Türkiyənin eks-parlament sədri katibəsi ilə evlənir — 67 yaşında

Türkiyənin eks-parlament sədri katibəsi ilə evlənir
12:00
13.10.2017
512
Dünya
A
Türkiyənin sabiq parlament sədri və hakim Ədalət və İnkişaf partiyasının Karabük millət vəkili Mehmet Əli Şahin bu gün ailə həyatı qurur.

"Ölkə.Az" xəbər verir ki, 67 yaşlı siyasətçi Ankaradakı otellərin birində toy mərasimi keçirir.

2014-cü ilin 28 noyabr tarixində xanımı Saniyənin vəfatından sonra Mehmet Əli Şahin həyatını 39 yaşlı Zuhal Fıratla birləşdirmək qərarına gəlib. 4 uşaq atası olan siyasətçi Ədalət və İnkişaf partiyasında Siyasi və Hüquqi işlər sədri olduğu dövrdə katibəsi olan Fıratla 15 gün əvvəl nişanlanıb.

Şahin və Fırat cütlüyünün nikah mərasiminə Türkiyə prezidenti Rəcəb Tayyip Ərdoğan, baş nazir Binəli Yıldırım, nazirlər, ailə üzvləri və digər siyasətçilər də dəvət edilib.

Hikmət Həsənov
Ölkə.Az

ŞƏRH YAZ
0

Məşhur iş adamından xəbərdarlıq: “20 il davam edəcək ABŞ-Çin ticarət savaşına hazır olun”

Məşhur iş adamından xəbərdarlıq: “20 il davam edəcək ABŞ-Çin ticarət savaşına hazır olun”
15:00
Bu gün
137
Dünya
A
“Alibaba Group Holding”in baş direktoru Ma dünyaya xəbərdarlıq edib.

 “Ölkə.Az” xəbər verir ki, Manın xəbərdarlığına əsasən ABŞ və Çin arasında 20 il davam edəcək ticarət savaşı olacaq. İnsanlar isə buna görə hazırlıqlar etməlidirlər. Ma eyni zamanda bildirib ki, ABŞ-da bir milyon insanı işlə təmin edəcəyi barədə vədinə əməl edə bilməyəcək.

Ma qeyd edib ki, on illər boyu davam edəcək ticarət savaşında Çin dövləti Afrika, Cənubi Asiya və Avropanı əhatə edən müasir dövrün “İpək Yolu”na, ixracata diqqət ayırmalıdır.

Hikmət Həsənov
Ölkə.Az

ŞƏRH YAZ
0

Azərbaycanlı Rusiyada deputat oldu

Azərbaycanlı Rusiyada deputat oldu
14:35
Bu gün
244
Dünya
A
Azərbaycanlı Rusiyanın Tuva Respublikasının paytaxtı Qızılın şəhər şurasının 5-ci çağırışında deputat seçilib.

"Ölkə.Az" Oxu.Az-a istinadən  xəbər verir ki, bununla bağlı Rusiya azərbaycanlılarının vahid informasiya portalı olan AZRU məlumat yayıb. 

Tuva Respublikasının karate federasiyasının sədri, respublikanın yığma komandasının baş məşqçisi, məşhur idmançı və tanınmış ictimai xadim, Rusiyadakı Azərbaycan diasporunun fəalı Çingiz Əliyev Rusiya Federasiyasında qanunverici orqanlara keçirilən seçkilərdə deputatlıq adını qazanan Taleh Mahmudov (Krasnoyars), Bəhruz Qumbatov (İjevsk) və Əliş Məmmədovdan (Yakutiya) sonra dördüncü azərbaycanlı olub. 

Çingiz İsaxan oğlu Əliyev 1982-ci ildə Gürcüstanın Qardabani rayonunda doğulub, 1999-cu ildən isə Tuva Respublikasında yaşayır. Müasir Humanitar Akademiyada hüquqşünaslıq ixtisası üzrə təhsil alıb. 

Dəfələrlə Rusiya, dünya və Avropada keçirilən karate yarışlarında çempion olub və mükafatlar qazanıb, qara kəmər ustasıdır, Tuva Respublikasında karate federasiyasının banisidir. 

Əlavə edək ki, həmyerlimiz Rusiya Federasiyasında keçirilən bir çox ictimai tədbirlərin təşəbbüskarı və təşkilatçısıdır. Çoxlu sayda təşəkkür məktubu, diplom və fəxri fərmanlarla təltif edilib. 

ŞƏRH YAZ
1
BAĞLA