Türkiyədən Rusiyaya pomidor — Xəbərdarlığı

Türkiyədən Rusiyaya pomidor
21:11
18.05.2017
69
Dünya
A
Türkiyə Rusiya ilə ticarət məhdudiyyətlərinin aradan qaldırılmasını dəstəkləyir.

“Ölkə.Az” xəbər verir ki, bu barədə Türkiyənin iqtisadiyyat naziri Nihat Zeybekçi bildirib. Onun sözlərinə görə, iki dövlət arasında iqtisadi ticarətdə məhdudiyyətlər olmamalıdır.

“Rusiya tərəfi hələ də Türkiyə pomidorunun ölkəyə ixrac olunmasına məhdudiyyətlər qoyur. Lakin Türkiyə tərəfi Rusiyanın kənd təsərrüfatı məhsullarına hələlik heç bir məhdudiyyət qoymayıb. Düşünürəm ki, iqtisadi əməkdaşlığı möhkəmlətmək istəyən iki dövlət arasında hansısa məhsula məhdudiyyət qoyulmamalıdır. Biz may ayının sonlarına qədər gözləyəcəyik, daha sonra mövcud problemləri aradan qaldırmaq üçün bir daha səy göstərəcəyik”, - deyə nazir bildirib.

Qeyd edək ki, pomidor da daxil olmaqla Türkiyədən 13 məhsulun Rusiyaya girişinə icazə verilmir. Bununla bağlı Ərdoğan və Putin dəfələrlə müzakirələr aparıblar. Türkiyənin qida, əkinçilik və heyvandarlıq naziri Faruk Çelik də beynəlxaql tədbirlərdə bununla bağlı narazılıqlarını bildirib. Məsələ ilə bağlı Rusiya baş nazirinin müavini Arkadiy Dvorkoviç açıqlama vermişdi. Nazir müavini bildirmişdi ki, Türkiyə Rusiyadan alınan buğdaya tətbiq edilən vergini ləğv etməsə, Türkiyəyə qarşı tətbiq edilən sanksiyaların hamısı qüvvədə qalacaq.

Ziya Səccad
Ölkə.Az

ŞƏRH YAZ
0

Gürcüstanda xüsusi əməliyyat — Kriminal avtoritetlər saxlanıldı

Gürcüstanda xüsusi əməliyyat
21:32
Bu gün
260
Dünya
A
Gürcüstan Daxili İşlər Nazirliyi Avropol ilə birgə ölkə ərazisində xüsusi əməliyyat keçirib.

“Ölkə.Az” yerli mətbuata istinadən xəbər verir ki, əməliyyat Tbilisi və Siqnaxi şəhərlərində baş tutub. Nəticədə 3 kriminal avtoritet saxlanılıb. Onlar Dmitri Çrelaşvili, Qivi Beqiaşvili, Kaxa Bejitaşvilidir.

DİN rəsmisi Mamuka Çelidze əməliyyatdan danışarkən deyib ki, saxlanılan şəxslərin hazırda Avropada olan “qanuni oğrular”la sıx əlaqələri olub və onlardan tapşırıqlar alaraq cinayətlər törədiblər. Onların Avropada olan “qanuni oğrular” Malxaz Zedelaşvili, Kaxa Şavliaşvili, Abesalom Papiaşvili və Qeorqi Xatiaşvili ilə daim əlaqədə olduqları açıqlanıb.

Ölkə.Az

ŞƏRH YAZ
0

Fransızların yeni Romomobili — FOTOLAR

Fransızların yeni Romomobili
20:00
Bu gün
621
Dünya
A
Fransanın “Renault” şirkəti gələcəyin avtomobilini təqdim edib.

“Ölkə.Az” xəbər verir ki, yeni konsept “EZ-GO” adlanır. Bu konsept eyni zamanda “avtomobil və servis” adlanır.  Gələcəkdə bu maşınlar həm yüngül maşınları həm də ictimai nəqliyyatı əvəz edə bilər.

“Renault EZ-GO” avtomobilinin uzunluğu 5.2 metr, eni isə 2.2 metrdir. Hündürlüyü 1.6 metr olan avtomobilin şüşə damı çıxarılır. 6 nəfərlikdir. Yük üçün də yer var. 

Konsept bir elektrik mühərriki ilə təchiz edilib. Sürəti 50 km/saatla məhdudlaşdırılıb. 

Şirkət “EZ-GO” modelini 2022-ci ildən istehsal edəcək.

Hikmət Həsənov
Ölkə.Az

ŞƏRH YAZ
0
BAĞLA