"Uşaq hüquqları haqqında" qanun qəbul edilməsinin 19 illiyi ilə bağlı tədbir keçirilib — FOTO

17:18
19.05.2017
154
Ölkə
A

Qusar rayon 1 saylı tam orta məktəbində Azərbaycanda "Uşaq hüquqları haqqında" qanun qəbul edilməsinin 19 illiyi ilə əlaqədar olaraq tədbir keçirilib.

Əvvəlcə məktəbin kollektivi, bu il məktəbi birinci sinifin bitirən şagirdlər, rayon ictimaiyyəti, eləcə də rayonun hüquq-mühafizə orqanlarının əməkdaşları ulu öndər Heydər Əliyevin Qusar rayonunda yerləşən abidəsini ziyarət ediblər. Daha sonra məktəbdə davam edən tədbirdə şagirdlərə bu qanunun qəbul edilməsi tarixi barədə məlumatlar verilib.

Tədbirdə Qusar Rayon Polis Şöbəsinin Şahdağ polis Bölməsinin rəisi polis mayoru Səbuhi Rüstəmov çıxış edərək ulu öndərin uşaqlara qayğı ilə yanaşmasından, ümumilli liderin tövsiyyə etdiyi kimi, uşaqlara daim diqqət və qayğının göstərilməli olduğunu vurğulayıb.

Ölkə.Az

ŞƏRH YAZ
0

Dövlət qulluqçularının sayı açıqlandı — Kim nə qədər maaş alır?

Dövlət qulluqçularının sayı açıqlandı
10:18
Bu gün
403
Ölkə
A
2018-ci il yanvarın 1-nə ölkədə dövlət qulluqçularının sayı 29,3 min nəfər olub və onların 28,8%-ni qadınlar təşkil edib.

"Ölkə.Az" Dövlət Statistika Komitəsinə istinadən xəbər verir ki, dövlət qulluqçularının 4,5%-i inzibati vəzifələrin ali-3-cü təsnifatları, 76%-i 4-7-ci təsnifatları üzrə və 19,5%-i dövlət qulluğunun yardımçı vəzifələrində işləyib. 

Dövlət qulluqçularının 6,9%-i 1 ilə qədər, 26,1%-i 1 ildən 5 ilə qədər, 22,2%-i 5 ildən 10 ilə qədər, 17,3%-i 10 ildən 15 ilə qədər, 27,5%-i isə 15 il və daha çox qulluq stajına malikdir.

Dövlət qulluqçularının yaş qrupları üzrə bölgüsü aşağıdakı kimi xarakterizə olunur: 30 yaşa qədər olanlar 17,5%, 30-34 yaşda 15,7%, 35-44 yaşda 23,0%, 45-54 yaşda 21,9%, 55-62 yaşda 18,3%, 63-64 yaşda 2,3%, 65 və yuxarı yaşda 1,3%.

Ölkədə 4-7-ci təsnifatlar üzrə inzibati vəzifələrdə çalışan dövlət qulluqçularının 1,1%-ni yerli icra hakimiyyəti başçısının müavinləri, 14,7%-ni şöbə müdirləri, 11,3%-ni şöbə müdirinin müavinləri, 8,2%-ni sektor müdirləri, 25,9%-ni baş məsləhətçilər, 5,3%-ni böyük məsləhətçilər, 13%-ni aparıcı məsləhətçilər və 20,5%-ni məsləhətçilər təşkil edib. Dövlət qulluğunun ştat cədvəli üzrə vəzifələri 90,1% komplektləşdirilib.

Dövlət qulluqçularının orta aylıq nominal əməkhaqqı 2017-ci ildə 690,7 manat təşkil edib.

ŞƏRH YAZ
0

Hesablama Palatası növbəti kollegiya iclasını keçirdi

Hesablama Palatası növbəti kollegiya iclasını keçirdi
09:48
Bu gün
1145
Ölkə
A
Hesablama Palatasının növbəti kollegiya iclasında “2017-ci il dövlət büdcəsinin icrası haqqında” qanun layihəsinə və dövlət büdcəsinin icrasına dair illik hesabata qurumun rəyi geniş müzakirə edilib.

“Ölkə.Az” bu barədə Palataya istinadən xəbər verir.

Rəydə dövlət büdcəsinin gəlirləri, xərcləri, həmçinin dövlət borcu ilə bağlı ətraflı təhlillərin əks olunduğu, məlumat bazasının genişləndirildiyi qeyd edilib, rəyin strukturunda təkmilləşdirilmə aparıldığı diqqətə çatdırılıb.

İclasda rəy barədə fikir və təkliflər bildirilib, qanun layihəsinin və dövlət büdcəsinin icrası barədə illik hesabatın Milli Məclisdə müzakirə edilməsinin tövsiyə olunması ilə bağlı kollegiya qərarı qəbul olunub. 

ŞƏRH YAZ
0
BAĞLA