Ueyn Runi İngiltərə yığması ilə yollarını ayırdı
"Everton" klubunun hücumçusu Ueyn Runi İngiltərə yığmasında çıxış etməmək barədə qərar qəbul edib.
"Ölkə.Az" xəbər verir ki, 31 yaşlı Runi yolu gənc futbolçulara vermək qərarına gəlib.
"Mançester Yunayted" klubundan "Everton"a qayıdan Ueyn Runi İngiltərə yığmasının formasını geyinməyəcək. İngilis yığması tarixinin ən yaxşı bombardiri diqqətini klubuna yönəltmək niyyətindədir.
Ueyn Runi 2003-cü ildən İngiltərə yığmasında top qovur. O, milli komanda ilə 119 oyuna çıxıb, 53 qol vurub. Bu isə yığma tarixinin ən yaxşı nəticəsi sayılır.
Hikmət Həsənov
Ölkə.Az
