Ulu öndər Heydər Əliyevə həsr olunmuş beynəlxalq konfransın növbəti bölmə iclası Çində keçirilib

Ulu öndər Heydər Əliyevə həsr olunmuş beynəlxalq konfransın növbəti bölmə iclası Çində keçirilib
00:33
24.04.2018
2490
Dünya
A
Azərbaycan Dillər Universiteti (ADU) Yeni Azərbaycan Partiyasının və Bakı Beynəlxalq Multikulturalizm Mərkəzinin dəstəyi ilə, ümummilli lider Heydər Əliyevin anadan olmasının 95-ci ildönümünə həsr edilən “Heydər Əliyev: multikulturalizm və tolerantlıq ideologiyası” mövzusunda birinci beynəlxalq elmi konfrans keçirir.

"Ölkə.Az" "Azərtac"a istinadən xəbər verir ki, konfransın bölmə iclasları Azərbaycan, Türkiyə, Almaniya, İtaliya, Serbiya, Rusiya, Çin, Ukrayna, Belarus və Gürcüstanın universitetlərində təşkil olunub.

Aprelin 22-də Çinin Huzhou Universitetində beynəlxalq konfransın “Bir qurşaq – bir yol: multikulturalizmin öyrənilməsi” mövzusunda bölmə iclası keçirilib.

İclasda ADU-nun nümayəndə heyəti, Huzhou Universitetinin müəllim və tələbələri, Mədəniyyətlərarası Dialoq Araşdırmaları Mərkəzinin əməkdaşları və Çinin Azərbaycandakı səfirliyinin nümayəndələri iştirak ediblər.

Bölmə iclası işinə görkəmli dövlət xadimi Heydər Əliyevin həyat və fəaliyyətini əks etdirən sənədli filmin nümayişi ilə başlayıb.

Tədbirdə Huzhou Universitetinin prezidenti Zhang Licinin və ADU-nun rektoru akademik Kamal Abdullayevin təbrik və təşəkkür məktubu oxunub.

Azərbaycan Milli Elmlər Akademiyası Şərqşünaslıq İnstitutunun elmi işçisi, professor Solmaz Rüstəmova-Tohidi əsası ümummilli lider Heydər Əliyev tərəfindən qoyulmuş multikulturalizm siyasətinin müasir dövrdə Prezident İlham Əliyev tərəfindən uğurla inkişaf etdirildiyini xatırladıb. Professor bildirib ki, multikulturalizm Azərbaycanda dövlət siyasətidir, multikulturalizm xalqımızın həyat tərzinə çevrilib və bu gün xalqımızın xarakterik xüsusiyyətlərindən biri olan tolerantlığın gələcək inkişafı üçün Azərbaycanda hüquqi baza artıq yaradılıb.

ADU-nun nəzdində fəaliyyət göstərən Konfutsi İnstitutunun direktoru, professor Rafiq Abbasov “Azərbaycan xalqının ümummilli lideri Heydər Əliyevin siyasi irsində İpək Yolu” mövzusunda məruzə ilə çıxış edib. Professor bildirib ki, Azərbaycan tolerantlıq və multikulturalizm ölkəsidir, Ulu Öndərin müəyyənləşdirdiyi bu strateji istiqamətdə inkişaf edən Azərbaycan dünyaya örnək ola biləcək multikultural dəyərlər sistemini və modelini formalaşdırıb.

Huzhou Universitetinin Ali Təhsil Tədqiqatları Mərkəzinin direktoru, professor Yan Denke "İpək Yolu üzərində mədəniyyətlərarası dialoq" mövzusunda məruzə ilə çıxış edib. Bildirilib ki, tarixi “İpək Yolu” istiqamətində Azərbaycan iki min ildən artıq müddətdə Şərq və Qərb arasında elmin, mədəniyyətin və ideyaların yayılması istiqamətində körpü rolu oynayır.

Huzhou Universitetinin Beynəlxalq Kollecinin direktoru, professor Zhu Din Avropa və Asiya ölkələrinin gəncləri arasında əməkdaşlığın qurulması, tolerantlığın və qarşılıqlı anlaşmanın təbliği sahəsində səylərin birləşdirilməsinin və təcrübələrin bölüşdürülməsinin vacibliyini vurğulayıb. Bildirilib ki, Azərbaycan çoxmillətli və çoxkonfessiyalı ölkədir. Azərbaycanın bu istiqamətdə apardığı siyasi xətdən danışan professor ölkəmizin Şərq və Qərb arasında yalnız coğrafi körpü deyil, həm də mədəniyyət körpüsü olduğunu diqqətə çatdırıb.

Sonda Huzhou Universitetinə Prezident İlham Əliyevin çoxcəhətli fəaliyyətlərini əks etdirən "Azərbaycan-Çin: diplomatik əlaqələrin qurulmasının 25-ci ildönümü" adlı kitabı təqdim olunub.

Ölkə.Az

ŞƏRH YAZ
0

İraqda 15 İŞİD terrorçusu məhv edildi

İraqda 15 İŞİD terrorçusu məhv edildi
18:47
Bu gün
617
Dünya
A
İraq ordusu Ənbər vilayətində anti-terror əməliyyatları keçirir.

“Ölkə.Az” xəbər verir ki, İraqın qərbində yerləşən bu vilayətdə İŞİD terror qruplaşmasının gizli hücrə evləri yerləşir.

Akaşat rayonunda İraq hərbçiləri 15 terrorçunu məhv edib. Bu barədə ordunun mətbuat xidməti məlumat yayıb.

“İraq ordusu bu gün ölkənin qərbində yerləşən Ənbər vilayətindəki Akaşat rayonundakı mağarada 15 İŞİD terrorçusunu məhv edib”, - deyə məlumatda deyilir.

Hərbçilər və yerli sakinlər arasındakı itkilər barədə məlumat verilmir.

Hikmət Həsənov
Ölkə.Az

ŞƏRH YAZ
0

Pakistanın sabiq baş naziri azadlığa buraxıldı

Pakistanın sabiq baş naziri azadlığa buraxıldı
17:39
Bu gün
709
Dünya
A
Pakistanın həbsdə olan keçmiş baş naziri Navaz Şərif, qızı Məryəm Navaz və kürəkəni Məhəmməd Səfdər haqqında şərti azadlıq qərarı çıxıb.

 “Ölkə.Az” xəbər verir ki, İslamabadın Ali Məhkəməsi Şərif, qızı və kürəkəninin etirazını müzakirə edib. Sözügedən şəxslərlə bağlı həbs qərarını verən Milli Hesabat Bürosu (NAB) prokuroru Əkrəm Kureyşinin təqdim etdiyi faktların yetərsiz olduğu qənaətinə gələn hakimlər şərti azadlıq qərarı veriblər.

Məhkəmənin qərarı Adiala həbsxanasına çatdıqdan sonra Şərif hər biri üçün 500 min rupi (6500 manat) ödəyərək qızı və kürəkəni ilə birlikdə azadlığa çıxacaq. Ali Məhkəmə isə “NAB”ın verdiyi həbs qərarlarını yenidən nəzərdən keçirəcək.

Qeyd edək ki, Şərifin Panamadakı “off shore” hesablarına aid məlumatlar üzə çıxmışdı və 2017-ci ildə Konstitusiya məhkəməsi tərəfindən vəzifədən uzaqlaşdırılmışdı. Ona qarşı mənbəyi bəlli olmayan pul ilə sərmayə qoymaq, satın almaq iddiası ilə korrupsiya və rüşvət ittihamı irəli sürülmüşdü.

Hikmət Həsənov
Ölkə.Az

ŞƏRH YAZ
0
BAĞLA