Türkiyədə yanacaqdoldurma məntəqəsini ildırım vurdu
Türkiyənin Antalya şəhərində yanacaqdoldurma məntəqəsini ildırım vurub.
“Ölkə.Az” xəbər verir ki, hadisə nəticəsində güclü yanğın başlayıb. Hadisə günüz saatlarında olub.
Türkiyə mətbuatının yazdığına görə, yanacaqdoldurma məntəqəsində avtomobillər benzin dolduran zaman ildırım çaxıb. İldırım yanacaqdolduran avtomobil və benzin bakının üstünə düşüb. Nəticədə güclü partlayış və yanğın olub.
Yanacaqdoldurma məntəqəsində çalışanlar və ətrafda olan insanlar alovu söndürməyə çalışıblar. Az sonra əraziyə yanğınsöndürənlər də cəlb olunub. Ərazi boşaldılıb və yanğın söndürülüb.
Hadisə nəticəsində xəsarət alan olmayıb. Lakin bir neçə avtomobil yararsız hala düşüb.
Ziya Səccad
Ölkə.Az
