Ukrayna parlamenti buraxılıb

Ukrayna parlamenti buraxılıb
21:35
21.05.2019
526
Dünya
A
Ukrayna prezidenti Vladimir Zelenski Ali Radanın buraxılması barədə Fərman imzalayıb. Prezident həmçinin iyulun 21-də parlamentə növbədənkənar seçkilərin keçiriləcəyini bəyan edib.

"Ölkə.Az" bildirir ki, dövlət başçısının fərmanında bildirilir ki, Ali Radanın buraxılması qərarı 30 gün ərzində hakim koalisiyanın olmamasından irəli gəlib. (Ukrayna Konstitutsiyasının I hissəsinin II maddəsinin I bəndinə əsasən). 

Prezidentin inauqurasiyasından az öncə, mayın 17-də parlamentin spikeri Andrey Parubiy hakim koalisiyanın süqutunu elan edərək, yeni koalisiya sazişi aparmaq üçün 30 günlük müddət təyin edib.

Zelenski hökumətə seçkilərin maliyyələşdirilməsini təmin etməyi tapşırıb. Sənəd dərc edildiyi gündən qüvvəyə minir.

Mayın 21-də Ukrayna prezidenti parlament fraksiyalarının rəhbərfləri ilə müşavirə keçirib. Müşavirədə növbədənkənar  seçkilərin keçirilməsi məsələsi və seçkilərin gününün müəyyən edilməsi müzakirə olunub.

Qeyd edək ki, Ukrayna prezidenti Vladimir Zelenski andiçmə mərasimindən sonra etdiyi çıxışda yaxın zamanda Ali Radanı buraxacağını elan edib. O, Ukrayna parlamentindən deputat toxunulmazlığının ləğv olunması ilə bağlı qanun qəbul etmələrini tələb edib.

Ölkə.Az

ŞƏRH YAZ
0

Kaşıkçı cinayəti ilə bağlı yeni faktlar — Səs yazıları üzə çıxdı

Kaşıkçı cinayəti ilə bağlı yeni faktlar
12:43
Bu gün
536
Dünya
A
BMT-nin hesabatçısı Aqnes Kallamard Kaşıkçı cinayətinə dair hesabat hazırlayıb.

“Ölkə.Az” xəbər verir ki, hesabatda türk kəşfiyyatının verdiyi bəzi səs yazıları yer alıb.

Səs yazılarına əsasən, Səudiyyə Ərəbistanının İstanbuldakı baş konsulu cinayətdən bir neçə gün əvvəl müəyyən şəxslərlə təhlükəsizliklə bağlı bir tapşırıq üzrə görüş keçirir. Konsul ilə danışan şəxs dövlət rəsmiləri tərəfindən verilən bu vəzifə üçün etibarlı birinə ehtiyac duyduunu deyir. Uteybi başqa bir şəxslə görüşdə Ər-Riyaddan ona zəng gəldiyini və məsələnin çox gizli olduğunu deyir.

Danışıqlardan baş konsulun Ər-Riyadan gələcək şəxslər üçün qalmağa yer və təyyarə bileti təşkil etdiyi də aydın olur.

Kaşıkçının qətlindən bir gün əvvəl isə şəxsiyyəti naməlum olan şəxs “Sabah Səudiyyədən bir komissiya gələcək. Konsulluqda bir işləri var. İçəridəki işləri iki ya da üç gün davam edəcək” deyir.

Ölkə.Az

ŞƏRH YAZ
0

Dünyada 100 milyard dollardan çox pulu olan üçüncü nəfər o oldu

Dünyada 100 milyard dollardan çox pulu olan üçüncü nəfər o oldu
07:30
Bu gün
2858
Dünya
A
“Louis Vuitton Moët Hennessy” şirkətlər qrupunun prezidenti və banisi, fransalı biznesmen Bernar Arno dünyada yüz milyard dollardan çox pulu olan insanlar siyahısına daxil olub.

“Ölkə.Az” xəbər verir ki, bu barədə “Bloomberg” məlumat yayıb.

Nəşriyyatın ekspertlərinin hesablamasına görə, Arnonun pulu 3 milyard artaraq 100.4 milyard dollara çatıb. Artıq o, dünyada yüz milyard dollardan çox pulu olan üçüncü şəxsdir. Birinci şəxs Ceff Bezos, ikinci isə Bill Qeytsdir.

2019-cu ilin əvvəlində Arnonun kapitalı şirkətinin səhmlərinin bahalaşması hesabına 43%, yəni 32 milyard dollar artıb. Bu isə ona milyarderlər reytinqində mövqeyini yuxarı pillələrə dartmağa kömək edib. 

Ölkə.Az
 

 

ŞƏRH YAZ
0
BAĞLA