Ukraynalı aktivist qadın Poroşenkonu hədələdi
Avromaydan hərəkatının aktivistləri Ukrayna əhalisini ölkə prezidentinin qərarları əleyhinə mitinqə səsləyiblər.
"Ölkə.Az" xəbər verir ki, mitinqin təşkilatçılarından Liza Boqutskaya bu barədə sosial şəbəkələrdə yazıb.
Liza qeyd edib ki, prezident Ukrayna konstitusiyasını zədələyib və xalq hərəkətə keçməlidir. Boqutskaya ismarıcın sonunda şəxsən ölkə başçısına səslənib. Liza Poroşenkoya bildirib ki, ordu onu xalqın qəzəbindən qoruya bilməyəcək: "Xalqın gücünü bilirsən. Sən bu güc ilə qızıl unitazda oturursan. Amma bu xalq səni elə o unitazda boğa bilər".
Qeyd edək ki, bir müddət əvvəl Kiyevin Peçerski rayon məhkəməsi Ukrayna təhlükəsizlik xidmətindən Poroşenkoya qarşı cinayət işi qaldırmasını tələb edib. Dövlət başçısı Rusiyadakı biznesinə görə dövlətə xəyanətdə ittiham edilir.
Hikmət Həsənov
Ölkə.Az
