Ucarda ata və oğul bıçaqlandı
Ötən gecə Ucar rayonunda dəhşətli qətl hadisəsi baş verib.
Rayon prokurorluğundan “Ölkə.Az”-a verilən məlumata görə, şəhərin Heydər Əliyev prospekti, ev 92 ünvanında yaşayan 59 yaşlı Zahidov Tehran Salman oğlu və oğlu 36 yaşlı Zahidov Samir Tehran oğlu bıçaq xəsarətləri ilə ağır vəziyyətdə Ucar Mərkəzi Rayon Xəstəxanasına yerləşdiriliblər.
T. Zahidovun ürək nahiyəsindən aldığı xəsarət ağır olduğundan o, xəstəxanada ölüb. Oğlu S. Zahidov isə Göyçay Mərkəzi Rayon Xəstəxanasına aparılıb. Hadisənin baş vermə səbəbi hələlik məlum deyil. Hazırda hüquq-mühafizə orqanları hadisə yerində araşdırma aparır. Faktla bağlı Ucar rayon prokurorluğunda qəsdən adam öldürmə maddəsi ilə cinayət işi başlanıb.
