Türkiyədə referendumun nəticələri təsdiqlənib

"Ölkə.Az" xəbər verir ki, bu barədə Şuranın rəhbəri Sədi Güvən məlumat verib. O, bəyan edib ki, seçkilərin nəticələrinə görə. Səsvermədə iştirak edənlərin 51,41 faizi yeniliyin tərəfadı olaraq, “hə” deyib.

“Referendumda nəticələr tam təsdiqlənib. Seçkilərdə seçici fəallığı 87,45 faiz olub. Seçicilərin 51,41 faizi “lehinə”, 48,59  faizi isə “əleyhinə” səs verib”, - deyə Güvən Ankarada jurnalistlərə bildirib.

Nəticələrə görə, seçkilərdə iştirak edənlərin 25 milyon 157 463 nəfəri prezident idarəetmə sisteminə keçidi dəstəkləyib. Seçkilərdə 23 milyon 779 min 141 nəfər bunun əleyhinə olub.
 
Qeyd edək ki, referendumla Konstitusiyanın 18 maddəsinə dəyişiklik olunub. Bunlar Türkiyədə parlament idarəçilik sistemindən prezident üsul-idarəsinə keçid, baş nazir vəzifəsinin ləğvi, Böyük Millət Məclisi üzvlərinin sayının 550 nəfərdən 600 nəfərə çatdırılması, millət vəkili seçilmə yaşının 18-ə endirilməsi, Məhkəmə-Hüquq Şurasının səlahiyyətlərinin dəyişdirilməsi və digər maddələrdir.

Ziya Səccad
Ölkə.Az