Türkiyədən acı xəbər
Türkiyənin Şırnak vilayətinin Uludərə rayonunda PKK ilə türk hərbçiləri arasında silahlı toqquşma olub.
"Ölkə.Az" xəbər verir ki, 2 türk əsgəri şəhid olub, 2 nəfər isə yaralanıb.
Uludərə rayonu Andaç bölgəsində səhər saatlarında patrul xidməti həyata keçirən təhlükəsizlik qüvvələri ilə PKK terrorçuları arasında silahlı toqquşma qeydə alınıb. Terrorçuların açdığı atəş nəticəsində iki əsgər şəhid olub. Hadisə yerinə əlavə qüvvələr cəlb edilib. Geniş miqyaslı əməliyyata start verilib.
Qeyd edək ki, son bir həftə ərzində Şırnak, Hakkari, Diyarbəkir, Batman, Mardin və Bitlisdə həyata keçirilən əməliyyatlar nəticəsində 45 PKK terrorçusu məhv edilib.
Hikmət
Ölkə.Az
