KORONAVİRUSA YOLUXANLARIN SAYI - CANLI STATİSTİKA

"Ümid edirəm ki, yeni kadrlar ölkə başçısının etimadını doğruldacaq" — Deputat

13:17
13.11.2019
1476
Siyasət
A
“Düşünürəm ki, həyata keçirilən islahatların bir neçə aparıcı qüvvəsi var. Bunlardan birincisi hədəflərin müəyyən edilməsidir. Artıq cənab Prezidentin ölkənin gələcək inkişafı ilə bağlı 2016-ci ildən etibarən müəyyən etdiyi Strateji yol xəritəsinə uyğun olaraq addımlar atılmaqdadır”.

Bunu “Ölkə.Az”a açıqlamasında millət vəkili Tahir Mirkişili Prezident İlham Əliyevin həyata keçirdiyi kadr islahatlarını şərh edərkən deyib.

Onun sözlərinə görə, ölkə başçısının yürütdüyü siyasətin əsas qayəsi ölkəmizin inkişaf etmiş ölkələr sırasına daxil olması, insanların rahat, təhlükəsiz, sosial rifah halında yaşamasıdır.

“Bunun üçün də iqtisadiyyatımız daha da inkişaf etdirilməli, sahibkarlığın inkişafına imkan yaradılmalıdır. Burada ikinci məqsəd ölkənin dinamik və dayanıqlı inkişafını təmin etmək üçün qanunvercilik səviyyəsində hüquqi bazanın yaradılmasıdır. İslahatların dərinləşdirilməsi üçün  bu istiqamətdə də işlər gedir. 

Ən nəhayət, üçüncü mühüm mərhələdə qarşıya qoyulan hədəflərə nail olmaq üçün dövrün tələblərinə cavab verə bilən uğurlu kadrlara ehtiyac var. Belə deyək, hədəf bəllidir. Bunun üçün bütün lazimi mexanizmlər yaradılıb. Ancaq icra prosesində bu mexanizmə və hədəflərə çatmaq üçün tapşırıqları uğurla icra edə biləcək, dinamikliyi saxlaya biləcək, həmçinin hansısa tapşırıq gözləmədən yaradıcı kadrlar olmalıdır. Ölkə başçısının sonuncu kadr islahatları yaradılan bu mexanizmləri işə salmaq məqəsdi daşıyır”, - deyə deputat bildirib.

Deputat  əlavə edib ki, qarşıda duran hədəflərə nail olmaq üçün Azərbaycanın böyük imkan və potensiları var və bundan faydalanmaq üçün  uğurlu kadrlara ehtiyac var:

“Ölkə iqtisadiyyatında dinamikanı təmin etmək üçün potensialdan hələ də tam istifadə edilmir.  Hansı ki, bunu etmək olar. Hansı ki, biz gömrük və vergi sahəsində həyata keçirilən islahatlar zamanı bunun şahidi olduq. Bütün bunları nəzərə alan ölkə başçısı kadr islahatlarına start verib.  Cənab Prezidentin dediyi kimi təyin olunan yeni kadrlar etimadı doğrultmaqla, işlərini qarşıya qoyulan hədəflərə çatması istiqamətində qurmaqla, xalqın etimadını qazanmaqla, sahibkarlığın inkişafına şərait yaratmaqla iqtisadi daha  da inkişaf etdirilməsinə nail olmalıdırlar. 

Hesab edirəm ki, ölkə başçısı qarşıya qoyulan hədəflərə nail olmaq üçün daha çox gənc kadrlar üstünlük verir. Ümid edirəm ki, yeni kadrlar ölkə başçısının etimadını doğruldacaq və daha qısa zamanda qarşıya qoyulan hədəflərə nail olunacaq”.

Mürtəza
Ölkə.Az

ŞƏRH YAZ
0

Sahibə Qafarovaya yeni köməkçi TƏYİN EDİLDİ

Sahibə Qafarovaya yeni köməkçi TƏYİN EDİLDİ
12:28
Bu gün
515
Siyasət
A
Milli Məclis sədri Sahibə Qafarova özünə yeni köməkçi təyin edib.

“Ölkə.Az” Milli Məclisin saytına istinadən xəbər verir ki, Fərid Famil oğlu Hacıyev Milli Məclis sədrinin yeni köməkçisi təyin olunub.

Ölkə.Az

ŞƏRH YAZ
0

Sərt karantin tətbiq edilən şəhərlərdə "ASAN xidmət" 4 gün işləməyəcək

Sərt karantin tətbiq edilən şəhərlərdə
04:08
Bu gün
1335
Siyasət
A
COVID-19 virusunun yayılma sürətinin azaldılması, eləcə də onun törədə biləcəyi fəsadların minimuma endirilməsi məqsədilə Goranboy, Göygöl və Mingəçevir şəhərləri, Bərdə, Xaçmaz, Samux, Siyəzən və Şəki rayonları daxil olmaqla, Bakı, Cəlilabad, Gəncə, Lənkəran, Masallı, Sumqayıt, Yevlax şəhərlərində və Abşeron rayonunda xüsusi karantin rejimi 2020-ci il 5 iyul saat 06:00-dan 20 iyul saat 06:00-dək uzadılır.

"Ölkə.Az" bildirir ki, virusa yoluxma dinamikasının azaldıması istiqamətindəki tədbirlər çərçivəsində 5-6 iyul 2020-ci il tarixində Bakı şəhərindəki bütün “ASAN xidmət” və “ASAN Kommunal”, Gəncə, Masallı, Sumqayıt, Mingəçevir, Bərdə, Şəki regional “ASAN xidmət” mərkəzlərində yalnız www.asan.gov.az saytı və 108 “Çağrı” Mərkəzi üzərindən müvafiq tarixlər üçün öncədən növbə götürmüş vətəndaşlara xidmət göstəriləcək. Eyni zamanda sənədlərinin hazır olacağı barədə əvvəlcədən məlumat verilən vətəndaşlar həmin mərkəzlərə yaxınlaşaraq sənədlərini əldə edə bilərlər. Qeyd olunan tarixlərdə 108 “Çağrı” Mərkəzi və “ASAN xidmət” mobil tətbiqi vasitəsi ilə  müvafiq mərkəzlər üçün onlayn növbələr verilməyəcək.

11, 12, 18, 19 iyul tarixlərində isə qeyd olunan mərkəzlərdə qeyri-iş günü olacaq.

Digər günlərdə isə vətəndaşlar müvafiq qaydalar əsasında mərkəzlərə müraciət etməklə xidmətlərdən yararlana bilərlər. Belə ki, 27 aprel tarixindən “ASAN xidmət” və “ASAN Kommunal” mərkəzlərində vətəndaşların qəbulu "ASAN xidmət" mobil tətbiqi, www.asan.gov.az saytı və 108 Çağrı Mərkəzi vasitəsi ilə əvvəlcədən onlayn növbə tutmaqla həyata keçirilir.

ŞƏRH YAZ
0
BAĞLA