Türkiyə parlamentinin Baş Məclisində səsvermə keçirilib.
"Ölkə.Az" xəbər verir ki, səsvermə nəticəsində "HDP" partiyasının vəkilləri Faysal Sarıyıldız və Tuğba Hezerin millət vəkili statusu ləğv edilib.
Partiyanın Van vilayətindən seçilən millət vəkili Tuğba Hezer haqqında məclis çalışmalarında iştirak etmədiyi iddiası ilə səsvermə keçirilib. 324 millət vəkilinin səsi ilə Hezerin millət vəkili statusu ləğv edilib. "HDP"li millət vəkilləri səsvermənin əleyhinə iştirak ediblər. "CHP" isə səsvermədə iştirak etməyib.
Partiyanın Şırnak millət vəkili Faysal Sarıyıldızın da deputatlığı 328 lehinə səslə ləğv edilib. Beləcə "HDP" artıq 55 millət vəkili ilə təmsil olunur.
Hikmət Həsənov
Ölkə.Az
