Üçüncü Reyxin sirrləri — Nasistlər üçün arvad hazırlayan məktəb

Üçüncü Reyxin sirrləri
10:25
21.04.2017
707
Maraqlı
A
Üçüncü Reyxin bir çox sirri var. Zaman keçdikcə tədqiqatçılar, araşdırmaçılar bu sirrləri aşkara çıxarır, bilmədiklərimizi məxfi sənədlər əsasında toplayıb ortaya qoyurlar. Hələ bir çox məxfi sənədin açılmasına icazə verilmir. Bu sənədlər də açıldıqdan sonra Üçüncü Reyx, Hitler Almaniyası barədə bir çox qaranlıq suallara cavab tapılacaq.

Son dövrlər aparılan araşdırmalara görə məlum olub ki, nasist Almaniyasında zabitlər üçün xüsusi gəlin hazırlayan məktəb olub.

"Ölkə.Az" bu gün bu məktəb haqqında məlumat verəcək.

Almaniyanın Nasional Sosialist təşkilatının bir toplantısında Adolf Hitler "qadının müasir dünyada rolu" barədə suala belə cavab vermişdi: "Kiçik dünya ilə heç kəs məşğul olmasa, böyük dünyanın halı nə olardı?"

Hitlerin yaxın silahdaşlarından biri sayılan German Herinq də bu düşüncədə idi. O, qızlara deyirdi: "Əlinizə tava, döşəməsilən, süpürgə götürün və ərə gedin". İdeal həyat yoldaşı olmaq istəyən qızlar üçün isə nasist Almaniyasında məktəb və düşərgələr açıldı. Onların məqsədi cəmiyyətə yaxşı qadınlar bəxş etmək idi.

Birinci Dünya müharibəsi cəmiyyətin ruhunu əməlli-başlı dəyişmişdi. Milyonlarla kişi müharibədə həlak olmuşdu. Nəticədə kişilər azlıq təşkil etdiyindən, bir çox başsız qalmış qadın ailə qura bilmirdi. Bu səbəbdən qızlar və dul qadınlar istər-istəməz işləmək, bu yolla dolanmaq məcburiyyətində qaldılar.

Əksər qadınlar təhsil almağa can atırdılar. Məhz müharibədən sonrakı illərdə qadınlar nəinki ev işləriylə (paltar yumaq, təmizlik etmək) məşğul olur, eyni zamanda sırf kişilərə məxsus iş sahələrinə də əl atmağa başladılar. Məsələn, hüquq və müəllimlik sahəsində çalışan qadınların sayı getdikcə artmağa başladı. Amma nasistlər hakimiyyətə gəldikdən sonra dəyişikliklər başladı. Böyük dünyada bütün işlərlə ancaq kişilər məşğul olmalı idi.

Qadınların əsas məşğulliyyəti ərə getmək və böyük Almaniya üçün əsgər dünyaya gətirmək olmalı idi. Evdar qadın olmaq istəməyən qızların həyatını nasistlər sözün əsl mənasında cəhənnəmə çevirirdilər.

1937-ci ildə nasistlər "arvad hazırlayan məktəb" adlı təhsil ocağı açdılar. SS zabitlərinə və pariya funksionerlərinə ərə gedən qızlar bu məktəbdən keçməli idilər. Bu məktəbdə qızlara evdarlıq, uşağa qulluq və kənd təsərrüfatı işləri öyrədilirdi. Məktəbi uğurla bitirən qız nasistlər üçün ideal qadın obrazı idi. Qadınlara ali məktəblərdə təhsil almaq, ofis və istehsalat sahələrində işləmək qadağan edilirdi.

Bu yaxınlarda Berlin arxivində bu məktəblə bağlı sənədlər tapılıb. Sənədlərdə "arvad hazırlama məktəbi"nin təhsil sistemi barədə məlumatlar var. Bu sənədlər dünya tarixçilərinə nasizmin yeni bir xüsusiyyəti barədə müzakirələr açmağa şərait yaratdı. Antisemitizm və antikommunizmdən başqa, antifeminizm də nasizmin cizgilərindən biri idi.

SS-in reyxsfüreri Henrix Himmler 1936-cı ildə nasistlərin arvadı olmaq istəyən qızlar üçün xüsusi təlim kursunun yaradılması barədə sərəncam imzaladı.

"Gəlinlər məktəbi" adlandırılan kurslarda gənc qızlar "arvadlıq" öyrənirdilər. Kursun rəhbəri Hertruda Şolts-Klink idi. O, nasional-sosialist qadınlar təşkilatının sədri idi. Nasional-sosialist qadınlar təşkilatının 1943-cü ildə 7 milyon üzvü vardı.

Təhsil ocağında SS üzvləri və nasional-sosialist partiyasının işçiləri ilə nikaha girmək istəyən qızlar oxuyurdu. 1939-cu ildə siyahı genişləndirildi və seçim üçün qızlara zabit ərlər də təklif edildi.

İlk məktəb Berlin ətrafında yerləşən Vannezee adasındakı Şvanenverder adasında (Hebbels və Albert Şpeerin villasına yaxın yerdə) fəaliyyətə başladı. 1944-cü ilə qədər Almaniyada artıq 32 belə məktəb var idi.

Məktəbə ancaq ari irqindən olan qızlar qəbul edilirdi (bəzən qanında 8/1 yəhudi qanı olan alman qızlar üçün istisnalar da edilirdi). Məktəbə qəbul edilən qızların heç bir fiziki qüsuru və psixi xəstəliyi olmamalı idi. Eyni zamanda, valideynlərindən hansısa biri şizofreniya xəstəliyindən əziyyət çəkən qızlar da məktəbə qəbul edilmirdi.

Təşkil edilən kurslarda gəlin namizədlər 6 həftəlik kurslar keçirdilər (1939-cu ildən kurslar 2 aylıq oldu). Kurs ərzində qızlara nəinki evdarlıq, eyni zamanda genetikanın əsasları, irqlər haqqında məlumat, tarix və poliotologiya da tədris edilirdi. Hər gün iki dərs bədən tərbiyəsinə aid idi. Təhsilin vacib elementlərindən biri də kənd təsərrüfatına aid işlər idi. Torpaqda işləmək alman qadını üçün layiqli iş sayılırdı.

Bundan əlavə, gəlinlərə bəlağət elmi, kübar ədalar və uşaqlara qulluq da öyrədilirdi. Kurs bitəndə bütün elmlərə yiyələnən gəlinlərə sertifikat verilirdi. Bu sertifikat isə, nümunəvi alman kişisi ilə ailə qurmaq üçün kifayət idi.

Belə məktəblərdə təhsil haqqı ödənişli idi. Bir kursun qiyməti 135 alman markı idi. Nikaha girən hər bir məktəb məzunu toydan sonra dövlət tərəfindən 1000 alman markı dəyərində, faissiz, 5 illik maliyyə yardımı ala bilirdi. Üstünlüklər bununla bitmirdi. Ərə gedən qızların dünyaya gətirdikləri hər uşağa görə götürdükləri kreditin 250 markı bağışlanırdı.

Alman qadınının əsas tərbiyəsi o dövr üçün məhşur 3 K hərfi ilə bağlı idi: kinder, küche və kirche (uşaq, mətbəx, kilsə). Həqiqətən də, XX əsrdə Hitler Almaniyasında nasistlər üçün ideal qadın fəaliyyəti bundan ibarət idi. Daha dəqiq desək, almanlarda "arvad məktəbi", qadının cəmiyyətdə rolu barədə fikirlərin ideoloji təməli Hitler hakimiyyətə gəlməzdən əvvəl düşünülmüşdü.

1917-ci ildə Ştutqartda ilk "analar məktəbi"nin açılışı baş tutub. Bu məktəbdə qadınlara ailəyə, dövlətə və evdarlığa sadiqlik öyrədilirdi. Birinci dünya müharibəsinin ağırlığı fonunda bu məktəb əslində lazım idi.

Nasist rejiminin əsas hədəflərindən biri də əhalinin say artımı idi. Qadınların əsas qadınlıq funksiyasını yerinə yetirməsi məsələsində isə işləmək və ali təhsil ocaqlarında oxumaq əngəl törədirdi.

Əgər hər hansısa bir müəssisədə, zavodda, fabrikdə işləyən qadın ailə qurduqdan sonra öz xoşu ilə işdən çıxırdısa, ona faizsiz 600 mark məbləğində kredit verilirdi. 1934-cü ildən etibarən demoqrafik artımda sıçrayış oldu. 1934-cü ildən etibarən dövlət tərəfindən ailə və uşaq yardımları barədə qərar qüvvəyə mindi. Bir uşaq üçün dövlət tərəfindən ödənilən məbləğ 30 mark idi. Çoxailəli uşaqlara güzəştli qiymətlərlə tibbi yardım göstərilməyə başladı. Hamilə qadınları analığa hazırlayan xüsusi məktəblər açıldı.

Dövlət təbliğatı ananın şərəf və ləyaqətini göylərə qaldırır, 8 övlad sahibi olan qadınlar isə Qızıl Ana xaçı ilə təltif edilirdi. Medaldan əlavə, 8 uşaq anası ayda 500 mark məbləğində yardım da alırdı. Almaniya demoqrafik artımın çox yüksək templə inkişaf etdiyi Avropa ölkəsinə çevrildi. Əgər 1934-cü ildə 1 milyon körpə dünyaya gəlmişdisə, 1939-cu ildə bu rəqəm 1.5 milyon idi.

Qadınların siyasi fəaliyyəti də təşviq edilirdi. 1941-ci ildə Nasional Sosialist Partiyasının üzvləri arasında qadınların payı 16.5 faiz idi. Bu isə, SSRİ ilə müqayisədə eyni ildə komunist partiyasına üzv olan qadınların sayından iki dəfə çox idi.

Fəhlə və kəndli sinfinə aid işsiz qadınlar üçün əmək düşərgələri təşkil edilmişdi. Bu düşərgələrdə qadınlar həftə ərzində 20 saat işləməli idilər.

Əmək düşərgələrində yaşayan qadınlar xüsusi uniforma geyinirdilər. Qızları işçi qızlar (Almanca arbeitsmaiden - hərfi tərcüməsi işləyən, işçi qız deməkdir) adlandırmağa başladılar. Die Maid alman dilində qız deməkdir. Amma hər bir hərfin mənası var. Hər bir hərfə uyğun alman qadınını tərənnüm edən, xarakterizə edən sözlər tapılmışdı: Der Mut - cəsarət, die Aufopferung - fədakarlıq, der Idealismus - idealizm və die Demut - təvazökarlıq.

Nasistlər hakimiyyətə gəldikdən sonra qadınların peşəkar, siyasi və akademik karyeraya can atmalarına anormallıq kimi baxmağa başladılar. Qadın üçün ən böyük səadət ailə ocağı ətrafında, ərinin yanında olmaq sayılırdı. Heç təsadüfi deyil ki, 1921-ci ildən Nasional Sosialist Partiyasının qərarına görə, qadınların partiya və dövlət orqanlarında yüksək vəzifə tutması mümkün deyildi. 1933-cü ilin yaz aylarında dövlət aparatında çalışan qadınlar müntəzəm şəkildə işdən azad edildilər. Aparatda çalışan qadınlarla yanaşı, ərdə olan həkim qadınları da işdən azad etdilər. Çünki nasistlərin qərarına əsasən, xalqın sağlamlığı çox məsuliyyətli bir iş idi və bu tapşırığı qadınlara həvalə etmək olmazdı.

Nasistlər 20-ci illərin azad fikirli qadınlarını görmək belə istəmirdilər. Oğlansayağı saç düzümü, parlaq qırmızı dodaq boyası, qısa yubka, müştüklü siqaret, caz və çarlston rəsmən qadağan edildi. Yeni dövrün idealı hündürboylu, mavi gözlü sarışınlar oldu. Sadə və ciddi geyim qadınların ideal seçimi idi. Bir müddət sonra kosmetikadan istifadə etmək də arzuolunmaz hala çevrildi.

Hətta Hitlerin sevgilisi Yeva Braun fürerdən gizli olaraq makyaj edir, dodaqlarını boyayırdı. Hitler ona siqaret çəkməyi də qadağan etmişdi. Amma o, Hitler yanında olmayanda siqaret çəkirdi.

1936-cı ildə hakim və vəkil işində çalışan ərli qadınlar da işdən azad edildilər. Çünki onları ərləri saxlayıb dolandıra bilərdi. Qəflətən pedaqoq qadınların sayında kəskin azalma müşahidə edildi. Qadın məktəblərində isə əsas tədris fənləri evdarlıq və əl işləri oldu.

Faktiki olaraq qadınların ali təhsil almasına qadağa qoyuldu. Artıq 1934-cü ildə alman universitetlərində 1500 tələbə qız təhsil alırdı. Amma 1930-cu ildə bu rəqəm 32 min idi! Sonuncu Veymar reyxstaqının qadın deputatlarının da taleyi çox maraqlı oldu. 4 deputat özünə qəsd etdi, 10 nəfər konslagerə düşdü, 30 nəfər ev dustağına çevrildi, 43 nəfər isə ölkədən qovuldu.

Alman mətbuatı da bu mövzuda nasistlərə kömək edirdi. Mətbuat məşhur, istedadlı aktrisa və rejissor Rifenştal, pilot-idmançı Reyçin uğurlarını birbaşa nasional-sosialzmə olan dərin inamda görürdü. Partiyanın əhali arasında təbliğatını aparmaq üçün keçmiş aktrisa E.Herinq, 6 uşaq anası M.Hebbelsdən də istifadə edilirdi.

Alman qadını onlara qarşı aparılan siyasətə kifayət qədər soyuqqanlı və sakit yanaşdı. Onlar artıq ailə sahibi olmaları və ərləri tərəfindən kifayət qədər pul ilə təmin olunmaları ilə fəxr edirdilər. Artıq, rahat-rahat dükanları gəzmək mümkün idi.

1937-ci ildə Hitler partiyanın qurultayında böyük qadın auditoriyası qarşısında çıxış etdi. Onu ölkənin hər yerindən iclasa qatılmış 20 min alman qadını dinləyirdi.

Nasist rejimi istehsalatda və xidmət sahəsində çalışan qadınlara qarşı fərqli siyasət aparırdı. Onlar "ev köməkçisi" işləyən 4 milyon qadına, çoxsaylı aşpaz qadınlara toxunmadılar. Əksinə, bu tip məşğuliyyətlər əsl tipik qadın məşğuliyyətləri adlandırılırdı. Subay qızların iş arealı genişləndirilirdi. 1939-cu il yanvarından 25 yaşdan etibarən gənc subay xanımların əmək mükəlləfiyyəti məcburi qaydada tənzimləndi. Onları ya kəndlərə kənd təsərrüfatı sahəsində çalışmağa, ya da çoxuşaqlı analara xidmətçi işləməyə göndərirdilər.

Qadınlar üçün kənd təsərrüfatı sahəsində çalışmaq prestij sayılırdı. Torpaqla işləmək qadının əsas məziyətlərindən biri elan edilmişdi. Ailələr üçün bağ yeri üçün torpaq sahəsinin ayrılması məhz Hitler tərəfindən düşünülmüşdü. Sonradan bu plan demək olar ki, bütün Avropa dövlətlərində tətbiq edilməyə başlandı. SSRİ-də bu sahədə qərarlar Brejnevin dövründə qəbul edildi.

Hikmət
Ölkə.Az

ŞƏRH YAZ
0

Axşam saatlarına yaxın sevdiyiniz insanla söhbət edin

Axşam saatlarına yaxın sevdiyiniz insanla söhbət edin
00:13
Bu gün
1571
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - qüvvəniz və imkanlarınız xaricində olan işlərə başlamayın. Potensialınızı düzgün qiymətləndirin, realist olun. Uğur şanslarının az olduğu aşkarlananda geri çəkilməyin, ruhdan düşməyin. Yardımçı, köməkçi arayın. Bu, yaxşı taktikadır. Müttəfiqlər yardımı əsirgəməyəcəklər, bəzi işləri sizinlə birlikdə bitirəcəklər.

Günün ikinci yarısında bacarıq, bilik və təcrübənizi nümayiş etdirməkdən çəkinməyin. Amma ifrata varmayın, özünüreklamla məşğul olmayın. İmiclə eksperimentlər etmək, gerçəkdən də, parlaq nəsnəni sınaqdan keçirmək olar. Yaşam potensialının səviyyəsi yüksəkdir. Əhvalınız pis olmayacaq.

Buğa - sənədlərin hazırlanması və qeydə alınması ilə bağıl problemlər yarana bilər. Nüfuzlu insanlar və ya dövlət qurumlarının nümayəndələri ilə təmaslar asan olmayacaq. Müstəqil çalışsanız, böyük uğurlara nail ola bilərsiniz.

Birgə layihələrin reallaşdırılması və ya əməkdaşlıq məqamlarında çətinliklər yaranacaq.

Günün ikinci yarısında emosional fon əlverişlidir. Ruh düşkünlüyünə qapılmayın. Baş verənlərə rəğmən geri çəkilməyin, süst olmayın. Dəyər verdiyiniz insanlardan xəbər alacaqsınız.

Axşam saatları dostlarla ünsiyyət, dəvət olunduğunuz yerə yollanmaq üçün əlverişlidir.

Əkizlər - peşəkar fəaliyyət sahəsindəki problemlər sizi ruhdan salmasın. Əksinə, daha böyük enerji ilə çalışın, qeyri-standart qərarlar qəbul edin.

Yeni müttəfiqlərin axtarışı və əməkdaşlığa başlamaq üçün əlverişli zamandır. İşgüzar danışıqlar, səfər və müzakirələr uğurlu olacaq.

Günün ikinci yarısında az da olsa, gəlir əldə edəcəksiniz. Hədiyyə almağınız istisna deyil. Sevdiyiniz insanla axşam saatlarını normal keçirməyə çalışın.

Səhhətinizdə kiçik problemlər istisna deyil. Amma sağlıq durumunuza görə təlaşa düşməyin - təhlükə yoxdur.

Xərçəng - işlərə təkbaşına başlayaraq tənha çalışmayın. Ən çətin situasiyalarda yanınızda olacaq müttəfiqlər və ya köməkçilər tapa bilərsiniz. Peşəkar fəaliyyət sahəsi ilə yanaşı, şəxsi münasibətlərlə bağlı məsələləri müzakirə etmək üçün pis gün deyil.

Zəngin yaşam təcrübəsinə malik insanlar günün ikinci yarısında sizə yaxşı məsləhət verəcəklər.

Maliyyə baxımından əlverişli zamandır. Xərclər az, gəlirlər isə çoxdur. Alış-verişə çıxa bilərsiniz. Ailə üzvlərinə xüsusi diqqət yetirin. Sevdiyiniz insanla həssas olun.

Şir - sizi böyük, amma mürəkkəb işlər gözləyir. Həmin işlərə başlamazdan əvvəl yardımçılar tapın, nüfuzlu insanlardan dəstək alın. Problemləri təkbaşına həll etmək mənasız və qeyri-effektiv seçim olardı. "Komanda oyunu" daha məsləhətdir. Mühüm qərarlar qəbul etməklə yanaşı, bəzi əməliyyatlara rəhbərlik edə bilərsiniz.

Günün ikinci yarısı maliyyə məsələləri ilə bağlı situasiya baxımından neytraldır. İri məbləğli gəlirlər ehtimalı azdır. Qəfil xərclər də olmayacaq.

Diqqət mərkəzinə düşsəniz də, yeni münasibətlərə başlamağa tələsməyin.

Qız - çox müşkül problemi həll etmək məcburiyyətində qalacaqsınız. Ətrafınızda olan insanlara çox işlərə qadir olduğunuzu sübut edin. Peşəkar fəaliyyət sahəsindəki uğurlarınız həmkarlarınızın qibtəsinə və paxıllığına səbəb ola bilər. Onlar yalnız nəticəni görür, uğur əldə etmək üçün göstərdiyiniz səyləri və çəkdiyiniz zəhməti nəzərə almaq istəmirlər.

Günün ikinci yarısında sərfəli, uzunmüddətli anlaşma, sövdələşmə və müqavilə istisna deyil.

İşlər çox olsa da, axşam saatlarında yaxınlarla təmaslara vaxt ayırın. Bu vaxtı əla keçirəcəksiniz. Sevdiyiniz adamlarla dil tapmağa çalışın. Münaqişə, qarşıdurma və mübahisələrə yol verməyin.

Tərəzi - yeni təəssüratlar xoş olacaq. Sizi xoş xəbərlər gözləyir. Gün pis keçməyəcək. Peşəkar fəaliyyət müstəvisində yeni, maraqlı işlər peyda olur. Həmin işləri görərkən yeni təcrübə və bacarıq əldə etməklə yanaşı, maraqlı insanlarla tanış olacaqsınız.

Gəlirlər gecikir. Amma maliyyə böhranı olmayacaq. Malik olduğunuz vəsaiti ağılla xərcləyin.

Günün ikinci yarısı romantik görüşlər və dostlarla təmaslar, rəğbət bəslədiyiniz insanlarla ünsiyyət üçün münasibdir. Sizdə mənfi emosiyalar və qıcıq yaradan insanlardan uzaq durun.

Həmin yaramaz şəxslər əhvalınızı korlaya bilər.

Əqrəb - yaxın ətrafınızdakı insanlar sizdən işlərdə ciddi irəliləyişlər, yaşanan problemlərin təcili həllini gözləyirlər. Siz də onların ümidlərini puç etməmək və gözləntilərini doğrultmaq üçün çox çalışırsınız. Məqsədə çatırsınız, amma bu, asan olmur. Əsəb gərginliyi yüksək olacaq.

Günün ikinci yarısında emosiyalarınıza hakim olmağa çalışın, hisslərin əsiri olmayın. Təmasları məhdudlaşdırın. Həyasız və tamahkar insanlarla ünsiyyəti dayandırın.

Axşam saatlarında gəzintiyə çıxın, istirahət edin.

Yaşam potensialının səviyyəsi aşağıdır. Yoluxucu xəstəliyə mübtəla olmamaq üçün profilaktiki tədbirlərə əl atın.

Ailə üzvləri və ya ən yaxın dostlarla vaxt keçirin.

Oxatan - çox işlər görməlisiniz. Günlə bağlı planı nə qədər tez hazırlayıb ona riayət etməyə başlasanız, bir o qədər yaxşıdır. Boş söhbətlərə vaxt sərf etməyin. Sizinlə ünsiyyətdə olmaq istəyənlər az deyil. Onların arasında sizdən, sadəcə, öz məqsədləri üçün yararlanmaq istəyənlər də var.

Günün ikinci yarısında gəlirlər olacaq. Amma əldə ediləcək məbləğ sizi razı salmayacaq.

Məişət texnikası, mebel, interyer predmetləri, habelə yaxınlarınıza hədiyyələr almaq üçün münasib zamandır. Axşam saatlarında yeni bilik, bacarıq və ya təcrübə əldə edə bilərsiniz. Dünyagörüşünü artırmaq, yeni faydalı tanışlıqlara nail olmaq şansı var.

Oğlaq - günün ilk yarısı yaxşı xəbərlər və maraqlı işgüzar təkliflər zamanıdır. Qərarları sürətlə, təxirə salmadan qəbul etmək gərəkdir. Fikirləşmək, düşünüb-daşınmaq üçün vaxt azdır.

Saatlar keçdikcə əhvalınız pisləşə bilər. Bir qədər istirahət edin. Gəzintiyə çıxmaqda, rəğbət bəslədiyiniz insanla söhbətdə xeyir var.

Günün ikinci yarısında uzaq yola çıxmayın. Evdə qalın, bəyəndiyiniz işlərlə məşğul olun.

Qida rasionunuza fikir verin, tamahkarlıq etməyin. Əks təqdirdə səhhətinizdə problemlər yarana bilər.

Dolça - aldığınız informasiyalar qarışıq və ziddiyyətlidir. Dürüst qərar qəbul etmək asandır. İntuisiya susur. Yalnız öz sağlam məntiqinizə, yaşam təcrübənizə bel bağlayın. Etibar etdiyiniz insanın, yaxın dostun məsləhətindən yararlanmaq olar. Aldığınız təkliflər yalnız ilk baxışdan cazibədar və maraqlıdır.

Həmin təkliflərdən birini qəbul etsəniz, çətinliklərlə üzləşəcəksiniz.

Günün ikinci yarısında imiclə eksperimentlər etməyin. Axşam saatlarına yaxın sevdiyiniz insanla söhbət edin. Səmimi, həssas olun. Sizi anlayacaq, dəstəkləyəcəklər. Hisslərinizi bölüşməkdən çəkinməyin.

Balıqlar - kommersiya fəaliyyəti üçün əlverişli zamandır. Bir müddət sonra gəlir gətirəcək anlaşma və sövdələşmələrə nail ola bilərsiniz. İş yerini dəyişmək, daha çox maaş verilən yerdə çalışmaq imkanları yaranır. Amma o iş indiki ilə müqayisədə daha az maraqlıdır. Düşünün - belə dəyişiklik sizə gərəkdirmi?

Günün ikinci yarısında qəfil səfər, işgüzar görüşlər istisna deyil. Qarşınızda yeni perspektivlər yaranır.

Axşam saatları idman və fiziki əmək üçün münasibdir. Yaxşı formadasınız, ifrat yorğunluq riski yoxdur. Axşam saatlarında xoş sürprizlər ola bilər. Romantik görüş pis keçməsə də, gözləntilərinizi doğrultmayacaq.

Ölkə.Az

ŞƏRH YAZ
0

Dünyanı bəzəyən 5 MÜQƏDDƏS ŞƏHƏR — SİYAHI və FOTOLAR

Dünyanı bəzəyən 5 MÜQƏDDƏS ŞƏHƏR
20:00
25.05.2018
5470
Maraqlı
A
Dünyada milyonlarla şəhər var. Dünyada 4 minə yaxın dini inanc var.

"Ölkə.Az" bu gün ən məşhur dinlərin mərkəzinə çevrilmiş şəhərlərin siyahısını təqdim edir. Bu şəhərlər daim zəvvarların axınına uğrayır.

1. Qüds, İsrail

Dünyanın ən qədim şəhərlərindəndir. İlk dəfə adı eramızdan əvvəl 2-ci minillikdə çəkilir. Dünyanın üç dini-xristianlıq, musəvilik və islam üçün müqəddəs sayılır. Adı tərcümədən sülh şəhəri olsa da, bu günə qədər bir çox hücumlara məruz qalıb.

XXII əsrdə səlib yürüşünə yollanan məşhur Şir Ürəyi Qüdsə son anda daxil olmaqdan vaz keçir. Çünki insanların xatirəsində Müqəddəs Torpaqda qantökən kimi qalmaq istəmirdi.

Məbəd dağı musəvilər, xristianlar və müsəlmanlar tərəfindən müqəddəs sayılan yeganə yerdir. Bir versiyaya görə, burada Adəmin ilk dəfə işıq gördüyü qaya var. Müsəlmanlara görə, Məhəmməd Peyğəmbər bu daşa ayaq basaraq Miraca qalxıb.

Dünyanın ən bahalı qəbiristanlığı da Qüds şəhərindədir. Burada dəfn edilmək bir neçə milyona başa gəlir. Ərazisi kiçik olduğu üçün qiymətlər belədir. İnsanların inancına görə, Məsih zühr edəndə burada dəfn edilənlər diriləcəklər və Cənnətə birinci daxil olacaqlar.

Məkkə, Səudiyyə Ərəbistanı

Müsəlmanların müqəddəs şəhəri, Səudiyyənin paytaxtı və Məhəmməd peyğəmbərin vətənidir. Dünyanın bütün müsəlmanları namaz qılanda qiblə kimi Məkkəni, daha dəqiq desək, Kəbəni götürürlər. Müsəlmanlığın beş vacib şərtindən biri də Həcc ziyarətidir.

Məkkənin ən gözəl məscidi Əl-Haramdır. Məscidin 44 girişi, 9 minarəsi var. Sahəsi 309 min kvadrat metrdir. Kompleksin mərkəzində müqəddəs Kəbə yerləşir. İnanca görə, Həzrət Əli burada anadan olub. Bundan başqa Kəbəni İbrahim peyğəmbər inşa edib. Kəbənin mərkəzində Həcər daşı var.

Vatikan, İtaliya

İtaliyanın paytaxtı Roma şəhərinin daxilində cırtdan dövlətdir. Vatikan "Mons Vaticanus" təpəsinin şərəfinə adlandırılıb. Sahəsi cəmi 440 min kvadrat metrdir. Dövlət sərhədi isə cəmi 3.2 km-dir. Vatikanda absolut monarxiya hökm sürür. Roma Papası hakimiyyətin bütün qollarına nəzarət edir. Vatikanın bütün sakinləri Katolik Kilsəsinin işçiləridir. Katolik dininin mərkəzi sayılır. Orta Əsrlərdən bu yana bütün katoliklərin müqəddəs şəhəridir. Hər il milyonlarla turist Vatikanı ziyarət edir.

Varanasi, Hindistan

Əfsanəyə görə, Şiva tərəfindən inşa edilən şəhərdir. Hindistan sakinləri inanırlar ki, məhz səma çarlığına ən maksimal yaxınlıq burada yerləşir. Şəhər induslar və buddistlər hər il bu şəhəri ziyarət edirlər.

Müqəddəs Qanq çayında çimmək günahlardan təmizlənmək mənasına gəlir. Varanasi şəhərində vəfat etmək böyük iş sayılır.

Lxasa, Tibet

Lxasa VII əsrdən bu yana Tibetin paytaxtı və mədəniyyət mərkəzi sayılır. Şəhər 3660 metr hündürlükdə yerləşir. İl ərzində günəş şüaları 3000 saat Lxasaya düşür. Bu səbəbdən bəzən şəhəri Günəş şəhəri adlandırırlar.

Dünyanın ən qədim dinlərindən sayılan buddizmin mərkəzlərindənddir. Buddanın heykəlləri məbəd və şəhəri bəzəyir. Heykəllər qızıl suyuna çəkilib. Lxasanın əsas müqəddəs məbədi Cokanq məbədidir. Dünya buddist zəvvarlığının mərkəzi sayılır.

Hikmət
Ölkə.Az

ŞƏRH YAZ
0
BAĞLA