KORONAVİRUSA YOLUXANLARIN SAYI - CANLI STATİSTİKA

Tutulan icra başçısının müavini ilə Təhsil Şöbəsinin müdirinin rüşvət əməliyyatları — “Məcbur idim” - VİDEO

Tutulan icra başçısının müavini ilə Təhsil Şöbəsinin müdirinin rüşvət əməliyyatları
19:20
23.02.2020
3265
Hadisə
A
Dövlət Təhlükəsizliyi Xidmətinin (DTX) keçirdiyi əməliyyatla saxlanılan Neftçala Rayon İcra Hakimiyyətinin başçısının müavini Gültəkin Sadıqova rayonda “təhsil biznesi şəbəkəsi” qurubmuş.

"Ölkə.Az" xəbər verir ki, bu barədə Oxu.Az DTX-nin yaydığı əməliyyat çəkilişlərinə istinadən xəbər verir.

Belə ki, sorğu-suala çəkilən icra başçısının ictimai-siyasi və humanitar məsələlər üzrə müavini Gültəkin Sadıqova məktəb direktorlarından alınan rüşvətin siyahısı barədə məlumat verir.

Rayon Təhsil Şöbəsinin müdiri Əjdər Kərimov isə qeyd edir ki, müəllimlərdən yığılan 30 min manatı şəxsən İsmayıl Vəliyevə təqdim edib.

O bildirib ki, hər ayın sonunda da 2000 manat rüşvət verib.

“Mən bu pulu əldə etmək üçün məcbur qalıb, hər ay məktəb direktorlarından 50-150 manat arası pul almışam”, - deyə Əjdər Kərimov bildirir.

Ümumiyyətlə, bundan əvvəl də mətbuatda yazılırdı ki, Neftçalanın təhsili bərbad səviyyədədir.

İnternet materiallarında qeyd edilirdi ki, Əjdər Kərimovla Gültəkin Sadıqova rüşvət əməliyyatlarına birlikdə rəhbərlik ediblər.

Məktəb direktorlarının təyin edilməsi, dərs saatlarının bölüşdürülməsinin onların müştərək diktəsinin “bəhrəsi” olduğu bildirilirdi.  

Gültəkin Sadıqovanın məktəblərin təmirinə ayrılan pulu da mənimsədiyi haqqında çoxsaylı iddialar mövcuddur.

Onun bu vəzifədə işlədiyi müddətdə Bakı şəhərində iki bina evi, Neftçalada böyük bağ evi, əkin sahələri və sair mülklərə sahib olduğu da yazılırdı.

Gültəkin Sadıqovanın uşaq bağçalarına ayrılan vəsaiti də mənimsədiyi, bunun nəticəsində uşaq bağçalarında bərbad vəziyyətin hökm sürdüyü də iddia olunurdu.

Müavin Milli Məclisə keçirilən növbədənkənar seçkilərdə 61 saylı Neftçala Seçki Dairəsindən namizəd idi.

Xatırladaq ki, DTX-nin keçirdiyi əməliyyatla Neftçalanın icra başçısı İsmayıl Vəliyev, icra hakimiyyəti başçısının birinci müavini Vurğun Əkbərov, icra başçısının digər müavini Gültəkin Sadıqova, Memarlıq və tikinti şöbəsinin müdiri Vüqar Nağıyev, Ərazi idarəetmə və yerli özünüidarəetmə orqanları ilə iş şöbəsinin müdiri Anar Cəfərov, rayon Mərkəzi Xəstəxanasının baş həkimi Telman Zahidov, rayon Təhsil şöbəsinin müdiri Əjdər Kərimov saxlanılıblar.

Prezident İlham Əliyevin fevralın 20-də imzaladığı sərəncamla İsmayıl Vəliyev icra başçısı vəzifəsindən azad edilib.

ŞƏRH YAZ
0

Gəncədə su xəttini düzəldənlər qaz xəttini zədələdilər — FOTO

Gəncədə su xəttini düzəldənlər qaz xəttini zədələdilər
01:05
Bu gün
589
Hadisə
A
Gəncə şəhərində səhər saatlarında yağmış güclü yağışın fəsadlarını aradan qaldırarkən “Azərsu” ASC-nin texnikası ilə şəhərin N.Nərimanov küçəsi ilə A.Puşkin küçələrinin kəsişməsində, diametri 110 mm olan “Gəncə-2” yeraltı polietilen qaz xəttini yararsız vəziyyətə salınıb.

"Ölkə.Az" “Azəriqaz” İstehsalat Birliyindən verilən məlumata görə, baş verən hadisənin fəsadlarının aradan qaldırılması üçün təhlükəsizlik tədbiri olaraq təqribən 3 000 abonentin qaz təminatı dayandırılıb. Qaz təminatının bərpa olunması təqribən üç saat vaxt tələb edir.

Hazırda “Azəriqaz” İstehsalat Birliyinin Gəncə Regional Qaz İstismarı İdarəsinin əməkdaşları hadisə yerindədir, təcili təmir işləri aparılır.

ŞƏRH YAZ
0

Qobustanda güclü yağış daşqınlara səbəb oldu — FOTO/VİDEO

Qobustanda güclü yağış daşqınlara səbəb oldu
00:02
Bu gün
691
Hadisə
A
Qobustanın Poladlı kəndində güclü sel ciddi fəsadlar törədib.

"Ölkə.Az" baku.tv-yə istinadən xəbər verir ki, bu gün günorta saatlarında başlayan güclü leysan ardınca gələn sel suları Pirsaat çayında daşqınlara səbəb olub.

Hadisə zamanı yoldan keçən avtomobili sel aparıb. Xoşbəxtlikdən sürücü ətrafdakı insanların köməyi ilə canını xilas edə bilib.

Güclü sel kənd evlərinə dolub, həyətyanı sahələr sel sularının altında qalıb. Sel kəndlilərin bostan sahələrinə və nar bağlarına ciddi ziyan vurub.

Əraziyə FHN-in əməkdaşları cəlb olunub. Hazırda təbii fəlakətin kəndə vurduğu ziyan hesablanır.

ŞƏRH YAZ
0
BAĞLA