4 uşaq anası olan arvadını 70 yaşlı qonşusu ilə tutdu və... — Gədəbəydə dəhşətli cinayət

4 uşaq anası olan arvadını 70 yaşlı qonşusu ilə tutdu və...
11:37
22.02.2019
13803
Ölkə
A
Gədəbəy rayonunda arvadını xüsusi amansızlıqla öldürməyə cəhddə və qonşusunu döyməkdə təqsirli bilinən Əlviz Əsgərovun barəsində olan ibtidai istintaq başa çatıb.

“Ölkə.Az” xəbər verir ki, cinayət işi baxılması üçün Gəncə Ağır Cinayətlər Məhkəməsinə göndərilib.

Mart ayının 4-də məhkəmənin hazırlıq iclası Faiq Mahmudovun sədrliyi ilə keçiriləcək.

İttihama görə, 1976-cı il təvəllüdlü Qozqaralı kənd sakini Əlviz Əsgərov həyat yoldaşı, 1977-ci il təvəllüdlü Könül Allahverdiyevanı baltalayıb. O, daha sonra qonşusu, 1949-cu il təvəllüdlü Firudin İsmayılovu yaxınlıqdakı meşədə ağac parçası ilə döyərək, ona ağır xəsarətlər yetirib.

Hər iki yaralı əvvəlcə Gədəbəy Rayon Mərkəzi Xəstəxanasına, oradan isə Gəncə şəhər Təcili Tibbi Yardım Xəstəxanasına aparılıb. Məlumata görə, qadına sol yuxarı ətrafın çapılmış və sınmış yarası diaqnozu qoyulub və onun vəziyyəti ağır olub. Eyni zamanda ağır kəllə-beyin travması və bədənin müxtəlif nahiyələrindən ağır əzilmiş və çapılmış xəsarətlər alan Firuddin İsmayılovun da vəziyyəti ağır qiymətləndirilib.

Hüquq-mühafizə orqanları əməkdaşlarının keçirdiyi əməliyyat nəticəsində hadisəni törətməkdə şübhəli bilinən Əlviz Əsgərov həbs edilib. İstintaq orqanı tərəfindən Əlviz Əsgərovun barəsində Cinayət Məcəlləsinin 29,120.2.7-ci (iki və ya daha çox şəxsi öldürməyə cəhd etmək) maddəsi ilə cinayət işi açılıb.
İstintaqa ifadə verən Əlviz Əsgərov törətdiyi cinayəti etiraf edib. O, bildirib ki, hadisəni qisqancliq zəminində törədib. Əlviz Əsgərovun ifadəsinə görə, arvadının qonşusu ilə olan münasibətini öyrənib. İşi ilə əlaqədər əvvəllər kənddə gec-gec olub: "Amma son 4 il ərzində işimdən ayrılmışdım və kəndə qayıtmışdım. Arvadımın başqa kişi ilə münasibət saxladığını eşitmişdim. Amma sübut yox idi. Bu səbəbdən 4 il onun hərəkətlərini izlədim, axırda şübhələrim və deyilənlərin doğru olduğunu öyrəndim.

Hadisə baş verən günü arvadımla mübahisə etdim. Sonra balta ilə onu vurdum. Cinayəti törədəndən sonra küçəyə çıxdım. Firudinin harada olduğunu öyrəndim. Bildim ki, meşə kənarındadır. Həmin yerə getdim. Orada Firudin ilə mübahisə etdim, yol kənarında olan ağac parçası ilə ona çoxsaylı xəsarətlər yetirdim".

Əlviz Əsgərovun sözlərinə görə, hadisə baş verən günü arvadının Firudinlə birlikdə yaxalayıb.

Qeyd edək ki, Əlviz Əsgərovun Könül Allahverdiyeva ilə olan birgə nikahlarından 4 uşaqları var.

Cinayətdə adı hallanan Firudin Məmmədov əvvəllər 4 dəfə ailə həyatı qurub, sonra da onun həmin nikahları pozulub.

Natiq Allahverdiyev
Ölkə.Az

ŞƏRH YAZ
0

Sakinlərin nəzərinə — Bu qatarın hərəkət cədvəli dəyişdi

Sakinlərin nəzərinə
18:07
Bu gün
95
Ölkə
A
Bakı şəhərətrafı dairəvi dəmir yolunun Bakı-Sabunçu-Bakı sahəsində bərpa işlərinin başa çatdırılması ilə əlaqədar olaraq Bakı-Sabunçu-Bakı marşrutu üzrə elektrik qatarlarının hərəkəti təyin edilir.

Bu barədə "Ölkə.Az"a “Azərbaycan Dəmir Yolları”Qapalı Səhmdar Cəmiyyətindən məlumat verilib.

Məlumatda bildirilir ki, qatarlar 25, 26, 27, 28, 29 tarixlərində müəyyən edilmiş cədvəl üzrə hərəkət edəcək. Hər şənbə, bazar və bayram günləri 6031/6032, 6033/6034, 6039/6040 nömrəli elektrik qatarları hərəkətdə olmayacaq. Mayın 30-dan etibarən qatarların yeni hərəkət cədvəli haqqında əlavə məlumat veriləcək.

Ölkə.Az

ŞƏRH YAZ
0

Avtomobil qaçıran 20 yaşlı gənc saxlanıldı

Avtomobil qaçıran 20 yaşlı gənc saxlanıldı
17:25
Bu gün
864
Ölkə
A
Şəmkirin Yeniyol kəndində avtomobil oğurluğu hadisəsi baş verib.

Daxili İşlər Nazirliyinin Gəncə regional qrupundan "Ölkə.Az"a verilən məlumata görə, Şəmkir RPŞ-yə ərizə ilə müraciət edən rayonun Yeniyol kənd sakini Rəhman Babayev kənd ərazisində ona məxsus “VAZ 2106” markalı avtomobilinin naməlum şəxs və ya şəxslər tərəfindən qaçırıldığını bildirib.

Polis əməkdaşlarının keçirdiyi əməliyyat-axtarış tədbirləri nəticəsində avtomobili qaçırmaqda şübhəli bilinən Şəmkir rayon Qaracəmirli kənd sakini 20 yaşlı Asiman Alıyev saxlanılıb.

Araşdırmalarla məlum olub ki, A.Alıyev qaçırdığı avtomobildən 300 manat nağd pul və dörd ədəd səsgücləndirici götürüb satmaq üçün rayonun Təzəkənd ərazisində gizlədib.

Fakla bağlı araşdırmalar davam etdirilir.

Ölkə.Az

ŞƏRH YAZ
0
BAĞLA