UEFA “Qarabağ”dan yazdı

UEFA “Qarabağ”dan yazdı
09:02
08.11.2017
2478
İdman
A
UEFA-nın rəsmi saytı Çempionlar Liqasının qrup mərhələsinin IV turu ərəfəsində “Qarabağ” – “Çelsi” oyunu haqqında yazı hazırlayıb.

"Ölkə.Az" “Apasport.az”a istinadən xəbər verir ki,  yazıda iki komandanın buraqədərki çıxışları və matçın pərdəarxası məqamlarından bəhs olunub.

Sözügedən məqaləni təqdim edirik:

“Qarabağ” Bakıda qələbə qazanaraq 1/8 finala çıxmağı hədəfləyən “Çelsi” qarşısında da asan təslim olmayacaq. Artıq qitənin ən nüfuzlu klub turnirində xallar qazanmış Azərbaycan təmsilçisi doğma meydanda sonuncu oyununda da uğur əldə etmək istəyəcək.

 - Qrupdakı ilk matçında “Stemford Bric”də “Çelsi” ilə qarşılaşan və qapısında 6 cavabsız qol görən “Qarabağ” “Atletiko” ilə ev səfər oyunlarında əldə etdiyi heç-heçələrlə 2 xal qazanıb. Kədərli başlanğıca baxmayaraq, komanda hətta Avropa Liqasına vəsiqə uğrunda mübarizə apara bilər.

 - “Qarabağ” 2 xalla qrupda 4-cü yerdə qərarlaşsa da, “Atletiko”dan cəmi bir xal dala qalır. 3-cü yer uğrunda mübarizə aparmaq üçün komandaya mütləq qələbə lazımdı. Əgər ağdamlılar məğlub olub, “Atletiko” da qələbə qazansa, onların 4-cü yerdə qalacaqları rəsmiləşəcək.

- “Çelsi”nin isə 7 xalı var və son turda məğlub olduğu “Roma”dan bir xal geridədi. İngiltərə çempionuna növbəti mərhələyə çıxmaq üçün qələbə lazımdı. Əgər digər oyunda “Atletiko” uduzsa, londonluları bərabərlik də qane edəcək.

 Matçın pərdəarxası

 “Qarabağ”

- Bu, “Qarabağ”ın Premyer Liqa təmsilçilərinə qarşı ikinci ev matçıdır. Ümumilikdə isə “atlılar” İngiltərə təmsilçiləri ilə 4-cü dəfə üz-üzə gələcəklər. Onlar 2016-cı il noyabrın 26-da evdə “Tottenhem”ə 0:1 hesabı ilə uduzmuş, eyni zamanda səfərdə də 1:3 hesablı məğlubiyyətə üzülmüşdü.

 - Qrup mərhələsinin ilk ev oyununda “Roma”ya uduzan (1:2) “Qarabağ”, üçüncü turda “Atletiko” ilə bərabərliyə razılaşaraq ilk xalını qazanmışdı.

- Azərbaycan təmsilçisi ilk dəfə Çempionlar Liqasının qrup mərhələsində çıxış edir. Onlar II turda Gürcüstan “Samtredia”sını (5:0, 1:0), III turda Moldova “Şerif”ini (0:0, 2:1) və pley-offda isə Danimarka “Kopenhagen”ini (1:0, 1:2) yolundan kənarlaşdırıb.

- “Qarabağ” 4-cü dəfə Çempionlar Liqasında oynayır. Bundan əvvəlki 3 cəhdində komanda III təsnifat mərhələsində mübarizəni dayandırmışdı. Ötən mövsüm azərbaycanlılar səfər qolunun hesabına Çexiya “Viktoriya”sına uduzmuşdu.

- 2016/17 mövsümündə Çempionlar Liqasında mübarizəni dayandırdıqdan sonra “Qarabağ” ardıcıl 3-cü dəfə Avropa Liqasının qrup mərhələsinə vəsiqə qazandı. Ancaq hələ heç vaxt bu turnirdə son 32 komanda arasına düşə bilməyib.

- “Qarabağ” Azərbaycanda ümumilikdə 5-ci, ardıcıl 4-cü dəfə çempion olmaqla Çempionlar Liqasında oynamağa haqq qazanıb.

“Çelsi”

- Qrup mərhələsinin ilk oyunu “Çelsi”nin hansısa Azərbaycan komandası ilə birinci görüşü idi.

 - Bundan sonra Miki Batşuayın son dəqiqə qolu ilə “Atletiko” üzərində qələbə qazanan (2:1) londonlular ardınca “Roma”ya 0:3 hesabı ilə məğlub olaraq liderliyi də onlara təhvil verdilər.

 - “Atletiko” üzərində qələbə ilə “Çelsi” son 10 səfər matçında 4-cü qələbəsini qazandı – 3 bərabərlik və 3 məğlubiyyət.

 - Altıqat İngiltərə çempionu 1995/96 mövsümündən bu yana heç vaxt Avropa səviyyəli yarışlardan kənarda qalmayıb. 2003-2015-ci illərdə isə komanda ÇL qrup mərhələsinin daimi iştirakçısı olub.

- 2012-ci ildə Çempionlar Liqasının qalibi olan “Çelsi” yarışdakı sonuncu mövsümündə - 2015/16-da 1/8 finalda PSJ-yə məğlub olaraq mübarizəni dayandırmışdı.

- Londonlular ÇL-dəki ardıcıl son 3 mövsümündə qrupu mərhələsini qalib kimi başa vurub. Ümumilikdə isə komanda 11 dəfə qrup lideri olub. Yalnız bir dəfə - 2015/16 mövsümündə bu baryeri aşmaq mümkün olmayıb ki, onda da mübarizəni Avropa Liqasında davam etdirən “zadəganlar” həmin yarışın qalibi olub.

 Məşqçilər və oyunçular arasındakı əlaqələr

 - “Qarabağ”ın qapıçısı Anton Kanibolotski ilə “Çelsi”nin braziliyalısı Villian 2012/13 mövsümündə “Şaxtyor”da komanda yoldaşı olublar.

- Miçel “Birmingem”in heyətində “Çelsi”yə qarşı oynayıb. 2010-cu ilin yanvar ayının 27-də baş tutan və “Çelsi”inin 3:0 hesablı qələbəsi ilə başa çatan oyunda ispaniyalı 72-ci dəqiqədə meydana çıxıb.

 - “Çelsi”nin baş məşqçisi Antonio Konte İtaliya millisinə rəhbərlik etdiyi vaxtda AÇ-2016-nın seçmə mərhələsində iki dəfə Azərbaycan yığması ilə qarşılaşıb və hər iki oyunda qələbəyə sevinib (2:1, 3:1).

 - Palermodakı ilk oyunda hazırda “Qarabağ”da çıxış edən Qara Qarayev, Bədavi Hüseynov, Rəşad Sadıqov və Rahid Əmirquliyev ilk dəqiqələrdən Azərbaycan millisinin heyətində meydana çıxıb. Elvin Yunuszadə və Ağabala Ramazanov isə ehtiyatda qalıb. Bakıdakı cavab oyununda isə Bədavi meydandan qovuub, həmçinin Qara Qarayev, Rəşad Sadıqov, Rahid Əmirquliyev, Maksim Medvedev, Arif Daşdəmirov və Əfran İsmayılov ilk dəqiqələrdən oynayıblar.

 

ŞƏRH YAZ
0

“Sportinq” və “Qarabağ”ın start heyətləri açıqlandı

“Sportinq” və  “Qarabağ”ın start heyətləri açıqlandı
22:28
Bu gün
105
İdman
A
Avropa Liqasında qrup mərhələsinin ilk tur matçında Portuqaliyada üz-üzə gələcək "Sportinq" və "Qarabağ" komandalarının start heyətləri açıqlanıb.

"Ölkə.Az"ın məlumatına görə, qonaq komandanın baş məşqçisi Qurban Qurbanov zədəli Rəşad Sadıqov, Dani Kintana və Simeon Slavçevin xidmətindən yararlana bilməyəcək.

Zədəsini bərpa edən Miçel isə ehtiyat oyunçular skamyasında yer alıb.

Start heyətə isə ilk dəfə Coşqun Diniyev də düşüb. Kapitan sarğısı Maksim Medvedevə tapşırılıb.

"Sportinq": 19. Roman Salen, 4. Sebastyan Koates, 8. Brunu Fernandeş, 9. Markos Akunya, 10. Fredi Montero, 13. Stefan Ristovski, 16. Rodriqo Battalya, 17. Luiş Nani (k.), 21. Rafinya, 22. Jeremi Matyü, 86. Nemanya Qudel

Ehtiyat oyunçular: 40. Renan Ribeyro, 6. Andrea Pintu, 18. Karluş Mane, 23. Abdulay Diabi, 25. Padosav Petroviç, 76. Brunu Qaşpar, 77. Jovane Kabral

Baş məşqçi: Joze Peseyru

"Qarabağ": 13. Vaqner, 2. Qara Qarayev, 5. Maksim Medvedev (k.), 7. İnnoset Emeqara, 11. Mahir Mədətov, 17. Abdullah Zubir, 19. Filip Ozobiç, 52. Yakub Jezniçak, 55. Bədavi Hüseynov, 77. Donald Gerye, 91. Coşqun Diniyev

Ehtiyat oyunçular: 1. Hannes Halldorsson, 4. Rahil Məmmədov, 8. Miçel, 9. Araz Abdullayev, 25. Ansi Aqolli, 28. Con Delarj, 30. Abbas Hüseynov

Baş məşqçi: Qurban Qurbanov

Lissabondakı "Joze Alvalade" stadionunda keçiriləcək görüş Bakı vaxtı ilə saat 23:00-da başlanacaq.

Ölkə.Az

ŞƏRH YAZ
0

“Yaxşı nəticələr əldə edəcəyimizə inanıram” — Sadıq Sadıqov

“Yaxşı nəticələr əldə edəcəyimizə inanıram”
21:44
Bu gün
170
İdman
A
"Dünya çempionatında ilk gün arxada qaldı. Bu, çox ağır bir tədbirdir. 125 dövlətdən 800-ə yaxın idmançı ölkəmizdədir. Dünya çempionatı olimpiadaya lisenziya xalları verir. Dünyanın ən güclüləri Azərbaycana gəlib".

"Ölkə.Az" xəbər verir ki, bunu "Report"a açıqlamasında Azərbaycan Cüdo Federasiyasının vitse-prezidenti Sadıq Sadıqov Bakıda keçirilən cüdo üzrə dünya çempionatı ilə bağlı danışarkən deyib.

S.Sadıqov dünya çempionatına hazırlığın yüksək səviyyədə keçdiyini bildirib: "Tədbirin hazırlığı ilə bağlı hər şey göz qabağındadır. İdmançılarımız da çalışacaqlar ki, öz sözlərini desinlər. Bu gün idmançımız Kəramət Hüseynov bürünc medalı qazana bilmədi. Mən inanıram ki, həmin idmançı olimpiadada yaxşı çıxış edəcək. Gəncləri yarışa cəlb etməliyik. Bu gün yeni nəsil idmançılar yetişdiririk. Onları yarışlara cəlb etməkdə məqsədimiz odur ki, onlar həyəcanı hiss etsinlər. Kəramətin də hansı idmançılarla qarşılaşdığını gördük. İkinci görüşündə olimpiya çempionunu məğlub etdi. Dünya çempionuna isə məğlub oldu. Bir az təcrübəsizdir. Onu Yaponiyanın paytaxtı Tokioda keçiriləcək Yay Olimpiya Oyunlarına hazırlayacağıq. İnanıram ki, orada öz sözünü deyəcək. 73 kq çəki dərəcəsində Hidayət Heydərli və Rüstəm Orucov medallar uğrunda yarışacaq. Yaxşı nəticələr əldə edəcəyimizə inanıram".

"Beynəlxalq Cüdo Federasiyası yarışın Bakıda keçirilməsi üçün bizə etimad göstərib. Bizim əsas məqsədimiz yarışın yüksək səviyyədə baş tutmasıdır. Biz isə idmançılarımızdan yüksək nəticə gözləyirik. Onlar il ərzində ən yaxşı təlim-məşq toplanışlarında iştirak ediblər. Tam hazırdılar", - S.Sadıqov vurğulayıb. 

Sadıq Sadıqov son olaraq azarkeşlər tərəfindən dünya çempionatına marağın çox olduğunu bildirib: "Sabah çempionatın açılış mərasimi keçiriləcək. Çempionata da maraq böyükdür. Biletlər də satışdadır. Açılış mərasiminə, demək olar ki, bilet qalmayıb. Yarış günlərində də zalda kifayət qədər azarkeş görəcəksiniz". 

Ölkə.Az

ŞƏRH YAZ
0
BAĞLA