Ukraynada SOCAR-ı niyə sevirlər? — Aleksandr Oxrimenko şərh edir

Ukraynada SOCAR-ı niyə sevirlər?
11:50
12.07.2019
2684
İqtisadiyyat
A
“SOCAR Azərbaycanın dünyada ən tanınmış şirkətidir. Sadəcə adını oxuyanda ağlımıza ilk olaraq Azərbaycan gəlir”.

“Ölkə.Az” xəbər verir ki, bunu Media.Az-a Ukrayna analitik mərkəzinin direktoru, iqtisadiyyat üzrə elmlər namizədi Aleksandr Oxrimenko deyib.

Onun sözlərinə əsasən, istənilən dövlət üçün “ölkənin brendi” sayılan belə bir şirkət sahibi olmaq vacibdir.

“Bu gün insanlar ölkələri brendə görə qiymətləndirirlər. SOCAR isə belə bir brenddir. Belə deyək, “Mak Donalds” deyəndə hamı Amerikanı başa düşür. “Borjomi”-Gürcüstandır. Baxmayaraq ki, mineral su artıq ölkə sərhədlərindən kənarda da doldurulur, yenə də assosiasiya qalıb. Əgər ölkənin brendi yoxdursa, onu az adam tanıyır”, - deyə Aleksandr Oxrimenko qeyd edib.

- SOCAR Ukrayna üçün nə deməkdir?

- SOCAR Ukrayna üçün hər şeydən əvvəl ən yaxşı yanacaqdoldurma məntəqəsi şəbəkəsidir. Qiymət və keyfiyyət uyğunluğu burada optimaldır. SOCAR Ukraynaya neft ixrac edir (Ukraynanın neft tələbatının 95 faizini Azərbaycan ödəyir). Burada neft emal edilir. Rusiya bizə uzun müddətdir neft ixrac etmir. İndi ABŞ-dan da neft alırıq, amma Azərbaycan əsas neft aldığımız ölkədir.

- SOCAR dünyanın müxtəlif ölkələrinə ekspansiyanı davam etdirir. Yanacaqdoldurma məntəqələri şəbəkəsi Ukrayna, Gürcüstan, Rumıniyada var.
- Bu, Azərbaycanın dünyada tanınması üçün çox vacibdir. SOCAR beynəlxalq brendə, transmilli korporasiyaya çevrilir. Məhz dünya iqtisadiyyatı belə şirkətlər üzərində dayanıb.

- “Yumşaq güc” termini var. SOCAR müxtəlif idman və mədəni tədbirlərin sponsoru olur. Bunu “yumşaq güc”ün bir növ təzahürü adlandırmaq olarmı?
- Birmənalı olaraq bəli. Başa düşmək lazımdır ki, SOCAR digər ölkələrdə müxtəlif mədəni və idman tədbirlərinin sponsoru kimi çıxış edəndə, bu, şirkətin imicinə, Azərbaycanın imicinə müsbət təsir edir. Ukraynaya gəldikdə isə, bizim Azərbaycana münasibətimiz hər zaman müsbət olub. Müsbət assosiasiya var, deməli ölkəyə qarşı da müsbət münasibət olacaq. SOCAR bunun üçün çox iş görür.

- Bir müddət əvvəl Ukrayna prezidenti Vladimir Zelenski SOCAR yanacaqdoldurma məntəqəsi fonunda şaurma ilə foto çəkdirib.

- Hə belə bir məsələ olub (gülümsəyir). Bu, Kiyev yaxınlığında, Borispol hava limanına gedən yolda baş verib. Orada yaxşı kafe və və SOCAR-ın rahat, yaxşı yanacaqdoldurma məntəqəsi var.

- Deyilənlərə görə, bu fotodan sonra Ukyranda şaurma satışı çoxalıb. Sözügedən foto SOCAR yanacaqdoldurma məntəqələrinin populyarlığına təsir edibmi?

- Şaurma məsələsinə gəldikdə, heç nə deyə bilmərəm, amma SOCAR yanacaqdoldurma məntəqələri, təkrar edirəm, Ukraynada ən populyar şəbəkədir. İnsanlar avtomobillərini yanacaqla təmin etmək üçün məhz SOCAR yanacaqdoldurma məntəqələrinə gedirlər. Bu isə çox vacib göstəricidir.

Ölkə.Az

 

ŞƏRH YAZ
0

Manatın bu günə olan məzənnəsi

Manatın bu günə olan məzənnəsi
10:08
Bu gün
292
İqtisadiyyat
A
Azərbaycan Mərkəzi Bankı 20 noyabr tarixinə olan valyuta məzənnələrini açıqlayıb.

Mərkəzi Bankdan "Ölkə.Az"a verilən məlumata görə, bu gün ABŞ dollarının rəsmi məzənnəsi 1,7000 manat təşkil edir.

Manata nəzərən avronun məzənnəsi 1,8823 manat, 1 türk lirəsi 0,2978 manat, 1 rus rublu 0,0266 manat, 100 İran rialı 0,0040 manat, 1 gürcü larisi isə 0,5717 manatdır.

ŞƏRH YAZ
0

Azərbaycan nefti kəskin ucuzlaşdı

Azərbaycan nefti kəskin ucuzlaşdı
03:47
Bu gün
462
İqtisadiyyat
A
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti noyabrın 18-də 66,91 dollar/barel təşkil edib ki, bu da əvvəlki göstəricidən 1,79 dollar/barel azdır.

"Ölkə.Az" xəbər evrir ki, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti 65,63 dollar/barel təşkil edib ki, bu da əvvəlki göstəricidən 1,73 dollar/barel azdır.

Novorossiysk limanından yüklənən URALS neftinin qiyməti isə 61,52 dollar/barel təşkil edib ki, bu da əvvəlki göstəricidən 1,21 dollar/barel azdır.

Ölkə.Az

ŞƏRH YAZ
1
BAĞLA