Türkiyənin XİN rəhbəri: “İcazə vermərik”
Türkiyənin xarici işlər naziri Mevlud Çavuşoğlu Afrin əməliyyatı ilə bağlı açıqlama verib.
“Ölkə.Az” xəbər verir ki, Çavuşoğlu “PKK/PYD-yə yardım etmək üçün bura gəlmək istəyənlərə icazə verməyəcəyik”,-deyib.
Türkiyəli nazir Ankarada keçirilən mətbuat konfransında “Zeytin Dalı” əməliyyatı haqqında danışıb:
“YPG/PKK Suriyanın torpaqlarını bölmək üçün mübarizə aparır və onlardan olmayan insanları sürgünə göndəriblə. Bizim mövqeyimiz dəqiqdir. PKK-ya qarşı mübarizə aparan heç kəsə qarşı deyilik. Amma PKK-ya yardım etmək üçün bura gəlmək istəyənlərə icazə verməyəcəyik”.
Hökumətin mətbuat katibi Bekir Bozdağ isə “YPG ilə Suriya rejimi Afrin mövzusunda gizli sövdələşməyə girişsə də, razılaşa bilməyiblər. Afrində YPG paltarında kim olsa, hədəfdir”,-deyib.
Hikmət Həsənov
Ölkə.Az
