Türkiyəyə qadın aparan insan alverçisinin məhkəməsi

Türkiyəyə qadın aparan insan alverçisinin məhkəməsi
09:52
14.03.2018
620
Hadisə
A
Azərbaycanlı qadınları Türkiyədə cinsi istismara məruz qoymaqda ittiham olunan Arifə Abbaszadənin apelyasiya şikayəti üzrə məhkəmə prosesi başlayıb.

“Ölkə.Az” xəbər verir ki, Bakı Apellyasiya Məhkəməsində hakim Faiq Qasımovun sədrliyi ilə baş tutan prosesdə təqsirləndirilən şəxsin anket məlumatları dəqiqləşdirilib. 

İttihama görə, Arifə Abbaszadə Azərbaycan vətəndaşı olan qadını aldadaraq, Türkiyəyə aparıb. O, Türkiyəyə apardığı qadınları orada baxıçılıq, xadiməçilik və digər işlərlə təmin edəcəyinə vəd verib. 

Lakin orada qadınları otellərə yerləşdirəndən sonra onların ümumvətəndaşlıq sənədlərini əllərindən alıb. Sonra o, qadınları ayrı-ayrı ünvanlarda pul müqabilində kişi müştərilərlə görüşdürüb. 

Zərərçəkmiş qadınlar Azərbaycana qayıtdıqdan sonra Daxili İşlər Nazirliyinin İnsan Alverinə qarşı Mübarizə Baş İdarəsinə müraciət ediblər. 
Zərərçəkmişlərin şikayəti əsasında Arifə Abbaszadənin barəsində Cinayət Məcəlləsinin 144-1.1-ci (insan alveri, yəni şəxsin alqı-satqısı və ya ona sahibliklə əlaqədar digər əqdlərin bağlanması, yaxud onun istismar edilməsi məqsədilə Azərbaycan Respublikasının dövlət sərhədindən keçirilməsi üçün və ya eyni məqsədlə digər şəxslərə verilməsi üçün cəlb edilməsi, əldə edilməsi, saxlanılması, gizlədilməsi, daşınması, verilməsi və ya qəbul edilməsi) maddəsi ilə cinayət işi başlanıb.

İstintaq dövründə və birinci instansiya məhkəməsi dövründə Arifə Abbaszadənin barəsində başqa yerə getməmək qətimkan tədbiri seçilib. 
Bakı Ağır Cinayətlər Məhkəməsinin hökmü ilə Arifə Abbaszadə 4 il müddətinə azadlıqdan məhrum edilib. Məhkəmənin qərarı ilə onun barəsində həbs qətimkan tədbiri seçilib və məhkəmə zalındaca həbs edilib. 

Hökmdən narazı qalan Arifə Abaszadə apelyasiya şikayəti verib. O, barəsində Cinayət Məcəlləsinin 70-ci (şərti məhkum etmə) maddəsi tətbiq edilməsini istəyib. 

Apellyasiya instansiyasında Arifə Abbaszadənin şikayətinin dəlilləri müəyyən edilib. 

Növbəti proses martın 27-nə təyin edilib.

ŞƏRH YAZ
0

Neftçalada kotletdən zəhərlənmə

Neftçalada kotletdən zəhərlənmə
00:23
Bu gün
550
Hadisə
A
Neftçala rayonunda zəhərlənmə hadisəsi baş verib.

"Ölkə.Az" “Report”a istinadən xəbər verir ki, rayonun Bankə qəsəbəsində yerli sakinlər - 1979-cu il təvəllüdlü Məmmədova Nuranə Siyasət qızı və 2007-ci il təvəllüdlü Məmmədov Davud Müşfiq oğlu bir neçə gün əvvəl ət kotleti yedikdən sonra özlərini pis ediblər.

Onlar yaxınları tərəfindən Neftçala Rayon Mərkəzi Xəstəxanasına çatdırılıblar. Xəstəxanadan verilən məlumata görə, xəstələrin vəziyyəti ağırdır.

Faktla bağlı araşdırma aparılır.

Ölkə.Az

ŞƏRH YAZ
0

Saatlıda körpә uşaq yıxılaraq xәsarәt alıb

Saatlıda körpә uşaq yıxılaraq xәsarәt alıb
23:53
24.09.2018
629
Hadisə
A
Saatlı rayonunda xəsarətlə nəticələnən bədbəxt hadisə baş verib.

"Ölkә.Az" report-a istinadәn xәbәr verir ki, rayonun Qaranuru kəndində 1,3 yaşlı Nuruzadə Nahidə Zahid qızı yıxılaraq xəsarət alıb.

Uşaq yıxılarkən alın nahiyəsi stəkana dəyib və alın hissəsi kəsilib. Uşaq Saatlı Rayon Mərkəzi Xəstəxanasına yerləşdirilib.

Faktla bağlı araşdırma aparılır.

Ölkә.Az

ŞƏRH YAZ
0
BAĞLA