Türkmənistanda gözəllik müsabiqəsi keçiriləcək
Türkmənistanın Aşqabad şəhərində ahaltəkə atları arasında beynəlxalq gözəllik yarışması keçiriləcək.
"Ölkə.Az" xəbər verir ki, müsabiqə 2017-ci ilin 29 aprelində baş tutacaq. Bu barədə ölkə prezidenti Qurbanqulu Berdımuhammedov sərəncam imzalayıb.
Sənədə əsasən türkmən atı bayramı ərəfəsində (30 aprel-red) bu yarış keçiriləcək. Sərəncamda həm də ən gözəl atı seçəcək jüri üzvlərinin heyəti də təsdiqlənib. Bu heyətə alimlər, at mütəxəssisləri və xarici peşəkarlar dəvət edilib.
Yarışda ən gözəl atı seçməklə yanaşı incəsənət yarışı da keçiriləcək. Ən gözəl ahaltəkə atının sahibi Türkmənistan prezidenti tərəfindən yolsuzluq avtomobili ilə mükafatlandırılacaq.
Hikmət
Ölkə.Az
