Türkiyənin xarici işlər naziri: \"Rakka əməliyyatında iştirak edəcəyik\"
Türkiyənin xarici işlər naziri Suriyada hərbi əməliyyatlara davam ediləcəyinə dair söz verib
"Ölkə.Az" xəbər verir ki, Mevlüd Çavuşoğlu Ankaranın Rakka və Suriyanın digər şəhərlərinin İŞİD terrorçularından təmizlənməsi üçün əməliyyatlarda iştirak etməyə hazır olduğunu bəyan edib.
"Fərat Qalxanı" əməliyyatını şərh edən Çavuşoğlu qeyd edib ki, PKK-nın at oynatdığı Menbiç şəhərini də təmizləmək lazımdır. Nazirin sözlərinə görə, rəsmi Ankara şəhərdən bu qruplaşmanın çıxarılması üçün ABŞ-dan addım gözləyir. Türkiyənin növbəti hədəfi Rakka şəhəridir.
Suriyada növbəti əməliyyatlar koalisiya qüvvələri arasında müzakirə edilib. Bu koalisiyaya ABŞ rəhbərlik edir. Çavuşoğlu bildirib ki, düzgün planlaşdırma və yerli qüvvələrin də cəlb edilməsi nəticəsində Suriya ərazisini asanlıqla terrorçulardan təmizləmək mümkündür.
Hikmət
Ölkə.Az
