Türkiyədən İslandiyadakı qalmaqalla bağlı — SƏRT AÇIQLAMA

Türkiyədən İslandiyadakı qalmaqalla bağlı
17:05
10.06.2019
1656
Dünya
A
Türkiyənin futbol üzrə milli yığması “Euro 2020” qrup mərhələsinin oyunları üçün İslandiyaya səfər edib.

 “Ölkə.Az” xəbər verir ki, oyunçulara İslandiyada böyük hörmətsizlik göstərilib. Futbolçular 3 saat hava limanında gözlədildikdən sonra polis tərəfindən üstləri axtarılıb. Məsələ ilə bağlı Türkiyənin XİN rəhbəri açıqlama verərək “Bu qəbuledilməzdir. Lazım olan ediləcək” deyib.

“Milli komandamıza qarşı İslandiyada edilən hörmətsizlik qəbul edilməzdir. Cavabı veriləcək. Artıq fəaliyyətə başladıq. Dövlətimiz və millətimiz komandanın yanındadır. Ən gözəl cavabı sahədə verəcəyik”, - deyə nazir bildirib.

Ölkə.Az

ŞƏRH YAZ
0

Kral arvadları və uşaqlarına 19 “Rolls-Royce” və 20 BMW aldı — FOTO

Kral arvadları və uşaqlarına 19 “Rolls-Royce” və 20 BMW aldı
13:13
Bu gün
1007
Dünya
A
Afrikanın ən kasıb ölkəsi sayılan Esvatininin kralı III Msvati 19 ədəd “Rolls-Royce” və 20 ədəd BMW markalı avtomobil alıb.

"Ölkə.Az" oxu.az-a istinadən xəbər verir ki, o, bu maşınları 15 arvadı, 23 uşağı və digər qohumlarına verib. 

Avtomobilləri gizlin şəkildə gecə vaxtı ölkəyə gətirməyə çalışıblar, ancaq kral ailəsinin bu istəyi ürəyində qalıb. 

Yerli müxalifət bu avtomobillərin alınması ilə bağlı məlumat paylaşaraq, insanları mitinqə çağırıblar. Müxalifət ölkədə orta aylıq əmək haqqının 128 dollar olmasına baxmayaraq, kralın 213 milyon dollar sərvətinin olmasına da etiraz edib. 

Qeyd edək ki, III Msvati 1986-cı ildən bu ölkəni idarə edir. Onun avtomobil qarajında 20-dən çox  “Mercedes-Maybach S600 Pullman” avtomobili, həmçinin BMW və “Rolls-Royce”un nadir modelləri var.

ŞƏRH YAZ
0

Çexiyada təyyarə çaya düşüb

Çexiyada təyyarə çaya düşüb
10:11
Bu gün
919
Dünya
A
Çexiyanın şimalında, Litomerjitse şəhəri yaxınlığında təkmühərrikli idman təyyarəsi qəzaya uğrayıb, pilot ölüb.

"Ölkə.Az" APA-ya istinadən xəbər verir ki, bu barədə jurnalistlərə respublika polisinin nümayəndəsi Alena Bartoşova məlumat verib.

“Yüngülmühərrikli təyyarə qəzaya uğrayaraq Elba çayına düşüb, pilot ölüb. Qəza Litomerjitse şəhərinin yaxınlığındakı Kreşitse yaşayış məntəqəsində baş verib”, - polis nümayəndəsi belə deyib.

Təyyarənin parçalanmış göyərtəsi Elba çayının dibində dalğıclar tərəfindən aşkar edilib. Sualtı axtarışlar üç saat davam edib. Qaldırıcı kranın köməyi ilə pilotun cəsədinin olduğu kabinə sahilə çıxarılıb.

Təyyarənin qəzaya uğramasının səbəbləri hələ müəyyənləşdirilməyib. Hadisənin səbəblərini araşdırmaq üçün ekspert komissiyası yaradılıb.

Ölkə.Az

ŞƏRH YAZ
1
BAĞLA