Uşağını döyənlərə hansı cəza verilir? — VİDEO

Uşağını döyənlərə hansı cəza verilir?
12:51
13.06.2019
679
Ölkə
A
Uşaq ailənin güzgüsüdür deyirlər. Yəni, ailə daxili münasibətlər,valideynlərin rəftarı onların övladlarından çox rahatlıqla sezilir. Uşaqlara qarşı zorakılıq cəmiyyət tərəfindən narazılıqla qarşılansa da, hələ də köməksiz və ailəsinə sığınan azyaşlıların döyülməsi faktlarına rast gəlinir.

"Ölkə.Az" xəbər verir ki,  ARB TV-nin “Günə doğru” proqramı mövzu ilə bağlı maraqlı süjet hazırlayıb.

Vəfa Əkbər - Psixoloq: “Onun artıq güvəni sarsılıb. Onun artıq valideyn obrazına inamı azalıb. Elə uşaqların sayı artdıqca cəmiyyətə yarasız fərdlər formalaşır və çoxalır”.

Övladını döyməyən dizini döyər məsəlini əldə rəhbər tutan ailə fərdləri bu üsulu tərbiyə metodu kimi qəbul edir. Amma bu çıxış yolu deyil. Övladını tərbiyə adı altında döyən, söyən, onu incidən valideynin də məsuliyyəti az deyil.

Şəmsəddin Əliyev - Sabiq Polis Rəisi: “Törətdiyi hərəkətə görə valideyn həm inzibati həm də cinayət məsuliyyətinə cəlb edilə bilər. Bunun üçün isə, ortada predmet olmalıdır. Şikayət olmalıdır”.

Ev mənim, sirr mənim təxəyyülü altında baş verən belə hadisələrin müəyyən edilməsi isə, çox vaxt mümkünsüz olur. Çünki məişət zorakılıqları ailə böyükləri tərəfindən gizlədilir. Səbəbi isə çox sadədir - qınaq...

Aydın Mirzəzadə - Millət vəkili: “O yerdəki nənə-baba övladları ilə birgə uşağın tərbiyəsi ilə məşğul olur, orda belə problemlər olmur. Düşünürəm ki, ailə fərdlərinin maarifləndirilməsinə daha çox ehtiyac var. Televiziyalarda, kitablarda, cəmiyyətdə”.

Ailə quran fərdlərin ilk növbədə öz məsumiyyətlərini anlamaları, valideynlik borclarını bilmələri çox önəmlidir. Nadinclik eləyəndə qışqırmaq, səhvə yol verəndə usağı döymək ən asan üsuldu. Amma valideyn olan şəxs bunun əvəzində düzgün tərbiyə üsulları seçməlidir. Düzgün tərbiyə verə bilmədikdə isə ilk növbədə özünə, sonra da cəmiyyətə zərərli bir fərd yetişmiş olur.

Ölkə.Az

ŞƏRH YAZ
0

İnstitut işçi axtarır

İnstitut işçi axtarır
21:15
15.06.2019
4920
Ölkə
A
AMEA Folklor İnstitutu vakant vəzifələri tutmaq üçün müsabiqə elan edir.

“Ölkə.Az” xəbər verir ki, müsabiqə aşağıdakı vakant vəzifələri tutmaq üçün elan edilir:

- Dədə Qorqud şöbəsi: aparıcı elmi işçi – 1 yer;

- Mərasim folkloru şöbəsi: aparıcı elmi işçi – 1 yer.

Müsabiqədə uyğun ixtisas üzrə iş təcrübəsi olan elmlər və fəlsəfə doktorları iştirak edə bilər. Sənədlər (direktorun adına ərizə, əmək kitabçasının surəti, diplomların surəti, elmi əsər­lərin siya­hısı, tərcümeyi-hal, kadrların şəxsi uçot vərəqi, 3x4 ölçüdə 2 şəkil) elan verildiyi tarixdən etibarən 1 ay müddətində elmi katibliyə təqdim edilməlidir:

Ünvan: Bakı şəh., İçəriçəhər, 8-ci Kiçik Qala döngəsi, 31, Folklor İnstitutu.

Tel.: (+994 12) 492 92 48

Ölkə.Az

ŞƏRH YAZ
0

Bakı Konqres Mərkəzində məzun gecəsi keçirildi — FOTOLAR

Bakı Konqres Mərkəzində məzun gecəsi keçirildi
21:00
15.06.2019
504
Ölkə
A
Bu gün Bakı Konqres Mərkəzində Gənclər və İdman Nazirliyi, Təhsil Nazirliyi və Azərbaycan Respublikası Gənclər Fondunun birgə təşkilatçılığı ilə “Gələcəyə doğru” adlı məzun gecəsi keçirilib.

“Ölkə.Az” Azərtac-a istinadən xəbər verir ki, təhsil naziri Ceyhun Bayramov Azərbaycan Respublikasının Birinci vitse-prezidenti Mehriban xanım Əliyevanın məzunlara təbrik məktubunu iştirakçıların diqqətinə çatdırıb.

Tədbirdə Azərbaycan Respublikası Prezidenti Administrasiyasının gənclər siyasəti və idman məsələləri şöbəsinin müdiri Yusuf Məmmədəliyev, Təhsil, Gənclər və İdman nazirliklərinin məsul işçiləri iştirak ediblər.

Çoxsaylı məzunların qatıldığı tədbir maraqlı konsert proqramı ilə davam edib.

Ölkə.Az

ŞƏRH YAZ
0
BAĞLA