Türkiyəyə köçən gənc rejissorumuzdan ilk uğur — VİDEO

Türkiyəyə köçən gənc rejissorumuzdan ilk uğur
11:45
28.02.2017
485
Mədəniyyət
A
Bir müddət öncə Türkiyəyə köçən gənc rejissor Elvin Rüstəmzadə qardaş ölkədə ilk işinə imza atıb

"Ölkə.Az"-ın məlumatına görə, Rüstəmzadə İstanbul Film Akademiyasının dəstəyi ilə "Pamuk şeker" adlı qısametrajlı filmin rejissorlarından biri olub.

Xatırladaq ki, "Pamuk şeker"de Nese Loç və Sertan Kazar rol alıblar.

Qeyd edək ki, Elvin Rüstəmzadə tanınmış kinorejissor, xalq artisti Vaqif Mustafayevin tələbəsidir. 

İntiqam VALEHOĞLU
Ölkə.Az

ŞƏRH YAZ
0

“Milli Qurtuluş Günü”nə həsr olunmuş konsert keçiriləcək

“Milli Qurtuluş Günü”nə həsr olunmuş konsert keçiriləcək
00:48
23.05.2018
442
Mədəniyyət
A
İyunun 12-də Heydər Əliyev Sarayında “Qurtuluş Günü”nə həsr olunmuş bayram konserti keçiriləcək.

"Ölkə.Az"ın məlumatına görə, “Şərəf tariximiz” adlı konsert proqramında Respublikamızın sevilən və tanınmış sənətkarları Xalq artisti Gülyaz Məmmədova, Əməkdar artistlər Ədalət Şükürov, Gülüstan Əliyeva, Elza Seyidcahan, Zaur Əmiraslanov tanınmış müğənnilər Nazim Faytonçu, Nərmin Kərimbəyli, Yaşar Cəlilov, Leyla Ramazanlı, Könül Məmmədli, Əbdül Xalid, Tofiq Hacıyev, Nicat Cəfərzadə, Roza Zərgərli, Elxan Qaraxanoğlu, Lətifə Soyuöz, Nisbət Sədrayeva, Orxan Babazadə, Əhməd Mustafayev, Ramazan Mustafayev, Ramazan Şərifzadə və Dana Durdana iştirak edəcəklər.

Saat 19:00-da başlayacaq konsertin biletlərinin qiyməti 10-40 manat təşkil edir.

Biletləri Heydər Əliyev Sarayının kassasından, şəhərin kassalarından,www.iticket.az saytından onlayn və ASAN xidmət mərkəzlərindən, Gənclik və 28 Mall ticarət mərkəzlərindəki kassalardanəldə edə bilərsiniz.

Ölkə.Az

ŞƏRH YAZ
0

"Ayşad Fuad Poladovu anmazdan əvvəl rəhbərliklə məsləhətləşməliydi" — Əli Nur

12:30
16.05.2018
6423
Mədəniyyət
A
Əməkdar artist Əli Nur mərhum xalq artisti Fuad Poladovun Akademik Milli Dram Teatrında tamaşada əməkdar artist Ayşad Məmmədov tərəfindən anılmasına münasibət bildirib.

"Ölkə.Az"a danışan aktyor bildirib ki, həmin aktyor bununla bağlı rəhbərliklə məsləhətləşməliydi:

"Bu məsələdən mən də xəbərdaram. Həmin gün "Şah Qacar" tamaşaçısı olub. Fuad Poladov Şah Qacar rolunun əvəzolunmaz ifaçısıydı və mədəniyyət tariximizdə sənətkar kimi qalacaq. Ayşad Məmmədovun tamaşadan öncə Fuad Poladovu anmağında qəbahət yoxdur. Çünki Həsənağa Turabov, Səməndər Rzayev kimi sənətkarları da səhnədə yad etmişik. Ancaq burada bir incə məsələ var. Teatr çox böyük ictimai tribuna olduğuna görə proqramdan kənar çıxış etmək olmaz. Teatrın rəhbərliyi, nazirliyin səlahiyyətli şəxsləri var. Onlarla məsləhətləşmək lazım idi. Belə demək mümkünsə, Ayşad həm düz edib, həm də səhv".

Qeyd edək ki, əməkdar artist Ayşad Məmmədovun "Şah Qacar" tamaşasından əvvəl xalq artisti Fuad Poladovu anması teatr rəhbərliyinin narazılığına səbəb olmuşdu.

İntiqam VALEHOĞLU  
Ölkə.Az

ŞƏRH YAZ
0
BAĞLA