Ümummilli lider Heydər Əliyevin xatirəsinə həsr olunan kikboksinq turniri keçirildi

Ümummilli lider Heydər Əliyevin xatirəsinə həsr olunan kikboksinq turniri keçirildi
16:17
21.08.2017
306
İdman
A
Azərbaycan Respublikası Gənclər və İdman Nazirliyinin, Azərbaycan Kikboksinq Federasiyasının və Sumqayıt Şəhər İcra Hakimiyyətinin birgə təşkilatçılığı ilə ümummilli lider Heydər Əliyevin xatirəsinə həsr olunan kikboksinqin K-1 üslubu üzrə peşəkarlararası beynəlxalq turnir keçirildi.

Sumqayıt şəhərində dənizkənarı bulvar ərazisində “Kikboksinq narkomaniya və uşaq cinayətkarlığına qarşı” şüarı altında baş tutan turnirin açılış mərasimində çıxış edən şəhər İcra Hakimiyyətinin Başçısının birinci müavini Faiq Kərimov son illərdə Sumqayıtda aparılan quruculuq abadlıq işlərindən, o cümlədən Sumqayıt gənclərinin qazandıqları uğurlardan bəhs edib. Faiq Kərimov gənc idmançılarımızın ölkə daxilində əldə etdikləri nailiyyətlərlə yanaşı beynəlxalq arenalarda da yüksək nəticələr qazanmalarının sevindirici olduğunu bildirdi. 

Azərbaycan Kikboksinq Federasiyasının prezidenti, millət vəkili Adil Əliyev çıxışında bu cür mötəbər turnirlərin keçirilməsində əsas məqsədin gənc nəsli narkomaniyadan, cinayətkarlıqdan qoruyaraq, onları sağlam və milli ruhda yetişdirmək, Azərbaycan Silahlı Qüvvələrinə sağlam əsgər hazırlamaq olduğunu diqqətə çatdırdı. 

Millət vəkili qeyd etdi ki, bu gün torpaqlarımızın təcavüzkar ermənilərin işğalı altında olduğunu nəzərə alaraq övladlarımızı daha çevik, daha sağlam yetişdirməliyik: “Gənc nəsil təshilə diqqət ayırmaqla yanaşı, gün ərzində idmanla da məşğul olmalıdır. Belə olan halda gələcəyin tanınmış idmançısı olmasa da ən azından özünü müdafiə edəcək gücdə olacaq. Kikboksinq Federasiyasının prezidenti olaraq məktəblərdə, ali təhsil ocaqlarında keçirdiyim görüşlərin hər birində məhz uşaqları bu yöndə yetişdirməyin vacib olduğunu vurğulayıram. Hesab edirəm ki, Ölkə Prezidenti cənab İlham Əliyevin qarşımıza qoyduğu məqsədə uyğun olaraq keçirilən görüşlərdə səsləndirilən fikirlərdən hər kəs özü üçün bir nəticə çıxaracaq. İnanıram ki, Ali Baş Komandanımızın idmançılara göstərdiyi diqqət və qayğının nəticəsi olaraq Azərbaycanımızın üçrəngli bayrağını Xəzərin o tayında başları üzərinə qaldırmağı bacaran, himnimizi nəhəng arenalarda səsləndirən idmançılarımız bir gün əzəli, əbədi torpaqlarımızda Qarabağda bayrağımızı dalğalandıracaqlar”.

Çıxış edən federasiyanın Sumqayıt şəhər filialının prezidenti Ədalət Şükürov ölkəmizi təmsil edən idmançılarımızın çox yaxşı nəticə göstərəcəklərinə inandığını bildirdi və onlara uğurlar arzuladı. 

Daha sonra kikboksinqin inkişafında xidmətlərinə görə bir qrup şəxs Fəxri Fərmanla təltif olundu.

Bədii hissədən sonra yarışa start verildi. 

Döyüşlər 7 çəki dərəcəsi üzrə (57, 60, 63.5, 67, 75, 86, 91+ kq) WAKO qaydalarına uyğun olaraq K-1 stilində və hər biri 3 dəqiqə olmaqla 3 raunddan ibarət oldu

İlk döyüşdə 60 kq çəki dərəcəsində K-1Dünya kəmərinin müdafiəsi uğrunda gürcüstanlı rəqibi Vaso Papaskiri ilə üz üzə gələn kikboksçumuz  Emil Hacıyev dünya kəmərini özündə saxlamağı bacardı. 

57kq çəkidə Əsgər Rəhimovla Qəzənfər Yazımovun döyüşündə Əsgər Rəhimov rinqdən qalib ayrıldı. 

Azərbaycan kəmərinin müdafiəsi uğrunda qarşı qarşıya gələn 60 kq çəki dərəcəsində Ramiz Məmmədov Arzuman Tağıyevə məğlub olaraq kəməri əldə verdi.

57 kq çəkidə Camal Məmmədov Nurlan Məmmədovdan üstün olub. 

WAKO K-1 STIL INTERNATIONAL kəməri uğrunda mübarizə aparan 86 kq çəki dərəcəsində gürcüstandan olan rəqibi Beka Giorgadzeni darmadağın edən Nahid Əsədov adını qaliblər sırasına yazdırıb. 

63.5 kq çəki dərəcəsində Məmməd Əmrəliyev Ruslan Nağıyevə, 67kq çəki dərəcəsində Vaqif Bəhlulzadə Raul Məmmədova qalib gəlib. 

67 kq çəki dərəcəsində Pakistandan olan kikboksçu Fazil Xan ilə qarşılaşan Elnur Mahmudov rinqdən üstün xal fərqi ilə qalib ayrılıb. 

75 kq çəki dərəcəsində İbrahim Şirəliyevi Elxan Əliyev, Emin Əsədovu isə Elnur Kamalov məğlub edərək fəxri kubokun sahibi olublar. 

Gecənin son döyüşündə ağır çəkidə mübarizə aparan Ramin Səlimov Fuad Haşımiyə məğlub olub.

Ölkə.Az

 

ŞƏRH YAZ
0

“Fənərbaxça”ya yeni baş məşqçi təyin edildi

“Fənərbaxça”ya yeni baş məşqçi təyin edildi
13:35
Bu gün
161
İdman
A
“Fənərbaxça” futbol klubunun yeni baş məşqçisinin adı məlum olub.

 “Ölkə.Az” xəbər verir ki, Hollandiyanın “PSV” klubunun baş məşqçisi Koku ilə 3 illik müqavilə imzalanıb. “PSV” isə Filip Koku ilə yollarını ayırdığını bu gün keçirəcəyi mətbuat konfransında açıqlayacaq.

Türk mətbuatının xəbərinə əsasən, klub 47 yaşlı məşqçi ilə 3 illik müqavilə imzalayıb.

Qeyd edək ki, Filip Koku Avropada uğurlu baş məşqçi kimi tanınır.

Hikmət Həsənov
Ölkə.Az

ŞƏRH YAZ
1

Rusiya mətbuatı: “Rus qadınları dünya çempionatında kişi axtarırlar”

Rusiya mətbuatı: “Rus qadınları dünya çempionatında kişi axtarırlar”
11:02
Bu gün
1522
İdman
A
Rusiya mətbuatı futbol üzrə dünya çempionatı haqqında yeni iddia ilə çıxış edib.

 “Ölkə.Az” xəbər verir ki, iddiaya əsasən, rus qadınlar Rusiyada keçirilən dünya çempionatını ər tapmaq üçün fürsət hesab edirlər.

Rusiya mediasında ən çox müzakirə edilən mövzulardan biri də ər ovuna çıxan qadınlardır. Bəzi mətbu orqanlar rus qadınların xarici turistlərə yaxınlaşaraq “ova çıxdıqlarını” iddia edir.

Məsələn, “championat.ru” saytında “Rus gözəllər xaricilərlə necə danışır” məqaləsində “qadınların çox cəhd etmələri lazım deyil. Çünki ovları öz ayaqları ilə tələyə düşürlər” kimi ifadələr işlənib.

“Moskovski Komsomolets” internet səhifəsindəki yazıda isə deyilir: “Dünya çempionatına sadəcə futbolçular, baş məşqçilər, azarkeşlər, şəhərlər yox, qadınlar da xüsusi olaraq hazırlaşırlar. Bəziləri 2018 Dünya Çempionatını yaxşı bir adamla tanış olmaq, ciddi bir münasibət qurmaq kimi qəbul edir. Bəziləri isə fahişəlik edib asan yolla pul qazanmaq niyyətindədir”. Yazıda qeyd edilir ki, yüksək dabanlı ayaqqabı geyinən qadınlar adını ingilis dilinə tərcümə etməyi unudan restoranları xatırladır.

Life.ru portalı isə dünya çempionatında fahişələrə tələbin artdığını yazır: “Bu mənada ən böyük tələb keçmişində bir az da olsa futbolla əlaqəsi olan qadınlaradır. Məsələn, futbolçuların keçmiş sevgililəri”.

Hikmət Həsənov
Ölkə.Az

ŞƏRH YAZ
0
BAĞLA