Uduzdurulan Hacı Əliyev — Hakimlərə haqqımı halal etmirəm - FOTO

Uduzdurulan Hacı Əliyev
17:06
20.09.2019
3680
İdman
A
Qazaxıstanın paytaxtı Nur-Sultanda keçirilən güləş üzrə dünya çempionatını medalsız başa vuran Hacı Əliyev bu barədə “Instagram” hesabında paylaşım edib.

"Ölkə.Az" oxu.az-a istinadən xəbər verir ki, o, mundialdan medalsız ayrılmasından və ona qarşı olan haqsızlıqlardan yazıb: 

“Bu gün burdan (dünya çempionatından – S.M.) əliboş gedirəm. Amma mənim haqqıma girənləri Allaha tapşırıram və başda oturan bütün hakimlərə haqqımı halal etmirəm. Bu son deyil, inşallah hər şey qarşıda. Allah nə yazıbsa, xeyirlisi”.


Xatırladaq ki, ötən gün Hacı rusiyalı Hacımurad Rəşidovla görüşdə önə keçsə də, qarşı tərəf buna etiraz edib. Hakimlər videotəkrara baxdıqdan sonra idmançımızın xallarını silib. Üçqat dünya və üçqat Avropa çempionumuz hakimlərlə razılaşmayaraq qırmızı vərəqəni onlara tərəf atıb. Hakimlər də cavabında Hacı Əliyevə qırmızı vərəqə göstərib.

Qeyd edək ki, Hacı Əliyev dünya çempionatı vasitəsilə Tokio Olimpiadasına vəsiqə qazana bilməsə də, hələ Yaponiyaya getmək imkanlarını itirməyib. Belə ki, martın 19-22-də Macarıstanın paytaxtı Budapeştdə Avropa, 30 aprel - 3 may tarixlərində Bolqarıstanın paytaxtı Sofiyada dünya lisenziya turnirləri keçiriləcək. Hər iki turnirin finalçıları Olimpiadaya lisenziya qazanacaq.

Ölkə.Az

ŞƏRH YAZ
0

Vüqar Kərəmovdan Rizin "Gran Prix"ində möhtəşəm qələbə — FOTOLAR

Vüqar Kərəmovdan Rizin
12:18
Bu gün
541
İdman
A
Daha bir azərbaycanlı idmançı Vüqar Kərəmov Yaponiyada keçirilən dünyanın MMA üzrə nüfuzlu turnirlərindən olan Rizin "Gran Prix"ində iştirak edib.

"Ölkə.Az" xəbər verir ki, Ruslan Əfəndiyevin yetirməsi Vüqar Kərəmov Rizin "Gran Prix"ində keçirdiyi ilk döyüşünü qələbə ilə başa vurub. 

Rizin "Gran Prix"ində ilk döyüşü qələbə ilə başa vuran Vüqar Kərəmovun rəqibi amerikalı idmançı Kayl Agoun olub. 

Yaponiyanın Hamamatdsu şəhərində baş tutan görüş zamanı 66 kq çəki dərəcəsində mübarizə aparan idmançıların döyüşü 3 raund davam edib və nəticədə Vüqar Kərəmov döyüşdən qalib olaraq ayrılıb.

Elnur Eltürk
Ölkə.Az

ŞƏRH YAZ
0

Taekvondoçularımız Helsinqborqda 9 medal qazandı — FOTO

Taekvondoçularımız Helsinqborqda 9 medal qazandı
09:00
Bu gün
516
İdman
A
İsveçin Helsinqborq şəhərində taekvondo üzrə “Prezident Kuboku” keçirilib.

"Ölkə.Az" Azərbaycan Taekvondo Federasiyasına istinadən xəbər verir ki, millimiz yarışı 6 qızıl, 2 gümüş və 1 bürünc medalla başa vurub.

Taekvondoçularımızdan Bəhruz Quluzadə (54 kq), Qaşım Maqomedov (58 kq), Cavad Ağayev (68 kq), Ayxan Tağızadə (74 kq), Radik İsayev (+87 kq) və Patimat Abakarova (53 kq) bütün rəqiblərə qalib gələrək, çempion tituluna yiyələniblər. 

Yalnız finalda uduzan Fəridə Əzizova (67 kq) və Taleh Süleymanov (87 kq) ikinci yeri tutublar. Ramin Əzizov (87 kq) isə bürünc medalla kifayətlənib.

Ölkə.Az

ŞƏRH YAZ
0
BAĞLA