Мüdafiə Nazirliyindən sərt reaksiya — Düşmən dəyirmanına su tökmək kifayətdir!

Мüdafiə Nazirliyindən sərt reaksiya
09:47
12.01.2018
4567
Ölkə
A
“Xəzər” hərbi tədqiqatlar institutu adlandıran “qurum”un növbəti qərəzli statistikasına Müdafiə Nazirliyi tərəfindən açıqlama verilib.

Azərbaycan Müdafiə Nazirliyindən "Ölkə.Az"a verilən məlumata görə, ölkəmizdən kənarda yerləşən və Silahlı Qüvvələrə qarşı daim qərəzli mövqeyi ilə seçilən bəzi internet resursları 1 nəfərdən ibarət olan “Xəzər” hərbi tədqiqatlar institutu adlandıran bir “qurum”un növbəti dəfə Azərbaycan Ordusu haqqında hazırladığı qərəzli “statistika”sını tirajlayıb. 

Qeyd edək ki, Azərbaycan və Ermənistandakı hazırki ictimai-siyasi, sosial-iqtisadi və ən əsası müdafiə sahəsindəki vəziyyəti bilərək bu ölkələrin ordularını müqayisə predmetinə çevirmək düşmənçilik və absurd baxışdan başqa bir şey deyil.

Dövlətimizin qayğısı sayəsində hərbi qulluqçuların sosial-məişət şəraiti yaxşılaşıb və Orduda mənəvi-psixoloji durum sağlamlaşıb. Döyüş qabiliyyətinin yüksəldilməsi məqsədilə müdafiənin ön xəttində zəruri fortifikasiya işləri və mühəndis-istehkam tədbirləri həyata keçirilərək mövqelər möhkəmləndirilib, daha etibarlı sığınacaqlar, səngərlər hazırlanıb, qoşunların maskalanması və mühafizəsi gücləndirilib. Bu səbəbdən də bütün istiqamətlər üzrə ötən illərlə müqayisədə 2017-ci ildə döyüş və qeyri-döyüş itkiləri 20 % azalıb.

Lakin Ermənistan və onun işğalçı ordusunda olan real acınacaqlı vəziyyət nəticəsində düşmən itkilərinin sayı daim artır. Təkcə rəsmi məlumatlara əsasən, 2017-ci ildə düşmən tərəfi 32 döyüş, 30 qeyri-döyüş itkisi verib, eləcə də ermənilərin 100-dək yaralısı olub. Müxtəlif mənbələrdən əldə olunan məlumata görə, isə həqiqətdə erməni tərəfinin real itkiləri rəsmi göstərilən rəqəmlərdən qat-qat artıqdır. 

Artıq cari ilin cəmi 8 günü ərzində, yalnız rəsmi məlumatlara əsasən işğalçı ordunun 4 nəfər hərbi qulluqçusu ölüb, 10 nəfəri isə ağır yaralanıb.

Odur ki, əsası olmayan, qeyri-rəsmi mənbələrdən toplanaraq Azərbaycan Ordusu haqqında yanlış və dezinformasiya xarakterli xəbərlərin yayılması mövcud duruma heç bir ciddi təsir göstərmir. Çünki xalqımız Ordumuzdakı vəziyyəti yaxşı bilir və Ali Baş Komandanın rəhbərliyi ilə aparılan islahatlar nəticəsində əldə edilən uğurlardan tam məlumatlıdır.

Belə olduğu halda bu cür pərakəndə rəqəmləri mütəmadi şəkildə toplayıb, hər dəfə müxtəlif cəfəng şərhlər əlavə etməklə acınacaqlı vəziyyət təsəvvürü yaratmağa cəhd göstərmək düşmən dəyirmanına su tökmək məqsədi daşıyır və bu kimi əməllər ölkəmizi gözü götürməyənlərin maraqlarına xidmət edir.

Aşağıda göstərilən siyahıda, yalnız Ermənistandan hərbi xidmətə çağırılan hərbçilər haqqında rəsmi statistika təqdim edilib. Əgər buraya Dağlıq Qarabağdan çağırılan və erməni ictimaiyyətindən də gizlədilən məlumatları əlavə etsək, onda ölən erməni hərbçilərin sayı xeyli artar.

1. 
04.01.2017
Qaqik Kazinyan 
Qeyri-döyüş itkisi (avtoqəza)

2. 
15.01.2017
Qaqik Vardanyan
Döyüş itkisi 

3. 
16.01.2017
Araik Sarkisyan
Döyüş itkisi 

4. 
18.01.2017
Andranik Musikyan 
Döyüş itkisi 

5. 
23.01.2017
Karen Ulubabyan 
Döyüş itkisi 

6. 
25.01.2017
Şavarş Qalstyan 
Qeyri-döyüş itkisi (özünəqəsd)

7. 
26.01.2017
Samvel Apinyan
Qeyri-döyüş itkisi (xəstəlik)

8. 
06.02.2017
Qor Qareginyan 
Döyüş itkisi 

9. 
08.02.2017
Qarik Zqoyan 
Döyüş itkisi 

10. 
08.02.2017
Qeqam Manukyan
Döyüş itkisi 

11. 
11.02.2017
Markar Asatryan 
Döyüş itkisi 

12. 
15.02.2017
Qaregin Minasyan 
Qeyri-döyüş itkisi (avtoqəza)

13. 
17.02.2017 
Qaregin Arqamanyan 
Qeyri-döyüş itkisi (qazdan zəhərlənmə)

14. 
18.02.2017
Lernik Osyan 
Qeyri-döyüş itkisi (özünəqəsd)

15. 
23.02.2017
Qor Xudinyan 
Qeyri-döyüş itkisi (özünəqəsd)

16. 
01.03.2017
Qurgen Sarkisyan 
Qeyri-döyüş itkisi (özünəqəsd)

17. 
01.03.2017
Nver Babacanyan 
Döyüş itkisi 

18. 
28.03.2017
Artak Rafaelyan
Döyüş itkisi 

19. 
31.03.2017
Qor Ovannisyan
Döyüş itkisi 

20. 
21.04.2017
Narek Akopyan
Qeyri-döyüş itkisi 

21. 
24.04.2017
Narek Arutyunyan
Döyüş itkisi

22. 
25.04.2017
Karen Avetisyan 
Qeyri-döyüş itkisi (naməlum)

23. 
26.04.2017
Armen Saturyan 
Qeyri-döyüş itkisi (xəstəlik)

24. 
28.04.2017
Mqer Arzumanyan 
Döyüş itkisi

25. 
08.05.2017
Ruben Barsegyan 
Qeyri-döyüş itkisi (avtoqəza)

26. 
08.05.2017
Rafael Bişaryan
Qeyri-döyüş itkisi (avtoqəza)

27. 
08.05.2017
Ruben Mnasakanyan
Qeyri-döyüş itkisi (avtoqəza)

28. 
10.05.2017
Qaqik Mesropyan
Qeyri-döyüş itkisi (özünəqəsd)

29. 
14.05.2017
Arşak Arşakyan
Qeyri-döyüş itkisi (özünəqəsd)

30. 
17.05.2017
Qrişa Karapetyan
Döyüş itkisi

31. 
20.05.2017
Karen Danielyan
Döyüş itkisi

32. 
26.05.2017
Armen Arutyunyan 
Döyüş itkisi

33. 
01.06.2017
Melik Xaçatryan
Qeyri-döyüş itkisi (özünəqəsd)

34. 
14.06.2017
Narek Mxitaryan
Qeyri-döyüş itkisi (xəstəlik)

35. 
16.06.2017
Araik Matinyan 
Döyüş itkisi

36. 
16.06.2017
Vigen Petrosyan 
Döyüş itkisi

37. 
16.06.2017
Vardan Sarkisyan
Döyüş itkisi

38. 
17.06.2017
Narek Qasparyan 
Döyüş itkisi

39. 
07.07.2017
Robert Qasparyan
Döyüş itkisi

40. 
10.07.2017
Vazgen Poqosyan 
Döyüş itkisi

41. 
23.07.2017
Vardan Melkonyan 
Qeyri-döyüş itkisi (özünəqəsd)

42. 
28.07.2017
Arkadiy Xambaryan 
Qeyri-döyüş itkisi (özünəqəsd)

43. 
14.08.2017
Arman Movsisyan 
Döyüş itkisi

44. 
14.08.2017
Abas Sloyan 
Qeyri-döyüş itkisi (özünəqəsd)

45. 
17.08.2017
Vardan Qriqoryan 
Qeyri-döyüş itkisi (özünəqəsd)

46. 
21.08.2017
Andranik Mkrtçyan
Qeyri-döyüş itkisi (özünəqəsd)

47. 
27.08.2017
Artak Bişaryan 
Döyüş itkisi

48. 
01.09.2017
Ayk Xaçatryan
Döyüş itkisi

49. 
28.09.2017
Seyran Sarkisyan
Döyüş itkisi

50. 
10.10.2017
Çaplin Markaryan
Döyüş itkisi

51. 
19.10.2017
Tiqran Xaçatryan
Döyüş itkisi

52. 
21.10.2017
Aram Xaçatryan 
Qeyri-döyüş itkisi (qətlə yetiriliblər)

53. 
21.10.2017
Qraç Avetisyan
Qeyri-döyüş itkisi (qətlə yetiriliblər)

54. 
23.10.2017
Qevorq Xanamiryan 
Qeyri-döyüş itkisi (avtoqəza)

55. 
28.10.2017
Norayr Ovannisyan 
Qeyri-döyüş itkisi (avtoqəza)

56. 
04.11.2017
Qrant Manqasaryan 
Döyüş itkisi

57. 
22.11.2017
Qeqam Zakaryan 
Döyüş itkisi

58. 
22.11.2017
Sarkis Abramyan 
Döyüş itkisi

59. 
22.11.2017
Sarkis Melikyan
Döyüş itkisi

60. 
22.11.2017
Tatul Tadevosyan 
Qeyri-döyüş itkisi (avtoqəza) 

61. 
25.11.2017
Qarnik Petrosyan
Qeyri-döyüş itkisi (xəstəlik)

62. 
12.12.2017
Narek Adibekyan 
Qeyri-döyüş itkisi (qətlə yetiriliblər)

 

ŞƏRH YAZ
2

Azərbaycanda təhlükəli qrip var?

Azərbaycanda təhlükəli qrip var?
21:14
Bu gün
892
Ölkə
A
Hazırda Azərbaycanda kəskin respirator virus infeksiyaları və qriplə bağlı epidemioloji vəziyyət sabitdir.

"Ölkə.Az" xəbər verir ki, bunu Trend-ə Respublika Gigiyena və Epidemiologiya Mərkəzinin Hava-damcı infeksiyaları bölməsinin həkim-epidemioloqu Nəzmiyyə Brumendfard deyib.

Onun sözlərinə görə, bu il ağır kəskin respirator virus infeksiyalarına yoluxanların sayında artım müşahidə edilməyib və infeksiyalara yoluxanların builki sayı ötənilki səviyyədədir.

N.Brumendfard əlavə edib ki, ötən il Azərbaycanda ağır kəskin respirator virus infeksiyalarına yoluxan insanların 78-də qrip aşkarlanmışdı: “Onlarda da adi qrip - “B” qripi olub. Bu qrip pandemik qrip virusu hesab olunmur. Azərbaycanda qrip virusu dövr edirsə, bu, diqqətdən yayına bilməz. Hələ ki, ölkə ərazisində kəskin respirator virus infeksiyaları və qriplə bağlı narahatlıq yoxdur, vəziyyət stabildir”.

Mərkəz rəsmisi qeyd edib ki, son illər ərzində Azərbaycanda daha təhlükəli olan “A” tipli qripə yoluxma halı aşkarlanmayıb:

“Azərbaycanda hələ ki, təhlükəli qrip növü aşkarlanmayıb. Bu il mövsüm yeni başladığından hələlik kəskin respirator virus infeksiyalarına yoluxma halı da qeydə alınmayıb”.

N.Brumendfard payız-qış mövsümündə bəzi xəstələrin qoruyucu steril maskalardan istifadə etməməsinin də kəskin respirator virus infeksiyalarının yayılmasında mühüm rol oynadığını söyləyib:

“Bizdə əhali xəstələndikdə qoruyucu maska taxmır, maska taxmağa utanırlar. Əgər xəstə insan maska taxmırsa, onda sağlam insan maska taxaraq özünü infeksiyadan qorumalıdır. Maskalar 4 saatdan bir yenisi ilə dəyişməlidir. Əks halda, xəstə insan özünün tənəffüs yollarından gələn infeksiya ilə yenidən infeksiyaya yoluxa bilər”.

Ölkə.Az

ŞƏRH YAZ
0

Azərbaycanın 41 rayonunda ailə təsərrüfatları yaradılır — FOTO

Azərbaycanın 41 rayonunda ailə təsərrüfatları yaradılır
19:45
Bu gün
2346
Ölkə
A
Əmək və Əhalinin Sosial Müdafiəsi Nazirliyi və Heydər Əliyev Fondunun “Regional İnkişaf” İctimai Birliyi arasında özünüməşğulluq proqramının icrası sahəsində əməkdaşlığa dair imzalanan memoranduma əsasən icra olunan “Sosial bağlar” layihəsi çərçivəsində sosial cəhətdən həsas qruplar üçün meyvə bağlarının salınması, tərəvəz və bostan məhsulları istehsalı üzrə ailə təsərrüfatlarının yaradılması işləri davam etdirilir.

Nazirlikdən "Ölkə.Az"a verilən məlumat görə, layihə Prezident İlham Əliyevin müvafiq sərəncamına əsasən icra olunan özünüməşğulluq proqramına dəstək məqsədi daşıyır.

Layihə çərçivəsində respublikanın 41 rayonu (Tərtər, Ağdam, Bərdə, Füzuli, Quba, Xaçmaz, Qusar, Siyəzən, Şabran, Ağdaş, Kürdəmir, Yevlax, Beyləqan, Ucar, Siyəzən, Salyan, Sabirabad, Qobustan, Ağsu, İsmayıllı, Şəmkir, Daşkəsən, Samux, Ağstafa, Qazax və s.) üzrə 125 ailə üçün təsərrüfatlar yaradılır.

Quba, Xaçmaz, Qusar, Siyəzən, Şabran rayonlarında da 17 nəfər üçün layihə çərçivəsində bağ sahələrinin salınması nəzərdə tutulub. Həmin rayonlarda bağların salınması üçün ayrılmış sahələrdə yeni ağacların əkilməsinə hazırlıq işləri çərçivəsində ilk növbədə bəzi sahələr bar verməyən qurumuş ağaclardan, kötüklərdən, kollardan təmizlənir. Həmçinin bağların salınması üçün digər sahələrin şumlanması və çəpərlənməsi işləri görülür.

“Sosial bağlar” layihəsi iştirakçılarından 30 nəfəri şəhid ailəsi üzvləri, 28 nəfəri əlilliyi olanlar, qalanları aztəminatlı ailələrin üzvləridirlər. Layihəyə cəlb edilənlər üçün alma, gilas, qoz, gavalı və s. meyvələr üzrə bağların, tərəvəz və bostanların salınması işləri həyata keçirilməklə, sahələrə aqrotexniki qulluq, suvarma, təlimləndirmə, logistika və hazır məhsulun marketinqinin təşkili, məsləhət xidmətlərinin göstərilməsi, eləcə də digər sahələrdə də onlara dəstək göstəriləcək.

Layihəyə cəlb olunan vətəndaşlar üçün ilk mərhələdə müvafiq fəaliyyət sahələri üzrə bilik və bacarıqların aşılanması məqsədilə təlim kursları təşkil edilib. Kursları bitirərək biznes planlarını uğurla müdafiə edən şəxslərin layihə üzrə təsərrüfatlarının yaradılmasına başlanılıb.

Aztəminatlı ailələrin özünüməşğulluğunun təmin olunmasına və gəlirlərini artırmalarına imkan verən layihə belə ailələrin ünvanlı dövlət sosial yardımı proqramından asılılığının aradan qaldırılmasına və kiçik sahibkarlığa çıxış imkanlarına yiyələnmələrinə şərait yaradır. Eyni zamanda, layihə üzrə yeni bağçılıq sahələrinin yaradılması qeyri-neft sektorunun mühüm sahəsi olan kənd təsərrüfatının inkişafına əlavə dəstəkdir.

Xatırladaq ki, cari ildə özünüməşğulluq proqramı çərçivəsində ölkə üzrə 7 minədək ailənin kiçik ailə təsərrüfatlarının yaradılması planlaşdırılıb. Bunun üçün işsizlikdən sığorta fondunun 2018-ci il üzrə büdcəsindən 35,8 milyon manatın ayrılması nəzərdə tutulub. 

Ölkə.Az

ŞƏRH YAZ
0
BAĞLA