UEFA Avropa Liqasının qalibi müəyyənləşdi — FOTO + VİDEO

UEFA Avropa Liqasının qalibi müəyyənləşdi
01:16
17.05.2018
6688
İdman
A
Futbol üzrə Avropa Liqasında 2017-2018-ci illər mövsümünün qalibi müəyyənləşib.

"Ölkə.Az" xəbər verir ki, Madridin "Atletiko" klubu Fransanın Lion şəhərindəki eyniadlı stadionda keçirilmiş final matçında "Marsel" üzərində inamlı qələbə qazanıb.

İlk iki qolu 21-ci və 49-cu dəqiqələrdə "Atletiko"nun fransalı hücumçusu Antuan Qrizmann vurub. Oyunda son nöqtəni isə 89-cu dəqiqədə Qabi qoyub.

 "Marsel” (Fransa) – "Atletiko” (İspaniya) - 0:3

Ölkə.Az

ŞƏRH YAZ
1

"Hər matçda böyük hesabla qalib gəlmək olmur" — "Neftçi"nin baş məşqçisi

22:39
19.04.2019
483
İdman
A
"Nəticədən razı qaldım. Qarşımıza qoyulan məqsədə bir addım da yaxınlaşdıq".

"Ölkə.Az" "Report"-a istinadən xəbər verir ki, bunu "Neftçi"nin baş məşqçisi Roberto Bordin Azərbaycan Premyer Liqasının XXV turunda səfərdə "Sabah"a 2:0 hesabı ilə qalib gəldikləri oyundan sonra deyib.

İtaliyalı mütəxəssisin sözlərinə görə, oyun çətin keçib: "Xüsusən də ilk yarıda çətinliklə üzləşdik. Hər iki komandanın qol imkanları oldu. Mirabdulla Abbasovun boşa verdiyi epizodu qeyd edərdim. Fasilədən sonra vəziyyəti dəyişdik. Rəqibin azlıqda qalması da xeyrimizə oldu. Qalib gəldiyimiz üçün sevinirəm. Ancaq bəzi futbolçularımızın zədələnməsi və sarı vərəqə limitini doldurmasına görə üzgünəm. Azarkeşlərimizə də təşəkkür edirəm". 

Bordin çempionluğun taleyinin son turda "Qarabağ"la matçda həll olunacağı fikri ilə razı olmadığını söyləyib: "Çempionatın sonu yaxınlaşır. Liderlə aramızda iki xal fərqi var. Hər oyunda rəqibin azlıqda qalması sayəsində bura gəlib çıxmamışıq. Hər matçda böyük hesabla qalib gəlmək olmur. Qarşıda hələ iki tur var. Ondan sonra "Qarabağ" haqqında düşünmək olar".

Ölkə.Az

ŞƏRH YAZ
0

"Neftçi" "Qarabağ"la arasındakı xal fərqini azaldıb

21:27
19.04.2019
470
İdman
A
Futbol üzrə Azərbaycan Premyer Liqasında XXV tura yekun vurulub.

"Ölkə.Az" "Report"-a istinadən xəbər verir ki, həftənin son oyununda "Sabah" "Neftçi"ni qəbul edib. Masazırdakı "Əlincə Arena"da baş tutan matç qonaqların qələbəsi ilə başa çatıb - 2:0. 

Matçın 55-ci dəqiqəsində "Sabah"ın sağ cinah müdafiəçisi Novruz Məmmədov ikinci dəfə vərəqə görərək meydandan qovulduqdan sonra "Neftçi"nin heyətində Namik Ələsgərov dubl edib. O, 59-cu və 62-ci dəqiqələrdə fərqlənib.

Bu qələbədən sonra xalını 55-ə çatdıran "Neftçi" ən yaxın izləyicisi olduğu lider "Qarabağ"la aradakı xal fərqini 2-yə endirib. "Sabah" isə 26 xalla 5-ci pillədə qalıb. 

Qeyd edək ki, ilk oyun günündə "Qarabağ" "Keşlə"ni 3:0, "Səbail" isə "Sumqayıt"ı 2:1 hesabı ilə məğlub edib. Bu gün keçirilən "Qəbələ" - "Zirə" matçında isə meydan sahibləri qalib gəlib - 2:1.

Ölkə.Az

ŞƏRH YAZ
0
BAĞLA