U-11 Liqasından Avropa Liqasına gedən yol!

U-11 Liqasından Avropa Liqasına gedən yol!
20:56
21.07.2019
2045
İdman
A
UEFA Avropa Liqası 2019/20 mövsümündə Azərbaycan klublarının heyətində uşaq və gənclər liqalarında iştirak edən 20-dən artıq gənc oyunçu sifariş olunub.

"Ölkə.Az" "Sport24.az"a istinadən xəbər verir ki, onlardan biri turnirin I təsnifat mərhələsi çərçivəsində "Neftçi" - "Sperantsa" oyununda qol vurmaqla avrokuboklar tariximizə ən gənc qol vuran azərbaycanlı futbolçu kimi düşən İsmayıl Zülfüqarlıdı.

18 yaşlı yarımmüdafiəçinin futbola başlaması və karyerası ilə bağlı əsas faktları oxucularla bölüşmək istərdik.

16 Aprel 2001-ci il tarixində dünyaya gələn İsmayıl futbola 2011-ci  ildə AFFA tərəfindən təşkil olunan U-11 Liqasında "Neftçi"nin heyətində başlayıb və həmin il liqada final mərhələsinədək irəliləyib. 2012/13 mövsümündə ROİL klubuna keçən Zülfqarlı U-12 Liqasında iştirak etmiş, lakin final mərhələsinə yüksələ bilməyib.

 Müvafiq liqada ROİL-in heyətində oynadıqdan sonra 2013/14 mövsümündə yenidən "Neftçi"yə qayıdan İsmayıl "Coca-Cola U-13 Liqası"nın iştirakçısı olmuş və 8 ay ərzində çıxışın yekununda final mərhələsinədək irəliləyərək liqanın bürünc medalını qazanıb.


Zülfüqarlı 4-cü mövsümündə (2014/15) "Neftçi"nin heyətində U-14 Liqasında 8 ay ərzində top qovub. O, 2015/16 mövsümündə U-15 Liqasında "Neftçi"nin müvafiq yaş qrupunun heyətində 25 oyun keçirdikdən sonra liqanın bürünc mükafatını qazanıb. 

2016/17 mövsümündə U-16 Liqasında İsmayıl  22 oyundan 18-də iştirak edərək liqanın çempionundan 1 xal geri qalan "Neftçi"nin heyətində gümüş medal qazanıb. 

Eyni zamanda 2017-ci ildə U-17 millisinə dəvət alan İsmayıl 5 yoldaşlıq görüşündə iştirak edib. Bunlar Gürcüstanla 2 qarşılaşma, habelə BƏƏ, Sudan və Makedoniya ilə görüşlərdi.

Zülfüqarlı 2017/18 mövsümündə isə həm Bakcell U-17 Liqası, həm də Gənclər Liqasında oynayıb. Eyni zamanda U-17 Azərbaycan millisinin heyətində U-17 Avropa çempionatı seçmə mərhələsində iştirak edərək 2 qarşılaşmada meydana çıxıb - Bolqarıstan və Ukraynayla görüşlərdə. Yarımmüdafiəçi cari mövsümdə isə U-19 millisinin heyətinə cəlb olunaraq İspaniya və Belarus millilərinə qarşı yoldaşlıq görüşündə meydanda olub.

Son mövsümü "Neftçi- 2"nin heyətində I Divizionda keçirən İsmayıl iyulda əsas komandada Avropa Liqasında debüt etmək şansı əldə edib. İkinci oyununda qol vuraraq avrokuboklar tarixində ən gənc qol vuran azərbaycanlı oyunçu kimi Azərbaycan futbolunda adını yazdıran Zülfqarlıyla "Neftçi" bunadək 5 illik müqavilə imzalayıb.

ŞƏRH YAZ
0

Cenk Tosun qol vurdu, ingilislər “Türkiyə” qışqırdı — VİDEO

Cenk Tosun qol vurdu, ingilislər “Türkiyə” qışqırdı
04:05
Bu gün
351
İdman
A
İngiltərə Premyer Liqasında “Mançester Siti” ilə “Kristal Pelas” qarşılaşıb.

"Ölkə.Az" qafqazinfo-ya istinadən xəbər verir ki, yeni komandasında ilk dəfə 11-likdə meydana çıxan türkiyəli futbolçu Cenk Tosun oyunun 39-cu dəqiqəsində “Kristal Pelas”ı önə çıxaran qol vurub. Tosunun bu qolundan sonra ingilis azarkeşlər tribunadan “Türkiyə” deyə qışqırmağa başlayıb.

Tosunu qarşılaşmanın 81-ci dəqiqəsində Konnor Uikem əvəz edib. Bu əvəzetmədən 1 dəqiqə sonra isə meydana çıxan Serqio Aquero hesabı bərabərləşdirib.

88-ci dəqiqədə ikinci qolu vuran Aquero “Mançester Siti”ni önə çıxarıb. 90-cı dəqiqədə Fernandinyo öz qapısından qol keçirib və hesab 2:2 bitib.

Bununla da “Mançester Siti”nin xalı 48 olub. “Kristal Pelas” isə xalını 30-a yüksəldib.

 
ŞƏRH YAZ
0

“Neftçi” baş məşqçisi ilə yollarını ayırdı

“Neftçi” baş məşqçisi ilə yollarını ayırdı
01:23
Bu gün
361
İdman
A
“Neftçi” Roberto Bordinlə müqaviləyə xitam verib.

"Ölkə.Az" kluba istinadən xəbər verir ki, "Neftçi” PFK-nın prezidentinin təqdimatı əsasında əsas komandanın hazırkı durumu Müşahidə Şurasının üzvləri ilə yenidən müzakirəyə təqdim edilib, irad və təkliflər dinlənilib.

Sonda komandanın indiki vəziyyəti nəzərə alınaraq, klubun baş məşqçisi Roberto Bordinlə müqaviləyə qarşılıqlı surətdə xitam verilməsi barədə qərar verilib.

Qərara əsasən, baş məşqçi Roberto Bordinlə görüş keçirilib və qarşılıqlı razılıq əsasında müqaviləyə xitam verilib. Əsas komanda müvəqqəti olaraq köməkçi məşqçi Füzuli Məmmədova tapşırılıb.

"Neftçi” PFK italiyalı mütəxəssis Roberto Bordinə xidmətlərinə görə təşəkkür edib, gələcək karyerasında uğurlar arzulayıb.

Ölkə.Az

ŞƏRH YAZ
0
BAĞLA