Ulduzlarımızın səhvlərlə dolu statusları — Kim Azərbaycan dilini yaxşı bilir?

Ulduzlarımızın səhvlərlə dolu statusları
14:52
19.04.2019
18780
Maqazin
A
Son günlər müğənni Şəbnəm Tovuzlunun qrammatik səhvlərlə dolu statusları, coğrafiya bilikləri sosial şəbəkələrdə müzakirə obyektinə çevrilib. Sosial şəbəkə istifadəçiləri arasında gedən müzakirələrdə izləyicilər iki yerə bölünüb. Kimi Şəbnəmin tərəfini tutaraq onun Azərbaycan dili müəllimi olmadığını əsas gətirir, kimi də müğənninin yazılarında səhv tutaraq onu tənqid edir.

“Ölkə.Az” bu mövzunu diqqətdə saxlayaraq, ulduzlarımızla bağlı  kiçik araşdırma aparıb.

Bizə də maraqlıdır, hansı məşhurumuz “e” hərfi ilə “ə”ni, “ş” hərfi ilə ingilis əlifbasının “w” hərfini bir-birindən ayıra bilir.

Xalq artisti, səhnəmizin divası Aygün Kazımova deyəsən Azərbaycan dilini və əlifbasını çox gözəl bilir. Xanım ifaçının sosial şəbəkədə paylaşdığı statuslara nəzər yetirsək, buna şahid ola bilərik. Xalq artisti sözlərdə harada “e” və harada “ə” işlənildiyini bilir.


 Xalq artisti, səhnəmizin qalmaqallardan uzaq olan məşhuru Zülfiyyə Xanbabayeva da statuslarında bizi sevindirir. Xanım ifaçı da  Azərbaycan hərfləriylə yazan ulduzların sırasındadır.


Əməkdar artist Tünzalə Ağayeva da Azərbaycanda yaşadığından və əlifbada “ə” hərfinin mövcudluğundan xəbərdardır. O da yazılarını qrammatik qaydalara uyğun olaraq paylaşır.


 Xalq aritsti, öz intellektual səviyyəsi ilə seçilən Faiq Ağayev Azərbaycan dilində səlis danışıb yazan ulduzlardandır. Cənab "Qızıl şlyager" danışdığı kimi, statuslarında da mükəmməldir. 


Müğənni Nazənini də bu mənada fərqləndirmək olar.  Görünür aktiv "İnstagram" istifadəçisi olan ifaçı xanım harada yaşadığını və dövlət dilinin hansı dil olduğunu çox gözəl bilir. 

Yuxarıda sadaladığımız məşhurlarımızdan fərqli olaraq bu ulduzlarımız isə deyəsən Azərbaycan əlifbasında “ə”, “ş” hərfinin olduğundan xəbərsizdirlər.  Çünki yazılarına nəzər salsaq və onların yazdıqları kimi tələffüz etsək, ümumiyyətlə gərək “ə” hərfindən istifadə etməyək.


Son zamanlar qalmaqalları ilə gündəmdən düşməyən müğənni  Afət Fərmanqızı  dilimizdən doğru istifadə etməyən məşhurlardandır.  “Ə” hərfini “e” ilə əvəz edən ifaçı qalmaqallardan vaxt tapsa, bəlkə də əlifbanın 32 hərfdən ibarət olduğunu bilər.


Xalq artisti Nazpəri Dostəliyeva da  düzgün Azərbaycan dilində yazmayan ulduzlar arasındadır. Onun da statuslarında bu kimi qarışıq hərflərə rast gəlinir. Ümid edirik ki, gələn statuslarında ifaçı xanım bu məqamları diqqətdə saxlayar.


Rəqqasə Fatimə də deyəsən əlifbada hansı hərflərin olduğunu yadından çıxarıb.Rəqqasə statuslarında hərflərimizin yerini səhv salaraq, qrammatikamıza yeni mənalı sözlər əlavə edir. 

Vüsalə Balayeva
Ölkə.Az

ŞƏRH YAZ
0

Serengil göz yaşlarını SAXLAYA BİLMƏDİ — Hamiləliyi...

Serengil göz yaşlarını SAXLAYA BİLMƏDİ
00:28
Bu gün
107
Maqazin
A
Süni mayalnma yolu ilə hamilə qalan və müalicəsini davam etdirdiyi bir zamanda Yaşar İpekdən ayrılma xəbərləri yayılan tanınmış türkiyəli müğənni Seren Serengil sosial şəbəkədə yeni paylaşım edib.

 "Ölkə.Az" xəbər verir ki, o,  övladının ultrasəs müayinəsi zamanı çəkilmiş  fotosonu paylaşıb. Göz yaşlarını tuta bilməyən Serengil bu mesajı paylaşıb: “Allaha şükür olsun ki, qismətimizi gördük. Ağlamayacağam desəm də, ancaq elə hey ağlayıram. Siz də bir xəbər gözləyirdiniz. Dualarınıza, dəstəyinizə görə təşəkkür edirəm.  Canım dostlarım, məni bu günümdə tək buraxmadınız. İndi isə ço xoşbəxtəm. Sentyabrın 2-də bətnimdəkinin ürək döyüntülərini eşidəksiniz”.

Serengil onu da əlavə edib ki, sağlam bir övlad dünyaya gətirməyə çalışsa da,   övladını dünyaya gətirməsini  istəməyən şeytanlar var: “Mən körpələrimlə çox xoşbəxtəm. Ən azından söz-söhbət, hər hansı xoşagəlməzliklər yox”.

Ölkə.Az

ŞƏRH YAZ
0

Faiq Ağayev parkda konsert verdi — FOTOLAR

Faiq Ağayev parkda konsert verdi
23:52
24.08.2019
1869
Maqazin
A
Bu gün Heydər Əliyev Mərkəzinin parkında Xalq artisti Faiq Ağayevin konserti keçirilib.

"Ölkə.Az" xəbər verir ki, konsert 1 saatdan artıq davam edib.

Qeyd edək ki, Heydər Əliyev Mərkəzi yay mövsümündə mütəmadi olaraq həftəsonlarında müxtəlif tədbirlər keçirir. Ayrı-ayrı idman növləri və incəsənət sahələrinə aid ustad dərsləri, məşğələlər, yarışlar, həmçinin konsertlər və rəqs axşamları təşkil edilir. Bu tədbirlər paytaxt sakinlərinin və qonaqların asudə vaxtlarını səmərəli və maraqlı keçirmələri, azyaşlıların istedad və bacarıqlarının aşkar edilməsi, inkişafı məqsədilə təşkil olunur.




ŞƏRH YAZ
0
BAĞLA