“Üçrəngli bayrağımız tezliklə Qarabağ səmalarında dalğalanacaq” — Deputat

“Üçrəngli bayrağımız tezliklə Qarabağ səmalarında dalğalanacaq”
16:14
08.11.2019
1632
Siyasət
A
Azərbaycan Respublikasının bayrağı Azərbaycan Xalq Cümhuriyyəti dövründə ilk dəfə Gəncə şəhərində dalğalanıb.

Bunu “Ölkə.Az” açıqlamasında deputat Naqif Həmzəyev  deyib. 

Onun sözlərinə görə,  1918-ci ilin iyun ayının 16-da Milli Şura Gəncəyə köçürüldükdən sonra 21 iyunda Azərbaycan Respublikasının bayrağı qəbul edildi. “Onda bayrağımız qırmızı rəngdəydi və üzərində aypara, 8 guşəli ulduz var idi. Lakin Bakı işğalçılardan azad olduqdan sonra bayrağımız ilk dəfə 9 noyabr tarixində 1918-ci ildə Azərbaycan Xalq Cümhuriyyətinin Nazirlər Şurasının yerləşdiyi binada dalğalandı. Həmin dövrdə üçrəngli bayraq qəbul edilmişdi. Şərqdə ilk demokratik respublikanın üçrəngli bayrağının hər bir rənginin anlamı var”- N.Həmzəyev bildirib.

Deputat təəssüflə qeyd edib ki, Azərbaycanda bolşevik  hakimiyyəti qurulduqdan sonra Sovetlər dönəmində Azərbaycan Respublikasının başqa bayrağı oldu:  “Ancaq 70 il sonra – 1990-cı il noyabrın 17-də Naxçıvanda ulu öndərimiz Heydər Əliyevin təşəbbüsü ilə yenidən üçrəngli bayraq Naxçıvan Muxtar Respublikasında dalğalandı və qəbul edildi. Sonradan - 1991-ci il fevral ayının 5-də Azərbaycan Respublikası Ali Soveti bu bayrağı Azərbaycan Respublikasının bayrağı olaraq qəbul etdi. O gündən indiyə qədər üçrəngli bayrağımızın altında şərəflə müstəqillik dövrümüzü yaşayırıq. Prezident İlham Əliyevin sərəncamı ilə 2009-cu ildən etibarən hər il noyabr ayının 9-da Bayraq günü qeyd olunur. Bu çox təqdirəlayiq bir haldır. Çünki bayraq müstəqilliyin əsas rəmzlərindən biridir”.

Deputat onu da əminliklə vurğulayıb ki, tezliklə işğal altında olan torpaqlarımızı işğaldan azad edəcəyik və üçrəngli bayrağımız Qarabağ səmalarında dalğalanacaq.

Mürtəza
Ölkə.Az

ŞƏRH YAZ
0

Prezidentdən icra başçılarına: Çatışmayan cəhətləri üzə çıxarmalısınız

Prezidentdən icra başçılarına: Çatışmayan cəhətləri üzə çıxarmalısınız
16:59
Bu gün
105
Siyasət
A
Bu gün kadr islahatlarının yeni dövrüdür. Bu gün bir neçə rayona icra başçıları təyin olunur. Onların bəziləri artıq neçə ildir ki, icra başçısı vəzifəsində işləyirlər, bəziləri bu gün bu məsul vəzifəyə təyin olunurlar. Biz burada təcrübə ilə yeniliyin sintezini, vəhdətini görürük və bu, uğurlarımızın əsas bazasıdır.

"Ölkə.Az" xəbər verir ki, bunu Azərbaycan Respublikasının Prezidenti İlham Əliyev İlqar Abbasovu Şirvan şəhər, Mərdan Camalovu Zərdab, Əziz Əzizovu Bakının Suraxanı, Elşad Həsənovu Yasamal, Rafiq Quliyevi Xətai rayonlarının icra hakimiyyətlərinin başçıları vəzifələrinə təyin olunmaları ilə bağlı qəbul edərkən deyib.

Dövlət başçısı qeyd edib ki, onlar vəziyyəti düzgün qiymətləndirməlidirlər:

“Yeni təyin olunan icra başçılarına mənim sözüm odur ki, siz, ilk növbədə, vəziyyəti düzgün qiymətləndirməlisiniz, çox ciddi təhlil aparmalısınız, çatışmayan cəhətləri üzə çıxarmalısınız və mövcud olan problemlərin həlli üçün səylərinizi göstərməlisiniz.

O problemlər ki, həlli mərkəzi icra orqanlarından asılıdır, siz mütləq mərkəzi icra orqanlarına, Prezident Administrasiyasına, Nazirlər Kabinetinə, digər müvafiq qurumlara müraciət etməlisiniz. O məsələləri ki, özünüz həll edə bilərsiniz, özünüz də həll etməlisiniz.

Başlıca məsələ ondan ibarətdir ki, sizin işinizdə əsas prinsiplər bərqərar olsun. Birinci halda ləyaqətlə xidmət etməlisiniz. Bu, həm bu gün yeni təyin olunan icra başçılarına, həm də artıq icra başçısı vəzifəsində işləmiş və digər rayon və şəhərlərə göndərilən icra başçılarına aiddir.

Xalqa xidmət etmək hər bir dövlət məmurunun borcudur və dəfələrlə demişəm ki, mən Prezident kimi öz vəzifəmi bunda görürəm – xalqa xidmət etmək. Məhz bu xidmətə görə Azərbaycan əhalisi bizə çox böyük dəstək göstərir.

Yenə də Davos İqtisadi Forumunun hesabatına qayıtmaq istəyirəm. Orada göstərilir ki, hakimiyyətin dəyişikliklərə, islahatlara meyili və əhali tərəfindən rəhbərliyə olan dəstək sahəsində Azərbaycan dünya miqyasında birinci onluğa daxil edilib. Bu dəstək nəyin hesabınadır? Ona görə ki, xalqa xidmət etmək mənim borcumdur və bundan sonra da əsas borcum olaraq qalacaq”.

ŞƏRH YAZ
0

İlham Əliyev: Özünü müxalifət adlandıran antimilli, tamamilə rəzil olmuş qorxaq dəstə bu işlərdə ön sıralardır

İlham Əliyev: Özünü müxalifət adlandıran antimilli, tamamilə rəzil olmuş qorxaq dəstə bu işlərdə ön sıralardır
16:45
Bu gün
261
Siyasət
A
Bəzən hansısa şəxsi zəmində dövlət məmurlarına qarşı əsassız ittihamlar irəli sürülür.

Bu fikirləri Azərbaycan Respublikasının Prezidenti İlham Əliyev yeni təyin olunmuş icra başçıları ilə görüşündə deyib:

“Xüsusilə özünü müxalifət adlandıran antimilli və tamamilə rəzil olmuş qorxaq dəstə bu işlərdə ön sıralardadır. Çünki onların əlindən heç nə gəlmir. Onların işi ancaq qarayaxma kampaniyaları aparmaq və bizim işimizə maneçilik törətməyə cəhd göstərməkdir.

Ancaq tarix və həqiqət onu göstərir ki, ayağımıza dolaşmaq istəyən bu antimilli qorxaq dəstə bizim işimizə zərrə qədər ziyan vura bilməz. İndi onlar ancaq sosial şəbəkələrdən, bəzi internet resurslarından istifadə edərək dövlət məmurlarına qarşı qarayaxma kampaniyası aparırlar. 

Ona görə yerlərdən gələn hər bir siqnala obyektiv baxılacaq və sizin fəaliyyətinizə obyektiv qiymət veriləcək. Ona görə siz elə işləməlisiniz ki, vətəndaşlar sizdən razı olsunlar, rəhbərlik edəcəyiniz şəhər və rayonlarda işlər yaxşı getsin.

Siz çalışmalısınız ki, rayonlara sərmayə qoyulsun, investorları inandırmaq üçün səylər göstərməlisiniz. Yəni, gözləməməlisiniz ki, dövlət gəlib hansısa işi görəcək, onsuz da biz bunu görürük.

Hazırda 4-cü regional inkişaf proqramının icrası davam edir. Əminəm ki, növbəti 4 il ərzində bu günə qədər öz həllini tapmamış məsələlər də öz həllini tapacaq. Ancaq siz hər bir rayonda mövcud olan problemlərə diqqət göstərməlisiniz, reaksiya verməlisiniz və çalışmalısınız ki, bu məsələlər öz həllini tapsın”.

ŞƏRH YAZ
0
BAĞLA