“Ukrayna Bakı beynəlxalq dəniz limanının imkanlarından yararlanmaq istəyir” — Nazir müavini

“Ukrayna Bakı beynəlxalq dəniz limanının imkanlarından yararlanmaq istəyir”
15:41
10.07.2018
2004
İqtisadiyyat
A
Ukraynanın İnfrastruktur nazirinin Avropaya inteqrasiya məsələləri üzrə müavini Viktor Dovqan Ələt beynəlxalq dəniz ticarəti limanının əhəmiyyətindən danışıb.

Nazir müavini “Ölkə.Az”a açıqlamasında bildirib ki, Ukrayna hökuməti də Ələt ticarət limanının fəaliyyəti ilə maraqlanır:

“Ələt limanı Qazaxıstan və Qırğızıstandan yüklərin Ukraynaya daşınmasında tranzit rolunu oynaya bilər. Əsas şərt limandan bərə vasitəsilə Qazaxıstan və Qırğızıstan limanlarından yük avtomobilləri və qoşqulu yük avtomobillərinin müntəzəm daşınması olacaq”.

V.Dovqan deyib ki, Ukrayna və Azərbaycan arasında xarici ticarət dövriyyəsinin həcmi ildən ilə daha da artır:

“2017-ci ildə 2013-cü il ilə müqayisədə Azərbaycandan Ukraynaya idxal edilən mallarda artım var”.

Nazir müavini qeyd edib ki, 2017-ci il dekabrın 5-də Ukrayna hökuməti və Çin hökumətinin əməkdaşlıq komissiyasının üçüncü iclasında Ukrayna-Çin Xalq Respublikası fəaliyyət planı imzalanıb:

“Bu plana əsasən, “Böyük İpək Yolunun iqtisadi qurşağı” və “XX əsrin dəniz İpək Yolu”nun müştərək inşası təşəbbüsü irəli sürülüb. Bu sənəd Ukraynanın qlobal layihədə iştirakı və yol xəritəsidir. Yeni İpək Yolunun marşrutlarından biri də məhz Azərbaycan, Gürcüstan və Ukraynadan keçir. Bu təşəbbüsün reallaşdırılması Ukraynanın “Şərq-Qərb” ticarət dövriyyəsində yeri üçün vacibdir. Eyni zamanda nəqliyyat sahəsində əməkdaşlığın dərinləşməsi, Avropadan Asiyaya, Asiyadan Avropaya beynəlxalq marşrut üzrə Azərbaycan və Ukraynadan aparılan yüklərin daşınmasında, Azərbaycan və Ukrayna məhsullarının üçüncü ölkə ərazisindən problemsiz keçidi üçün vacibdir. 
Plan aviasiya, nəqliyyat sahələrində investisiyaları aktivləşdirir, Çin-Qazaxıstan-Azərbaycan-Gürcüstan-Ukrayna-Qərbi Avropa və Baltik dənizi-Qara dəniz-Xəzər dənizi marşrutu ilə daşınan yüklərin inkişafına təkan vurur.
Yeni İpək Yolu çərçivəsində Ukrayna tərəfi Bakı beynəlxalq dəniz limanı imkanlarından daşınmalarını həyata keçirmək üçün istifadə etməyi və Ukrayna limanları ilə Ələt limanı arasında əməkdaşlığın qurulması məsələlərini planlaşdırır”.

V.Dovqan əlavə edib ki, 2018-ci ilin birinci yarısında ukraynalı daşıyıcılar vasitəsilə 5489 yük maşını Azərbaycandan və onun ərazisindən tranzit yolu ilə keçərək mənzilə çatıblar: 

“Onlardan 1103-ü isə iri həcmli yük maşınları olub”.

Vasif Həsənli
Ölkə.Az

ŞƏRH YAZ
0

“Azerspace-2” peykinin gəliri açıqlandı

“Azerspace-2” peykinin gəliri açıqlandı
13:28
Bu gün
334
İqtisadiyyat
A
Bu gecə orbitə buraxılmış “Azerspace-2” peykinin ümumi dəyəri 190 mln. ABŞ dollarıdır.

“Ölkə.Az” xəbər verir ki, bu barədə “Azərkosmos” ASC-nin açıqlamasında bildirilir.

Məlumatda həmçinin deyilir ki, peykin ölkə iqtisadiyyatına 400 mln. dollar gəlir gətirəcəyi proqnozlaşdırılır. Başqa sözlə, peykin gəliri ona çəkilmiş xərcdən, təxminən, 2 dəfə çox olacaq. 

ŞƏRH YAZ
0

Sabah bu qoruqlar pulsuz olacaq

Sabah bu qoruqlar pulsuz olacaq
13:02
Bu gün
329
İqtisadiyyat
A
Dövlət Turizm Agentliyi 27 sentyabr - Ümumdünya Turizm Günü münasibətilə ölkədə bir sıra tədbirlər keçirəcək.

Agentlikdən "Ölkə.Az"a verilən xəbərə görə, bu il ilk dəfə olaraq məhz Azərbaycana gələn turistlər üçün Heydər Əliyev Beynəlxalq hava limanında xüsusi qarşılanma mərasimi təşkil olunacaq və ölkəyə daxil olan hər bir turistə sərhəd buraxılış məntəqəsində milli şirniyyatlardan ibarət hədiyyələr təqdim olunacaq.

Turizm günü ilə bağlı keçiriləcək tədbirlərin davamı olaraq Bakı Turizm İnformasiya Mərkəzinin təşkilatçılığı ilə Bakı şəhərinin əsas turistik yerlərini ziyarət etmək üçün “Baku City Tour” avtobuslarına 50% endirim tətbiq olunacaq. Avtobuslar sentyabrın 27-də saat 10:00-dan saat 19:00-a qədər hər saatdan bir gün ərzində Hökumət Evinin qarşısından yola çıxacaq.

Gün ərzində yerli və xarici turistlər "Yanardağ" Dövlət Tarix-Mədəniyyət və Təbiət Qoruğu, eləcə də "Atəşgah məbədi" Dövlət Tarix-Memarlıq Qoruğunun xidmətlərindən pulsuz yararlanacaqlar.

Fəvvarələr meydanında isə xalçaçı, kilimçi, papaqçı, oymaçı, zərgər, dulusçu kimi sənətkarların, eləcə də milli musiqi alətlərinin, araxçın və qurama sənətkarlıq nümunələrinin hazırlanması, keramika, gil və miniatür üzərində iş üzrə usta olan sənətkarların əl işlərindən ibarət sərgi təşkil ediləcək, master-klasslar göstəriləcək. 4 gün ərzində səhər saatlarından axşam saat 18:00-dək davam edəcək festivalda bal və milli şirniyyat nümunələri də nümayiş olunacaq.

Turizm günündə Fəvvarələr meydanında axşam saatlarında canlı musiqili konsert də təşkil ediləcək.

ŞƏRH YAZ
0
BAĞLA