Türkiyənin baş nazirindən sərt açıqlama
Türkiyənin baş naziri Binəli Yıldırım Şimali İraqdakı müstəqillik referendumu ilə bağlı sualları cavablandırıb.
"Ölkə.Az" xəbər verir ki, Yıldırım referendumun silahlı toqquşmaya zəmin hazırladığını qeyd edib: "İqtisadi, siyasi və hərbi ölçüdə addımlar atılacaq. Detallar üzərində iş gedir".
Binəli Yıldırım deyib: "Bu referenduma bütün dünya etiraz etdi. İran, Türkiyə və BMT-yə üzv ölkələr referendumun əleyhinə idi. Amma Şimali İraq inad edərək referendum keçirir. Biz elan etdik ki, referendum qanunsuzdur. Nəticələri tanınmayacaq.
İqtisadi, siyasi və hərbi sahədə addımlar atılacaq. Böhran getdikcə artır. Dönülməz bir nöqtəyə gəlmişik. Bölgədə çox ciddi proseslər başlayacaq. Ümid edirik ki, belə bir vəziyyət olmaz".
Hikmət Həsənov
Ölkə.Az