“Twitter”dən istifadəçilərinə şad xəbər

“Twitter”dən istifadəçilərinə şad xəbər
01:34
20.05.2017
13
Dünya
A
Dünyada məşhur və ən çox istifadəçiləri olan “Twitter” sosial şəbəkəsində son günlər müəyyən problemlər yaşanıb.

“Ölkə.Az” xəbər verir ki, artıq bir neçə gündür ki, “Twitter” vasitəsilə bağlantılar zamanı xətalar baş verir. Ən çox problem bir ölkədən başqa bir ölkəyə tvitlər göndərilərkən qeydə alınır.

Şirkətdən bildirilib ki, bu problem barədə xəbərdardılar. Twitter Inc. Şirkətindən bildirilib ki, hazırda yaranan texniki problemlər araşdırılır və qısa zaman ərzində qüsurlar aradan qaldırılacaq.

“İstifadəçilərimizin çoxunda texniki problemlər yaranıb. Bəziləri yaradılmış hesaba daxil ola bilmirlər. Bəziləri isə tvitlər göndərə bilmirlər. Biz bu problmelər barədə xəbərdarıq. Hazırda problmelərin aradan qaldırılması istiqamətində çalışırıq”, - deyə şirkətdən bildirilib.

Qeyd edək ki, Twitter 2006-cı ilin mart ayında Cek Dorsi və Cüli tərəfindən yaradılıb. Qısa müddətdə sürətlə məşhurlaşan “Twitter”in, 2012-ci ildə 500 milyon istifadəçisi, gündəlik 340 milyon tviti və gündəlik 1,6 milyard axtarışı olub. Təqdim edildiyi dövrdən, Twitter dünyada ən çox ziyarət edilən on saytın siyahısına daxil olub və “İnternetin SMS-i” kimi tanınıb. Twitter Inc. San-Fransiskoda yaradılsa da, onun server və ofisləri Nyu-York, Boston və San-Antonio şəhərlərində də vardır.

Ziya Səccad
Ölkə.Az

ŞƏRH YAZ
0

Mövlud Çavuşoğlu: "ABŞ terrorçuların dili ilə danışır"

Mövlud Çavuşoğlu:
10:12
Bu gün
357
Dünya
A
"PYD və YPG terrorçuları Türkiyə üçün real təhdiddir".

"Ölkə.Az" xəbər verir ki, bunu jurnalistlərə açıqlamasında Türkiyənin xarici işlər naziri Mövlud Çavuşoğlu deyib.

Çavuşoğlu ABŞ-ın dövlət katibi Reks Tillersonla Afrin əməliyyatını müzakirə etdiyini bildirib.

"Tillerson Suriya ərazisindən PYD və YPG bölmələrinin Türkiyə ərazisinə raket zərbəsi endirmədiyini bildirdi. ABŞ-ın dövlət katibi Reks Tillerson terrorçuların dili ilə danışır. Ona dedim ki, faktları başqa mənbələrlə də dəqiqləşdirsin. Terrorçulara inanmasın". 

Çavuşoğlu bildirib ki, Birləşmiş Ştatlar terrorçulardan sitat gətirmək əvəzinə Türkiyənin təqdim etdiyi faktlara inanmalıdır.

Xatırladaq ki, dünən PYD və YPG terrorçularının Türkiyənin Hatay vilayətini atəşə tutması nəticəsində bir nəfər ölüb.
 

ŞƏRH YAZ
0

"Zeytin budağı"nda 4-cü gün — Afrində yeni cəbhə açıldı - VİDEO / FOTO

09:45
Bu gün
962
Dünya
A
Türkiyənin Suriyanın Afrin bölgəsində apardığı "Zeytun budağı" əməliyyatının 4-cü günü ilə bağlı hesabat açıqlanıb.

"Ölkə.Az" Türkiyə mətbuatına istinadən xəbər verir ki, ələ keçirilən Burseya dağında daha 15 strateji nöqtə ələ keçirilib.

Türkiyə Baş Qərərgahından verilən açıqlamada Suriyanın Azez qəsəbəsindən Afrin istiqamətinə doğru quru əməliyyatının da davam etdiyi bildirilir.

"Zeytun budağı" əməliyyatı çərçivəsində Azez qəsəbəsində ikinci cəbhə açılıb.

 Afrin əməliyyatına Suriya müxalifətinin 25 min nümayəndəsi dəstək verir.

Əməliyyatın 4-cü günündə 170-dən çox hədəfin vurulduğu bildirilir.  2 PKK terrorçusu isə əsir götürülüb.

Qeyd edək ki, yanvarın 20-dən Türkiyə Afrində “Zeytun budağı” əməliyyatına başlayıb. Terrorçuların mövqelərinə havadan zərbələr endirilib. Eyni zamanda Suriyanın müxalifətdən olan "Azad Suriya ordusu" qruplaşması bazar günü ölkənin şimalında yerləşən Afrin rayonunda genişmiqyaslı əməliyyatlara başlayıb. Türkiyə Baş Qərargahı Afrin bölgəsində "Zeytun budağı" əməliyyatı başladığını, hərbi əməliyyatda məqsədin bölgənin PKK terror təşkilatının Suriya qolu PYD/YPG, İŞİD və digər terror təşkilatlarından təmizləmək olduğunu bəyan edib.

Əməliyyata ilk öncə Türkiyə Hərbi Hava Qüvvələrinin 72 ədəd “ F-16” təyyarəsi cəlb edilib. Türkiyə hərbçiləri “Azad Suriya ordusu” müxalifət birləşmələrilə birgə Suriyada məskunlaşan PKK, PYD və YPG terror təşkilatının silahlılarının məkanlarına zərbələr endiriblər.

ŞƏRH YAZ
0
BAĞLA