UEFA Millətlər Liqasında Azərbaycan və Ermənistan eyni qrupa düşməyəcək

UEFA Millətlər Liqasında Azərbaycan və Ermənistan eyni qrupa düşməyəcək
20:07
11.10.2017
136
İdman
A
UEFA Millətlər Liqasının D divizionunun püşkatma mərasimində Azərbaycan və Ermənistan yığmaları eyni qrupa düşməyəcəklər.

"Ölkə.Az"ın "Report"a istinadən məlumatına görə, Avropa futbol qurumu bu iki ölkə ilə yanaşı, Rusiya və Ukraynanın da B divizionunda fərqli qruplara salınması barədə qərar qəbul edib.

Səbəb kimi ölkələrarası münasibətlərin olmaması göstərilib.

Qeyd edək ki, Millətlər Liqasında UEFA-ya üzv olan 55 yığma 4 diviziona bölünüb. Hər bir divizionda 4 qrup olacaq. Püşkatma mərasimi 2018-ci il yanvarın 24-də İsveçrənin Lozanna şəhərində keçiriləcək.

UEFA-nın milli komandalar üçün açıqladığı son reytinq siyahısında Azərbaycan 40-cı yerdə qərarlaşdığından, D divizionuna düşüb. Burada ümumilikdə 16 komanda yer alacaq. A və B divizionunda hərəyə 12, C divizionunda 15 yığma olacaq.

A divizionu: Almaniya, Portuqaliya, İspaniya, Belçika, İngiltərə, Fransa, İsveçrə, İtaliya, Polşa, İslandiya, Xorvatiya, Hollandiya
B divizionu: Avstriya, Uels, Rusiya, Slovakiya, Ukrayna, İrlandiya, İsveç, Şimali İrlandiya, Danimarka, Bosniya və Herseqovina, Çexiya, Türkiyə

C divizionu: Rumıniya, Şotlandiya, Sloveniya, Macarıstan, Serbiya, Albaniya, Norveç, Yunanıstan, Monteneqro, İsrail, Bolqarıstan, Finlandiya, Kipr, Estoniya, Litva

D divizionu: AZƏRBAYCAN, Makedoniya, Gürcüstan, Belarus, Ermənistan, Farer adaları, Latviya, Lüksemburq, Qazaxıstan, Moldova, Lixtenşteyn, Malta, Kosovo, Andorra, San Marino, Cəbəllütariq

Bu divizionlardakı ölkələr, öz növbəsində, 3 və ya 4 yığmadan ibarət qruplara bölünəcəklər. Qrup mərhələsinin oyunları 2018-ci ilin sentyabr - noyabr aylarında olacaq. Qrup qalibləri 2020-ci ilin martında yarımfinal və final oynayaraq divizionun ən güclüsünü müəyyənləşdirəcəklər. Beləliklə, hər diviziondan bir komanda 2020-ci il Avropa çempionatına vəsiqə qazanacaq.

Daha 20 vəsiqənin sahibi isə 2019-cu ilin martında startı veriləcək Avropa çempionatının seçmə qrup mərhələsinin yekununda məlum olacaq.

Burada 55 ölkə 5 və ya 6 komandadan ibarət 10 qrupa bölünəcək. Hər bir qrupdan 2 ən güclü komanda final mərhələsinə birbaşa vəsiqə əldə edəcək.

Qeyd edək ki, 2020-ci il Avropa çempionatı qitənin 13 şəhərində, o cümlədən Bakıda təşkil olunacaq.

ŞƏRH YAZ
0

Neftçidən növbəti transfer

Neftçidən növbəti transfer
01:14
Bu gün
199
İdman
A
Transfer çalışmalarını davam etdirən "Neftçi” klubu heyətini daha bir futbolçu ilə gücləndirib.

"Ölkə.Az"ın klubun rəsmi saytına istinadən verdiyi məlumata görə, xorvatiyalı yarımmüdafiəçi Qoran Paratski ilə 1 illik müqavilə imzalanıb.

31 yaşlı yarımmüdafiəçi yeni komandasında 6 nömrəli formanı geyinəcək.

Qeyd edək ki, Qoran Paratski son olaraq, Avstraliyanın "Vellinqton Feniks” klubunda forma geyinib. O, vaxtilə Xorvatiyanın gənclər yığmasında da çıxış edib.

Ölkə.Az

ŞƏRH YAZ
0

Almaniya son anda qələbə qazandı — YENİLƏNİB

Almaniya son anda qələbə qazandı
00:16
Bu gün
393
İdman
A
Rusiyadakı futbol üzrə dünya çempionatında F qrupunun II turu çərçivəsində daha bir oyun keçirilib.

"Ölkə.Az" xəbər verir ki, son dünya çempionu Almaniya millisi İsveç yığması ilə üz-üzə gəlib. Soçidəki "Fişt" stadionunda təşkil olunmuş qarşılaşma bundestimin 2:1 hesablı qələbəsi ilə yekunlaşıb. Hesabı 32-ci dəqiqədə isveçli hücumçu Ola Toyvonen açıb. 48-ci dəqiqədə almaniyalı yarımmüdafiəçi Marko Röys bərabərlik qolunu vurub. Bundestim qələbə topu üçün irəli atıldığı vaxt daha bir zərbə alıb. 82-ci dəqiqədə Jerom Boatenq ikinci sarı vərəqəni alaraq, komandasını azlıqda qoyub.

Bununla belə, Almaniya yığması qələbə topunu vurmağa müvəffəq olub. Uzatma dəqiqələrində Toni Kroos cərimə zərbəsindən topu tora göndərib. Bununla da bundestim vacib qələbə qazanaraq, qrupdakı intriqanı son tura saxlayıb. Hazırda Meksika 6 xalla liderdir. Almaniya və İsveç hərəyə 3 xalla 2-3-cü yerləri bölüşdürürlər. Xalsız Cənubi Koreya isə qrupda axırıncı pillədədir. III turda Meksika İsveçlə, Almaniya isə Cənubi Koreya ilə qarşılaşacaq.

***

Rusiyada keçirilən futbol üzrə dünya çempionatının F qrupunun II tur matçında üz-üzə gələcək Almaniya və İsveç yığmalarının start heyətləri açıqlanıb.

"Ölkə.Az"ın məlumatına görə, komandalar meydana aşağıdakı "11-lik"lə çıxacaqlar:

Almaniya: 1. Manuel Nöyer, 3. Yonas Hektor, 7. Yulian Draksler, 8. Toni Kroos, 9. Timo Verner, 11. Marko Röys, 13. Tomas Müller, 16. Antonio Rüdiger, 17. Jerom Boatenq, 18. Coşua Kimmix, 19. Sebastian Rudi

İsveç: 1. Robin Olsen, 2. Mikael Lustiq, 3. Viktor Lindelof, 4. Andreas Qrankvist, 6. Ludviq Auqustinsson, 7. Sebastian Larsson, 8. Albin Ekdal, 9. Markus Berq, 10. Emil Forsberq, 17. Viktor Klaesson, 20. Ola Toyvonen

Soçidəki "Fişt" stadionunda keçiriləcək oyun Bakı vaxtı ilə saat 22:00-da başlanacaq.

Ölkə.Az

ŞƏRH YAZ
0
BAĞLA