Üçüncü dünya müharibəsinin "ayaq səsləri" eşidilir — TƏHLÜKƏLİ GƏRGİNLİK

Üçüncü dünya müharibəsinin
16:10
09.08.2017
481
Analitika
A
Açıqlamaları qalmaqala çevrilən Tramp və Kim Çen İn arasındakı söz dueli dünyanın nəzərini Koreya yarımadasına çevirib.

 "Ölkə.Az" xəbər verir ki, mütəxəssislər nüvə silahının gündəmdə olduğu qarşılıqlı hədələrin 3-cü dünya müharibəsinə səbəb ola biləcəyini bildirirlər.

Əslində ABŞ və Şimali Koreya arasındakı gərgin münasibət bir müddətdir ki, bu formada davam edir. Amma xüsusilə ABŞ-ın sabiq prezidenti Barak Obamanın vəzifəyə başlamasından sonra Şimali Koreya beynəlxalq arenada önə çıxmağa başladı.

O dövrdə qitələrarası ballistik raketi sınaqdan keçirən rəsmi Pxenyan amerikalı jurnalistlər Euna Li və Laura Linqi saxlayaraq münasibətləri daha da gərginləşdirdi. Dövrün Şimali Koreya rəhbərliyi isə sərt bir qərar qəbul edərək Koreya müharibəsindən sonra 1953-cü ildə imzalanan silah tərketmə müqaviləsini "zibilliyə atacağı"nı bəyan edərək Cənubi Koreya və ABŞ-a meydan oxudu.

Obama dövründə ABŞ Şimali Koreya ilə müqavilə imzalayaraq ərzaq məhsulları əvəzində Yongbyondakı nüvə fəaliyyətlərini dayandırsa da, rəsmi Pxenyan keçmişdə olduğu kimi bu müqaviləni də heçə sayaraq qısa bir müddət sonra təhlükələri ard-arda sıralamağa davam etdi.

Bu həmlədən sonra Çin dənizində Cənubi Koreya-ABŞ birgə hərbi təlimlər keçirərək Şimali Koreyaya meydan oxudu. Eyni dövrdə "ABŞ-Cənubi Koreya əməkdaşlığı ABŞ-ın Sakit okean hövzəsindəki təhlükəsizliyinin bünövrəsidir" fikri ortaya çıxdı.

İki çılğın üz-üzə: Tramp və Kim Çen İn

Amma ABŞ-Şimali Koreya kontekstində baş verən bu gərginlik hər iki ölkə liderinin dəyişməsi ilə yeni və daha aqressiv bir səviyyəyə çatdı. Seçkilərdə qələbə qazanaraq cari ildən Ağ Evə rəhbərlik edən Donald Tramp vəzifəyə başlayan kimi Şimali Koreyanın bir neçə illik təcrübəyə sahib lideri Kim Çen İnə sataşmağa başladı hər iki tərəf "qılıncını çəkdi".

Şimali Koreya son günlərdə iki fərqli qitələrarası ballistik raketi sınaqdan keçirib. Ötən həftə həyata keçirilən "Hwasong-14" raketinin sınağının uğurla başa çatdığı bəyan edildi. Bəzi mütəxəssislər raketin ABŞ-ın Çikaqo şəhərini vura biləcəyini iddia edərkən ABŞ-ın tələbi ilə iclas çağıran BMT Təhlükəsizlik Şurası nüvə silah proqramını dayandırmayan Şimali Koreyaya qarşı yeni sanksiyaların tətbiq edilməsinə qərar verib. BMT Təhlükəsizlik Şurası sanksiyaların sərtləşdirilməsinə qərar verib və yeni sanksiyalar bu ölkəyə ixracatı qadağan edir və ediləcək investisiya qoyuluşlarını da azaldır. ABŞ-ın BMT-dəki nümayəndəsi Nikki Haley iclasdan sonra "Bu hər hansı bir ölkəyə qarşı tətbiq edilən ən çətin sanksiyalardır"-açıqlamasını verdi. Tramp isə Tvitterdə yeni sanksiyaların Şimali Koreyaya 1 milyard ziyan vuracağını yazdı.

İyulun ayının sonlarında sınaq atışı həyata keçirilən raketin 47 dəqiqə 12 saniyə ərzində 998 km yol qət etdiyini, 3.724 km hündürlükdə uçduğunu açıqlayan Şimali Koreya təhdidlərinə davam etdi. Mütəxəssislər raketin 6.700 km uzaqlıqdakı hədəfləri vura biləcəyini etiraf etdi.  Başda Çin və Cənubi Koreya olmaqla regionda gərginliyə səbəb olan raket sınaqları ilə birlikdə Kim Çen İn bunun ABŞ-a bir xəbərdarlıq olduğunu bəyan etdi.

"Washington Post" xəbəri vəziyyəti daha da gərginləşdirdi

İki ölkə arasında gərginliyi daha da pik nöqtəyə çatdıran isə "Washington Post" qəzetində yayımlanan xəbər idi. Xəbərə əsasən Şimali Koreya bir raketin içinə yerləşdirilə biləcək qədər kiçik bir nüvə başlığı istehsal edib. Xəbərdə qeyd edilir ki, Şimali Koreya ehtimal ediləndən də qısa müddətə ABŞ-ı vura bilmə gücünə sahib olacaq. ABŞ prezidenti Donald Tramp son hadisələrdən sonra "Şimali Koreya artıq ABŞ-ı təhdid etməsə yaxşı olar. Dünyanın heç görmədiyi bir atəş və qəzəblə üz-üzə qalacaqlar"- dedi.


Trampın bu açıqlamasından sonra isə Kim Çen bu günə qədər səsləndirdiyi ən sərt, iddialı və real təhdid dolu açıqlama verdi. Dünya ictimaiyyətinin diqqətini bu açıqlama çəkdi. Şimali Koreyanın rəsmi xəbər agentliyi sayılan "KCNA" Sakit okeanında ABŞ torpaq parçası olan Quam adasına orta və uzun mənzilli raket zərbələrinin endirilməsi barədə planın olduğunu bildirdi. Şimali Koreya Quam adalarını "Hwasong-12" raketləri ilə vurmağı hədəfləyir. Quamın ABŞ torpağı sayılması isə üçüncü dünya müharibəsinin çox yaxında olduğunu ortaya çıxarır.

Bu gərginlik isə Avropa birjalarında indekslərin aşağı düşməsinə səbəb olub. Quam qubernatoru Eddi Kalvo isə Şimali Koreyanın hədələrinə boyun əyməyəcəklərini bildirib. Kalvo deyib: "Quam ABŞ torpağıdır. Bura sadəcə bir hərbi baza deyil".

Qubernator ada xalqını qorumaq üçün lazım olan müdafiə tədbirlərinin görüldüyünü, istənilən hücuma hazır olduqlarını bildirib. Ağ Evlə əlaqə saxladığını da bildirən Kalvo "Müdafiə və daxili təhlükəsizlik nazirləri ilə keçirdiyimiz görüşlər nəticəsində təhdid səviyyəsinin artırılmamasına qərar verdik"- deyib.

Hikmət Həsənov
Ölkə.Az

ŞƏRH YAZ
0

Polisin bu səlahiyyəti “ASAN Xidmət”ə verilə bilər

Polisin bu səlahiyyəti “ASAN Xidmət”ə verilə bilər
12:45
02.07.2018
4699
Analitika
A
Azərbaycan Sığortaçılar Assosiasiyası (ASA) İctimai Birliyinin təşəbbüsü ilə qurumun, Vətəndaşlara Xidmət və Sosial İnnovasiyalar üzrə Dövlət Agentliyinin (“ASAN Xidmət”) və İcbari Sığorta Bürosunun (İSB) üçtərəfli görüşü keçirilib.

"Ölkə.Az"ın “Report”a istinadən məlumatına görə, görüşdə ASA-nın sədri Mustafa Abbasbəyli, “ASAN Xidmət” sədrinin müşaviri, Elektron Hökümət və Rəqəmsal İnnovasiyalar şöbəsinin müdiri Ceyhun Salmanov və İSB-nin icraçı direktoru Rəşad Əhmədov iştirak ediblər.

Tərəflər əsasən avtonəqliyyat hadisələri zamanı yol polisinin verdiyi 4 saylı arayışın “ASAN Xidmət”də verilməsini müzakirə edib. ASA-nın sədri bildirib ki, yol-nəqliyyat hadisəsi zamanı 4 saylı arayışın verilməsinin gecikdirilməsi, bilavasitə, sığorta ödənişlərinin gecikməsinə səbəb olur. Bu isə sığortalıların sığortaya və sığorta şirkətlərinə olan inam və etimadın zəifləməsinə gətirib çıxarır. Məsələnin sosial əhəmiyyətliliyini vurğulayan M.Abbasbəyli 4 saylı arayışın "ASAN Xidmət"də təqdim edilməsi sığorta hadisələri hesab olunan hallar üzrə operativ qaydada sığorta ödənişlərinin verilməsi ilə nəticələnəcəyini və bununla da, sığorta bazarından məmnun müştərilərin sayını artıracağını qeyd edib. Bu məsələdə İSB-nın mövcud elektron sistem infrastrukturunun faydalı olacağı diqqətə çatdırılıb.

Bununla yanaşı, səfər sığortasının "Asan Visa" vasitəsilə elektron qaydada təmin edilməsi təklif edilib. Ölkəyə səfər sığortası olmadan səyahət edən və ölkədən gedən şəxslərin bu yolla səfər sığortasını asanlıqla əldə edə biləcəyi qeyd edilib. Eyni qaydada, səfər sığortasının səyahətdə olan şəxslərin gözlənilməz hadisələr zamanı onları kompensasiya etməsi, hətta ölüm hallarında belə repatriasiya xərclərini qarşılaması baxımından sosial yönümlü bir məhsul olduğunu nəzərə alınaraq, bu addımın ictimaiyyət üçün təşviqedici xarakter daşıdığı bildirilib.

Görüşün yekununda təklif edilən məsələlər üzrə İşçi qrupunun yaradılması və bu sahədə işlərin görülməsi nəzərdən keçirilib. 

ŞƏRH YAZ
0

“Ya pul verin, ya da hərbi bazalarınızı yığışdırın” — Yerevan Rusiyaya eyham vurur

“Ya pul verin, ya da hərbi bazalarınızı yığışdırın”
22:04
19.06.2018
7819
Analitika
A
Politoloq Stepan Qriqoryana inansaq, Ermənistan Gümrüdə Rusiya hərbi bazasının yerləşdiyi torpaq sahəsinə görə icarə haqqını artırmağa hazırlaşır.

"Ölkə.Az" Virtualaz.org-a istinadən xəbər verir ki, Qriqoryan baş nazir Nikol Paşinyanın həyat yoldaşının baş redaktoru olduğu “Haykakan jamanak” qəzetində dərc etdirdiyi və Ermənistan-Rusiya münasibətlərinə həsr olunmuş məqaləsində hesab edir ki, Rusiya hərbi bazaları üçün təmənnasız və müddətsiz torpaq sahəsi ayrılması ədalətsiz və misli görünməmiş hadisədir. O qeyd edir ki, hətta Rusiyaya heç də az “sadiq” olmayan Belarus, Tacikistan və Qırğızıstan da öz ərazilərində Rusiya hərbi bazalarının yerləşdirilməsinin müqabilində xeyli məbləğdə pul alırlar.

Metsamor AES-in Rusiyanın ixtiyarına verilməsi, bir sıra iri sənaye obyektlərinin və az qala ölkənin bütün energetika sisteminin Rusiyaya “hədiyyə” edilməsi ona gətirib çıxarıb ki, Ermənistan regionda bütün əsas “kozır”larını həmişəlik itirib. Eyni zamanda, Ermənistanda mövqelərini xeyli möhkəmləndirdikdən sonra Rusiya atom yanacağının qiymətlərini kəskin qaldırıb və atom-elektrik stansiyasının bağlanmasından əldə edə biləcəyi bütün üstünlüklərdən istifadə etməyə çalışır.

“Rusiya AES-in bağlanmasına kompensasiya olaraq Aİ-nin Ermənistana təqdim etməyə hazır olduğu maliyyə dəstəyini əlinə keçirməyə hazırlaşır. Müxtəlif dəyərləndirmələrə görə, bu yardım 500 milyon dollar təşkil edə bilər. Bundan sonra, faktiki olaraq, Türkiyənin Metsamor AES-in bağlanması tələbini yerinə yetirdikdən sonra Moskva Ankaradan Rusiya-Türkiyə münasibətlərinin digər sahələrində bir sıra güzəştlərə nail olacaq”, - politoloq bildirir.

Müəllifin əlində olan məlumatlara əsasən, Rusiya erməni maraqlarını hesaba almayaraq, Qarabağ münaqişəsinin tənzimlənməsi məsələsində Azərbaycana kifayət qədər güzəştə getməyə hazırdır. Bir şərtlə ki, Azərbaycan da Moskvaya güzəştə getsin.

“Rusiyanın niyyətləri özünü keçmiş SSRİ ərazisində mövcud olan “tanınmamış dövlətlər”ə münasibətinin analizində də görünür. RF-nin konsulluq xidmətləri Dnestryanının, Abxaziyanın və Cənubi Osetiyanın sakinlərinə tamamilə sərbəst şəkildə Rusiya vətəndaşlıq pasportları paylayır. Bu ərazilərin liderləri Moskvada dövlət səviyyəsində qəbul edilirlər. Bunu Rusiya tərəfindən açıq dəstəkdən məhrum olunmuş Dağlıq Qarabağ Respublikasının rəhbərliyi barədə demək mümkün deyil. Eyni zamanda, Ermənistan hakimiyyəti Rusiyanı özünün yeganə strateji tərəfdaşı hesab etməkdə davam edir”, - C.Qriqoryan hiddətini bildirir.

Ölkə.Az

ŞƏRH YAZ
0
BAĞLA