KORONAVİRUSA YOLUXANLARIN SAYI - CANLI STATİSTİKA

“UNESKO-nun qərarı ilə Azərbaycan xalqının necə də zəngin qədim bir tarixə, mədəniyyətə malik olduğu üzə çıxır” — Millət vəkili

“UNESKO-nun qərarı ilə Azərbaycan xalqının necə də zəngin qədim bir tarixə, mədəniyyətə malik olduğu üzə çıxır”
15:31
10.07.2019
1488
Siyasət
A
Şəki şəhərinin tarixi hissəsi və Şəki Xan Sarayının UNESKO-nun Ümumdünya İrs Komitəsinin Bakıda keçirilən 43-cü Sessiyasında təşkilatın Ümumdünya İrs Siyahısına daxil edilməsi tarixi bir hadisədir.

Bunu “Ölkə.Az”a açıqlamasında millət vəkili Fəzail İbrahimli deyib.

“Azərbaycan mədəniyyətinin dünyada tanıdılması və təqdim edilməsi  Azərbaycan dövlətinin uzun müddətdir ki,  yürütdüyü xarici siyasətinin prioritetini təşkil edir. Ona görə də UNESKO-nun Şəki şəhərinin tarixi hissəsi və Xam sarayı ilə bağlı verdiyi məlum qərarı əslində Azərbaycan xarici siyasətinin uğuru kimi dəyələndirmək lazımdır”- millət vəkili F.İbrahimli deyib.

O bildirib ki, bu siyasətin uğurla həyata keçirilməsində və bu sahədə kifayət qədər bilvasitə əməyi olan,   bu sahəni demək olar hər zaman gündəmə gətirən Azərbaycanın Birinci vitse-prezidenti Mehriban xanım Əliyevanın müstəsna olub və bu onun əməyinin nəticəsidir.

Deputat əlavə edib ki, Şəki ilə bağlı UNESKO tərəfdən verilən qərarın  siyasi, iqtisadi, mənəvi və tarixi tərəfləri var. 

“Siyasi tərəfi  ondan ibarətdir ki, Azərbaycan beynəlxalq münasibətlər sistemində təkcə yeraltı və yerüstü sərvəti ilə deyil, həm də bir mənəvi dünyası, tarixi məqamları  dünyaya bir ölkə kimi tanıdılır.  Bu məsələ gündəmə gələndə, məsələyə səs veriləndə Azərbaycanın adı çəkilir və onun hansı mədəniyyətə, tarixə malik olduğu ortaya qoyulur.

Şəki Xan sarayına gəldikdə isə deyərdim ki,  bu unikal bir tarixi abidədir. Hansı ki, dünyada  bunu msili olan ikinci belə bir abidə yoxdur. Hansı ki, şəbəkə-pəncərə sistemində hər hansı mismar, taxta çiv və yapışdırıcıdan istifadə edilsin. Burada taxta işləmələr bir birinə keçrimə ilə həyata keçirilib. Binanın özü də unikal memarlıq üslübü qaydasında tikilib. Bu tarixi abidə Azərbaycan xalqının on səkkizinci əsrdəki dünya mədəniyyəti irsinə verdiyi bir töhfədir. Bu eyni zamanda Azərbaycan xalqının mədəni səviyyəsinin göstəricisi və qədim zəngin bir tarixə malik olduğunu ortaya qoyur”,- deputat bildirib.
F.İbrahimli qeyd edib ki, bu həm də  Azərbaycanın öz tarixinə həssas münasibətinin göstəricisidir: 

“Yəni hər bir mədəni  və qeyri-maddi irsimiz gündəmə gətirilməsi, təhlil edilməsi tariximizlə  kiyafət qədər ciddi məşğul olduğumuzun və ona  münasibətimizin aydın ifadəsidir. Belə məsələlər gündəmə gələndə  Azərbaycan xalqının necə də zəngin qədim bir tarixə, mədəniyyətə malik olduğu üzə çıxır və dünya tərəfindən tanınır”.

Məsələnin digər beynəlxalq siyasi tərəfində gəldikdə isə F.İbrahimli bildirib ki,  bu qərar ilə müstəqilliyini qısa zaman kəsiyində əldə edən gənc ölkə kimi deyil, zəngin qədim  bir mədəniyyətə, tarixə malik bir dövlət kimi təqdim olunuruq: “Bütün bunlar eyni zamanda Azərbaycanda  siyasi sabitliyin,  iqtisadi  inkişafın və gücün hamısını tariximizə olan  münasibətin vəhdətini ortaya qoyur. Bu da öz növbəsində Azərbaycana qarşı münasibəti müsbət səmtə dəyişdirməyə xidmət edir. Bütün bunların hamısını yekunlaşdıraraq deyə bilərik ki, bu, xalqımıza, onun tarixinə, mədəniyyətinə Birinci vitse-prezident Mehriban xanım Əliyevanın  verdiyi töhfə kimi dəyərləndirmək olar.  Onun bir Azərbaycan xanımı, dövlət xadimi kimi  millətinə, dövlətinə sevgisindən irəli gələn bir  addım kimi qiymətləndirirəm”.

Mürtəza
Ölkə.Az

 

 

ŞƏRH YAZ
0

"Ermənistan rəhbərinin təbriki riyakarlığın ən yüksək səviyyəsidir" — Azərbaycan XİN

03:51
Bu gün
331
Siyasət
A
“Ermənistanda yaşayan yüz minlərlə müsəlman əhalini əzəli torpaqlarından məcburi sürgün edən, Azərbaycanın torpaqlarını işğal edib bu ərazidəki azərbaycanlı əhalini etnik təmizləməyə məruz qoyan, müsəlman mülki əhaliyə qarşı Xocalı qətliamı kimi insanlıq əleyhinə cinayətlər törədən, işğal etdiyi torpaqlardakı İslam dini abidələrini, ibadət yerlərini talan və təhqir edən bir ölkənin rəhbərinin müqəddəs Ramazan bayramı münasibətilə müsəlman ölkələrinin rəhbərlərinə təbrik ünvanlaması təcavüzkar Ermənistanın rəhbərinin İslam dininə qarşı nümayiş etdirdiyi riyakarlığın ən yüksək səviyyəsidir”.

"Ölkə.Az" oxu.az-a istinadən xəbər verir ki, bu sözləri Azərbaycanın Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan baş nazirinin Ramazan bayramı münasibətilə bəzi müsəlman ölkələrinin rəhbərlərinə təbrik ünvanlamasını şərh edərkən deyib.

“Ermənistan baş naziri həqiqətən də İslam dininə və dəyərlərinə hörmət nümayiş etdirsəydi, ilk növbədə fundamental hüquqları pozulmuş, öz evlərindən didərgin salınmış yüz minlərlə müsəlman azərbaycanlının haqqlarının bərpa olunması istiqamətində addım atardı. Nikol Paşinyanın nümayiş etdirdiyi təxribatçı fəaliyyəti isə onun bu yanaşmadan tam uzaq olduğunu göstərir.

Ermənistan baş nazirinin təbrik ünvanladığı ölkələrin hər il, ardıcıl olaraq İslam Əməkdaşlıq Təşkilatı çərçivəsində, Ermənistanın Azərbaycana qarşı təcavüzkar siyasəti barədə qəbul etdiyi qətnamələri işğalçı ölkəyə xatırladırıq. Ermənistan rəhbərliyi İslam dünyası və müsəlman əhalisinə sözdə hörmətini, saxta müraciətləri ilə deyil, elə həmin müsəlman ölkələrin qəbul etdiyi qətnamələrin tələblərini yerinə yetirməklə nümayiş etdirməlidir”, - deyə o bildirib.

Ölkə.Az

ŞƏRH YAZ
0

Netanyahu hakim qarşısına çıxdı

Netanyahu hakim qarşısına çıxdı
21:59
24.05.2020
1956
Siyasət
A
Qüds Dairə Məhkəməsində İsrailin baş naziri Binyamin Netanyahuya qarşı üç ittiham üzrə ilk iclas keçirilib.

"Ölkə.Az" report-a istinadən xəbər verir ki, bu barədə "Times of Israel" qəzeti bildirib.

Qeyd edilir ki, proses bir saata yaxın davam edib, növbəti iclasın tarixi hələ təyin olunmayıb.

Qəzetin məlumatına görə, Netanyahu müvafiq qaydaya uyğun olaraq iclasın başlanğıcında hakimlərə ona qarşı irəli sürülmüş ittihamların mahiyyətini anladığını bildirib. “Times of Israel” qeyd edib ki, jurnalistlər iclas zalını tərk etməyincə baş nazir müttəhimlər kürsüsündə əyləşməyib. KİV-in nümayəndələrinin çəkiliş aparmalarına icazə verilməyib.

Netanyahu bütün prosesin canlı yayımlanmasında israrlı olub, amma hakim bundan imtina edib. Məhkəmənin zalında iyirmi nəfər olub, onlar koronavirusun yayılmasının qarşısının alınması üzrə tədbirlərə uyğun olaraq qoruyucu maskalarda olublar.

Müdafiə tərəfinin vəkilləri hakimə bildiriblər ki, iş materialları ilə tanış olmaq üçün onlara iki və ya üç ay lazımdır. Dövlət ittihamçısı isə deyib ki, indiyə qədər kifayət qədər vaxt olub, çünki ölkənin baş prokuroru Avixay Mandelblit hələ 28 fevral 2019-cu ili baş nazirə qarşı ittihamlar irəli sürmək niyyəti haqqında bildirib.

İclasın sonunda dövlət prokurorunun müavini Liat Ben-Ari bildirib ki, əgər müdafiə tərəfindən müvafiq sorğu daxil olsa, növbəti iclasda ittiham edilən şəxsin olmamasına etiraz etmir. Məhkəmə kollegiyasının sədri Rivka Fridman-Feldman məhkəmənin növbəti iclasın tarixi haqqında tərəflərə məlumat verəcəyini deyib.

Netanyahu iclasın başlanmasından əvvəl məhkəmə binasında bildirib ki, baş nazirə qarşı sui-istifadə və korrupsiya ilə bağlı ittihamlar sağların nümayəndələri tərəfindən onun ölkədə hakimiyyətdən kənarlaşdırılması məqsədilə quraşdırılıb.

"Bütün sağ düşərgə bu gün müdafiə edilən tərəf kimi müqəssirlər skamyasında oldu. Mən məhkəməyə gəldim", - o deyib.

Ölkə.Az

ŞƏRH YAZ
0
BAĞLA